Kohima, Mongputeni/October 21, 2021 (TYO): Indira Gandhi Stadium nung Angami Students’ Union ajanga ayongba 21st NSF Martyrs’ Memorial football asayamung nung, Mele Football Club Noklak aser Gaziphema Football Club Manipur nati pei pei tata asaya takok anguba sülen, team anaprongla pre-quarter final tongogo, ta sangdong ajanga metetdaktsü. Hokolbarnü, mezüng match nung, Mele FC Noklak-i goal […]
Kohima, Mongputeni/October 22, 2021 (TYO): Kohima Press Club (KPC)-i Honibar (23.10.2021) anepdang 9:30 ako nungi tenzüka Indoor Stadium Kohima nung asayamung (annual sports day) ayongzüktsü terenemba lir. Iba asayamung nung, Kohima kübok tetsür aser tebur journalist anapronglai Badminton, Table Tennis aser Arm Wrestling nung shilem agitsü, ta sangdong ajanga metetdaktsü.
New Delhi, Mongputeni/October 22, 2021 (Agencies): India cricket team nung tasa balala amshia asayar batter tajung aika lir. Ajisüaka, taoba India off-spinner Harbhajan Singh-i, tang asaya aliba T20 World Cup asayamung nung bowling shilem junga asayara, Virat Kohli-i aniba team-i tanga team madak takok ngua/tejakdang asayatsü asoshi maongka tulu angutsü ama bilemer, ta lemsatepa liasü. […]
Dimapur, Luroi/August 29 (TYO): Nagaland nungi mixed martial arts (MMA) asayar asemi Honibarnü Global Martial Arts Association (GAMMA) Asian MMA Championship 2021 nung medal nguogo. Kekhrieneitso Angami (70.3 kg) aser Longtsukumba Ao (771 kg) nati lightweight aser welterweight division nung silver medal angu aser Arsenba Ozukum-i (56.7 kg) flyweight category nung bronze medal ngua liasü. […]
Luroi/August 29, 2021 (Agencies): India tsürtem rongnungi table tennis asayar Bhavinaben Patel-i Paralympic Games nung silver medal ngua otsü tasen ka yangluogo. Paralympic nung mezüngbuba asayaba mapang lai iba takok ngutetogo. Deobarnü tetsür kija final asaya nung la China tsür Ying Zhou 0-3 agi koka liasü. Arishi küm 34 tain asayari asayamung tepeyong kanga junga […]
Luroi/August 29, 2021 (Agencies): Deobarnü Dubai nung Asian Junior Boxing Championships final nung National champion Rohit Chamoli (48kg)-i Mongolia nunger asayar Otgonbayar Tuvshinzaya koka gold medal nguogo. Mezüngbuba round makokba sülen Chamoli-i tanungba round asem koka 3-2 agi asaya akok. Iba asayamung nung India team-i junior asaya nung bronze medal trokbo kokatokogo. Tetsür asaya semifinal […]
Luroi/August 29, 2021 (Agencies): Fit India Movement tenüker kümnabuba nung Sports Minister Anurag Thakur-i Deobarnü Fit India mobile app amenoktsüogo. Iba app ya trainer-cum-fitness guide ka lir. Thakur-i, iba app ya National Sports Day nü India nungertem atema sorkar sempet lir, ta ashi. National Sports Day ya nüngtugu hockey asayar Major Dhyan Chand asoba anogo […]
Tokyo Olympics tetsür hockey asaya quarter final asaya nung Australia team akokba sülen India tetsür team tangokba noksa nung angur. Luroi/August 2, 2021 (Agencies): India tetsür hockey team-i Hombarnü otsü tasen ka yangluogo, parnoki Australia team 1-0 agi koka Olympics nung mezüngbuba semifinal tongtetogo. Quarter-final nung Australia den asayaba mapang second quarter nung Gurjit Kaur-i […]
Luroi/August 2, 2021 (Agencies): Wicketkeeper Matthew Wade lenisüba nung Australia team Bangladesh den Twenty20 asaya pongu asayatsü. Iba asayamung ya Dakha nung Mongolbarnü tenzüktsü. Captain Aaron Finch temekok tachichilen surgery agitsüsa kümba sülen Caribbean aser Bangladesh tour atema Australian bio-secure bubble toktsür Barbados nung par kidangi meyipaogo. Cricket Australia-i Hombarnü ashiba agi, India nung October […]
Luroi/August 2, 2021 (Agencies): Chhatrasal Stadium nung nisung tepsetba ken o dak sendakba nung Sushil Kumar tia tamajungba nung tamajungba küma odar, shiba tang tepuokdak yua lir. Pa Sagar Dhankar tepsetba ken o nung aija puoka lir. May 4 aser 5 aonung Sagar aser par medemer ana dak stadium nung kanga mejungi azük. Iba sülen […]