Dimapur, February 14 (TYO) : February 8, 2017 nü APO Hall Kohima nung Kin Hoho ajak den NTAC/JCC coordination meeting alidang tang nübortemi inaykba mapa ya NTAC/JCC ajanga ketdangsüa inyaktsü tashi agütsüba/mapa nungloktsüba nung ajemdaker, January 14, 2017 nü NTAC/JCC joint meeting ka amendang telemtetba kar agiogo, ta JCC media cell sangdong ka nung metetdaktsü. […]
Dimapur, February 14 (TYO): Angami Youth Organization (AYO)-i maneni February 15 anepdang 8:00 ako nungi nikongdang 3:00 ako tashi mokdangtsü osang metetdaktsüogo. Ajisüaka, iba mokdang kübok Fire Service, Medical, tatidang agütsür kaketshirtem, SP office & Administration, Press Media, NBSE/NPSC, Para Military aser Power Sub-station tem salatsür ta tanü sangdong ka nung parnoki metetdaktsü. AYO-isa Kohima […]
Dimapur, February 14 (TYO) : Chief Minister, T.R Zeliang-i consultative meeting 14 lir külen ULB election agitsü lemtet ta ashibaji maneni public külakoktsütsü atema inyakba mapa ka lir, ta Media Cell, Joint Coordination Committee (JCC)-i sangdong ka nung metetdaktsüogo. Senden 14 ben amen nunga ajaki haihaura ta asüba telemtetba ka magiteti tembang saka sorkari nübortem […]
Mokokchung, Feb 14 (TYO): February 14 nüa Nagaland tesem balala den külemi Mokokchung nunga Ao Senden JCC-i ayonga anepdang 6:00 ako nungi nikongdang 6:00 ako tashi mokdang sentong süngjema takok ngua liogo. Iba mokdang sentong nung Ao Senden kübok tzükong balala den Mokokchung nungi telok balala; aser ano Eastern Nagaland People’s Union Mokokchung, Sumi community, […]
Dimapur, February 14 (Agencies) : February 13, 2017 nü state osangkaketem nung “NPF reacts to tribal bodies; 4 MLAs” ta sür adoktsüba sangdongji NPF Central-i tanuri jembiba orep mesük aser tetetzü maketba jelushi ka amai lir ta Angami Youth Organization (AYO)-i kanga menünüa süngmanger, ta AYO media cell sangdong ajanga metetdaktsü. Kechiba temenünütsüka süra, tang […]
Dimapur, February 14 (Agencies) : February 14, 2017 nü Kohima nung Nagaland IAS Officers’ Association, Nagaland Civil Service Association (NCSA) aser Nagaland Secretariat Service Association (NSSA) teloktem ajurutepa tang state tensa dak sendakba tebilemtsütem lemsatepa liasü, ta NCSA Tir, Kevekha Kevin Zehol, NSSA Tir, Johnny Humtsoe aser IAS Association Tir, Sentiyanger Imchen nungeri sangdong ka […]
Kohima/Dimapur/Mokokchung, February 13 (TYO) : Nagaland Tribes Action Committee (NTAC) Kohima-i state yimtiba nung ghonda 12 mokdangtsü ayongzükba tiptema agiogo. Kohima nung aliba Naga kin telok balala nungi aser ano yimtsüng balala nungi nübotemi Angami Youth Organisation (AYO) lenisüba kübok Kohima tesem balala nung mapa lemzüka mokdangba nung shilem agi. Tanü garitem mesenzü aser State […]
Dimapur, February 13 (TYO) : “Asenok sasa sorkar kümteta aotsü takhangba agüja rarabaji mitkar tashi mesüra tashiyim mapa ajanga tangatettep kati marutettsü ta India sorkari angateta, tang asenok tsüngda olemtep agia telemtetba ka dangi arutsü meranger,” ta Nagaland Chief Minister, T.R. Zeliang-i taonung All India Radio ajanga metetdaktsü. “Asenok India sorkar kübok lir aser India […]
Kohima, February 13 (TYO) : Kaketshir telok aser ano kin balala nungi teloktemi mepishiba agizüka, Nagaland Tribes Action Committee (NTAC) Kohima aser Joint Coordination Committee (JCC) nati asüng (Mongulbar) nungi tenzüker March 6, 2017 tashi NBSE-i acha-ayanga agiba HSLC & HSSLC tatidang tiptema agitsü atema mokdangba kübok maitdaktsütsü telemtetba agiogo. HSLC & HSSLC tatidang agütsür […]
Dimapur, February 13, 2017 (TYO): February 10, 2017 nü Tuensang Division, Naga People’s Front-i Assembly constituency ajak, tenetprongla den rongdak senden ka ayongzüka liasü, aser iba senden nung tang Nagaland tensa indang aser, tang ama mapang ka nung state sorkar aser party nungittsü nüngdak ta o lemtepogo, ta NPF, Tuensang Division General Secretary, Bendang Sangtam-i […]