Dimapur, Rongchii/April 26, 2020 (TYO): Sorkar tashidak wara den raraba nung tali tashi taitba aser tejangjaba aotsü mechi nüburtemi yimra aser aketba atema mozü aliba record bendentsü. Anungji, format nung zülua aliba ama osangtem bendentsü aser item osang ya pei pei tata district nung tsünglanglen agüja aliba WhatsApp number dangi yoking, ta sorkar sangdong ka […]
Dimapur, April 22 (TYO): Home Department-i 15 Border Road Task Force, C/o 99 APO indang Commander dang Nagaland state nung tsünglanglen aliba lenmangtem yanglutsü atema tetuyuba agütsüogo. (i) Kohima-Pedi-Peren (ii) Botsa-Zeizou-New Ralan-Bokajan (iii) Tuensang-Mon (iv) Mon-Lungwa (v) Zunheboto-Aghunato-Kiphire Border Road Task Force-i item mapa tenzüktsü akok aser mapa inyakdang tangalen nungi nisungtem anir arua meinyaktsüla, […]
Guwahati, April 22 (Agencies): Assam sorkari Bodbarnü state nung school ajak dang March aser April itatem atema school fee 50% dang agitsü tetuyuba agütsüogo. “Mongin aika den iba onük jembiba sülen state sorkari March aser April itatem atema Class XII tashi school fees 50% agientsü telemtetba agiogo” state education minister Himanta Biswa Sarma-i ashi. “Iba […]
Kohima, April 22 (TYO): Linük ajunga shibangba aser Principal seat, Gauhati High Court nungi tetuyuba aruba ama April 20, 2020 nungi Gauhati High Court, Kohima Bench nung mapa terara inyaktsü tenzükogo. Iba mapa atema EL. Watty, Deputy Registrar (Judicial)- 9436010054; Francis Sote, Systems Officer- 9774415996 aser Arnento Asumi, Programmer – 9612904628 nungertem Nodal Officers inyaktsü […]
Dimapur, April 20 (TYO): April 21, 2020 nungi Administrative Heads of Departments, Heads of Departments aser district ajak nung heads of offices ajak pei pei mapa lemzükdak alitsü tetuyuba ka agütsüogo. AHOD/HOD/Head of Office kar danga pei mapa lemzükba headquarters nung melira, pa/lai pei pei Deputy Commissioner dang nungi headquarters-i aotsü atema pass/clearance meshitsüla, ta […]
Dimapur, Rongchii/April 20 (TYO): Home Department (Relief & Rehabilitation Branch) sangdong ka ajanga ashiba agi, State nung Nagaland Police aser Urban Local Bodies nung inyaker dena Nagaland State Government nung mapa inyakertem frontline mapa inyakba mapang COVID-19 agi asür nem State Government-i teyari sen lakh ter agütsütsü.
Shillong, April 15 (Agencies): Meghalaya nung COVID19 agi shiranga asüba mang aremtsü atema sorkari tetsükdaktsü ka ajurua lir. Bethany Hospital nung Director, Dr. John L Sailo Ryntathiang dak Hombarnü COVID-19 aliba putet aser pa tanep 2:45 ako meta asü. Dr. John asüba sülen Meghalaya sorkari Bodbar anüngdang WHO aser India sorkari lateta aliba ama pa […]
Dimapur, April 15 (TYO): Tanga tetuyuba ka magütsü tashi Dimapur kübok GS Road nung wholesale market maneni shibangtsü, ta Dimapur district administration-i metetdaktsüogo. Special Committee for Covid-19 Dimapur den Police, Dimapur Municipal Council aser Dimapur Chamber of Commerce & Industries senden ka amendang iba telemtetba agi. GS Road shibangba ajanga ketdangsertemi wholesaler tem atema tesem […]
Dimapur, April 15 (TYO) : Dimapur nung District Hospital nung Covid19 tashidak agi shirangertem yaritsü asoshi renemdagi saka yangji inyaktsü pur nurse-temi parnok nem shirangertem dak nungi tashidak memenatsüsa sübuba süoshitem shitak magütsü tashibo Covid mozü kidang mapa meinyaktsü ta Medical Superintendent (MS) nem tezüluba nung agütsüogo. Kasa shidi nungsa, nurse-temi parnoki inyaktsüba mapa dak […]
New Delhi, April 14 (Agencies): Mongulbarnü Prime Minister Narendra Modi-i May 3 tashi linük ajunga shibangtsü mapang atsülang aser April 20 nü tenokdangba agüja alibatem meyipa reprangshimtsü telemtetba agiogo. “Tebilemba ajak angadangba sülen, onoki May 3, 2020 tashi linük ajunga shibangba atsülangtsü lemtetogo” ta tanü Modi-i minute 25 o jembidang ashi. “April 20 tashi district […]