Dimapur, September 10 (TYO) : Dimapur Govt. College kübok Ao Kaketshir Telongjemi tan September ita 19 anepdang 9:30 ako nungi tenzüka ‘Penalty Shootout’ tetoktepba agitsü ayongogo. Iba tetoktepba sentong ya Dimapur Govt. College Football ground nung agitsü aser Wb.Limasünep Jamir (IPS), DIG Range tongti tesemdanger alitsü.
Dimapur, September 10 (TYO): 16 buba NSF Martyrs’ Memorial asayamong nung shilem aginer teloktem asoshi tenüng züloktsü tatembangba anogo September 11, 2015 nü tashi dang lir ta sangdonga ka ajanga metetdaktsüogo. Tan September 12 nikongtsütsü 3:00 ako nung Fixture yanglutsü ta kasa sangdong ajanga NSF Games & Sports Tongti zülur, Vizokho Zashümo-i metetdaktsüogo
Dimapur, September 10 (TYO): Dimapur District Table Tennis Association (DDTTA)-pur sanen luden tan September 14 nikongdang 3:00 ako nungi tenzüka Multipurpose Indoor Stadium nung amentsü ayongogo. DDTTA ketdangpur aser sanen luden züngsem ajak medema arua iba senden nung adentsü temepeshiba olen ka DDTTA nung Tir, Er Chirhotho-i metetdaktsüogo.
New York, September 10 (Agencies): India nunger tennis asayar mongin, Leander Paes aser Sania Mirza nati Switzerland tsür, Martina Hingis den külemi lungjemer tang tasayadak US Open asayamong mixed doubles aser tetsür doubles shilem indang final asayatsü jenjang tanü Brehostibar nü nguogo. Tan asayamong nung 4 buba jenjang abener, Paes o Hingis nati minute 61 […]
Tokyo, September 10 (Agencies): London Olympics quarterfinalist, India nunger Parupalli Kashyap-i 2 buba round asaya koka tang tasayadak Japan Open badminton asayamong tebur singles shilem indang 3 buba round asayatsü jenjang tanü Brehostibar nü ajangzükogo. Kashyap-i tanü minute 17 nung points 21-11, 21-19 ngua külem sensopur, K. Srikanth 2 round nung tsükdaktsü. Ajisüaka, tetsür World […]
Changzhou, September 10 (Agencies): India’er tetsür hockey asayartemi Malaysia madak goal 9-1 agi takok anguba sülen tang tasayadak 7 buba Women’s Junior Asia Cup asayamong semifinal asayatsü jenjang tanü Brehostibar nü nguogo. Tanü asaya nung India captain, Rani Rampal-i India telok asoshi goal 3 tashi agüja hat-trick yanglua liasü. India tsür, Preeti Dubey-i tanü asaya […]
Somoa, September 10 (Agencies): India asayartemi tang tasayadak 5 buba Commonwealth Youth Games tembangtsü anogo ka anünga alidang, tanü Brehostibar nü gold medal 2 densema ajak agi medal 7 tashi agizükba osang jangjaogo. Lasang toktepa kashishir, Prachi Singh-i tetsür recurve shilem indang gold aser Sasikumar Mukund o Dhruthi Tatachar Venugopal nati mixed doubles tennis gold […]
Mokokchung, September 09 (TYO): 21 buba Mokokchung District Football Association (MDFA) football asayamong October 6, 2015 nungi tenzüka Imkongmeren Sports Complex, Mokokchung nung asayatsü renemba osang ka MDFA nung tongti zülur, Imkongsunep-i tanü sangdong ka ajanga metetdaktsüogo. MDFA 2015 Tournament Registration Form September 11 nü nungi tenzüka 3 Kit Photo Shop, Alongmen ward nung angutsü. […]
Dimapur, September 09 (TYO): Route 29 teloki 3 buba Summer Sprint Challenge 2015 tan September ita 23-26 nü tashi Agri Expo 4th mile, Diphupar, Dimapur nung agitsü ayongogo. North East ajunga aser Northern Indian States nungi densema tetokteper 100 dak temai iba tetoktepba nung shilem agitsü renema lir. Sports Utility Vehicle (SUV), 1000cc, 1000cc ser […]
New York, September 09 (Agencies): Tebur World No. 1, Novak Djokovic-i Spain nunger Feliciano Lopez madak quarterfinal asaya koka tang tasayadak US Open 2015 tebur singles semifinal asayatsü jenjang yashi Mongolbar nü nguogo. Yashi points 6-1, 3-6, 6-3, 7-6 (7/2) ngua takok angubaji Serbia nunger Djokovic-i atonga 26 buba Grand Slam quarterfinal asaya aser New […]