Tehran, September 16 (Agencies): Iran teloki points 77-47 agi India telok quarterfinal asaya nung tsükdakja tang tasayadak FIBA Asia Challenge asayamong nung tanü, Hokolbar nü shilem agiogo. Hamed Haddadi, Oshin Sahakian aser Behnam Yakhchali nungeri points 17, 16 aser 15 ajangzüktsüba ajanga par Iran teloki takok ngua, semifinal asayatsü jenjang ajangzükogo. Iraq telokia China madak […]
Tokyo, September 16 (Agencies): Slovakia tsür, Jana Cepelova-i Japan tsür, Kurumi Nara madak takok ngua, Nara-i ayuba pei asayadak Japan Women’s Open takok marok agizüktsü alizüng tanü, Hokolbar nü samatsüogo. 2014 küm WTA singles takok marok agizükla, arishi küm 24 tain Nara-i Kazakhstan tsür, Yulia Putintseva madak takok ngua, quarterfinal asayatsü jenjang angu saka lai […]
Aizawl, September 16 (Agencies) : Mizoram state election department-i osang sangoktsüba nung par state nung voters 7,22,739 lir aser parnok rongnung tetsür 3,68,757 dena lir. Mizoram nung vote agütsür teburtem dang nungi tetsür 14,775 agi teimba lir, ta Joint Chief Electoral Officer, F J Liantluanga-i osangbener dang ashi. Election Commission of India (ECI)-i State Election […]
Dimapur, September 16 (TYO) : Living Bread Ministry ya Tsüngremer tejembiba ajanga 15th Sept 2006, anogo nung tenzük aser Tsüngremer mapa takok ngua inyaka arur küm ter abensaba anogo mung temenungratsüka aser jangratemtsüka mungtetogo. Sentong tetenzük azüazüa Wt Shitoli Yadener telok ajanga ken den külemi tsüngkang tajung ka agi shilem agi. Tamasa sentong kecha tenzüka […]
Guwahati, September 16 (Agencies) : Army nungi Red Horns Division aser police telok kati East Karbi Anglong district nung operation ka agidang telungpur ana apu. Tena rongnung National Socialist Council of Adivasi (NSCA) nung deputy commander-in-chief, Binod Gowla dena lir. Brihostibarnü Army indang intelligence unit ajanga osang sangoktsüba sülen iba mapa inyak, ta defence otongdar, […]
Medziphema,16 Sept. 2016 : 3 Buba Indian Evangelical Mission (IEM) North East India, Women Convention sentong ka Omen “Nü süki ulushiang”- Isaia 54:2 nung amendaker, 16th-18th Sept. 2016 tashi MedziphemaTown Ao Baptist Church nung akatsü tenzükogo. Taonung mezüngbuba sentong “The Pslams” MTABC lanur teloki Tetushi aser Tekülem ani aser Convention sentong lapoka Dr. Watila Jamir, […]
Mumbai/Nagpur, September 16 (Agencies): Shiti kolak keta aliba Hindu nunger Ganesh tsüngrem süngyanglu merirjang aika tzü nung inoktsüdang Maharashtra tesem aika nung tajemba agi nisung 16 tashi süogo aser nisung ana samaogo, ta ketdangsertem osang ka ajanga metetdaktsü. Nashik nung süngyanglu tzü nung inoktsüdang tajemba agi nisung tenet asü. Sepai, Sandeep Shirsat aser S. Rameshwar […]
Dimapur, September 16 (TYO) : September 15, 2016 nü Kohima police-i Khuzama interstate check gate nung garitem mita reprangdang Guwahati-i aoba Manipur truck gari ka nung heroine gram 12 bena aliba putet. Truck (No. MN01-8631) gari nung heroine ji polythene-i alepbanger sapon asepba pongdang ka nung miima bena liasü. Iba dak sendakba nung arishi küm […]
New Delhi, September 16 (Agencies): 2015 küm alima nung kiralongrartemi amakba 11,774 ben liasü, iba mapang nung nisung 28,328 asü aser nisung 35,320 tashi yirua liasü. Alima nung kiralongra ajanga tamajungtiba kongshiba linüktem rongnung Iraq, Afghanistan aser Pakistan sülen pezübuba jenjang nung India linük lir. 2015 küm India nung kiralongrartemi amakba tatalokba 791 nungi shilem […]
Lucknow (Uttar Pradesh), September 16 (Agencies): Hokolbarnü Uttar Pradesh, Bijnore nung tebur kari school azünger tetsür kar mesüshiba nungi tamangba lokti tsüngda rara tulu adoka nisung pezü tashi kahsetogo. Rara adokba mapang nisung kari injang kahloktsü, koba ajanga minority nungi (Muslim) nisung pezü kahset aser nisung pongu yiru, ta police-i ashi. Yirua alirtemji anameta aliba […]