Singapore, September 4 (Agencies) : Zika viru agi kongshir aliba nisung 27 putetsemogo, ta Deobarnü ketdangsertemi metetdaktsü. Tang puteta aliba rongnungi parnok 25 bo Aljunied Crescent, Sims Drive, Kallang Way aser Paya Lebar Way cluster tesemtem nungi lir, ta Ministry of Health (MOH)-i sangdong ka nung ashiba Xinhua news agency osang ajanga metetdaktsü. National Environment […]
Patna, September 04 (Agencies): Bihar Chief Minister, Nitish Kumar-i Bihar nung yi takok ngua nokdangtetba atema tenüngsang agüja tanü VHP International Working President, Praveen Togadia-i, linük tesem ajaklen yi nokdangdaktsüner, ta ashi. Deobarnü Patna nung osangbenertem den jembidang Tagodia-i, “Bihar tesem ajaklen Nitish Kumar-i yi khenyongi nokdangba atema ni pa nem tenüngsang agütsür,” ta ashi. […]
Kabul, September 04 (Agencies) : Zabul province anülolentip tsütsü bus gari ka aser totzü abenba gari ka ta tsüngtepdang bus nung mena alir tetsür aser tanur dena parnok nisung 36 asü, ta Afghanistan ketdangser kati ashi. Province nung Angh, Zabul atema otongdar Gul Islam Seyal-i, iba lendong nung nisung 25 dak tema yiruba rongnung karbo […]
Mumbai September 4, 2016 : Actress Sonakshi Sinha-i shilem agiba action film ‘Akira’ sayar anogo ananü buba nung sen crore 10.45 aateta lir. A.R. Murugadoss-i direct asüba “Akira” film ya taoba Hokolbarnü saya. Iba film yagi mezüngnü dang nungia tananü sen tera agi timba aatet. Iba film yagi mezüngnü sen crore 5.15 aser tananü sen […]
Mumbai, September 4, 2016 : Bollywood film actor tejen Rishi Kapoor, September 4, 2016 nü arishi küm 64 jungogo aser iba tepela anogo tulu nung par tembartem aser film industry nung külemi inyakertemi pa den temeim aser tasoba anogo tepela salem lemsatepogo. Rishi Kapoor film industry-i aiter küm 40 shi shilem agia aruba mapang nüngtugu […]
Ni school azüngba mapang sayuba tesayurtem rongnung tesayur kanga tajung ka liasü. Pai küm nungi küm süitema onok sayudang kenü danga sodi magi. Sodi magibaji dang masü sodi anogo nunga pai par kaketshirtem ki semdanga lesson bushitsü ajungshia liasü. Anogo shia tesayurtem ajak rongnung anepdang pa tama school ki atong aser nikongdang pa tesü ao. […]
– M. Meren, Ex. Pastor, Ungma. Tanü Naga nunger putu tia ya temeyoktep mapang ka ajurua aruba tia ka nung asenok lisema arur. Temeyoktep ajanga lendong tulu-a adoker aser temeyoktep ajanga yimjunga bener arur. Ajisaka tanü temeyoktep maparen yabo onsara majung putu ka lir, kechiaser Kiralongrartemi temeyoktep oset ajanga bomb yanglur aser ibaji ajanga anogo […]
September 01, 2016 nü Naga nunger lokti tentet balala nungi teshimtet telok kati New Delhi nung Union Home Minister, Rajnath Singh ajuruba noksa nung angur. New Delhi, September 02 (TYO): 2015 küm July 16 nü Wuzu nung sepaitemi injang akahdang school tanur ana- arishi küm 13 tetsür, Aso aser arishi küm 14 tebur, Tuzali na […]
Guwahati, September 02 (Agencies) : Tesüiba gondha 24 tsüngda Security force aser Assam Police na lokteper mita aoba mapang Karbi Anglong, Dima Hasao aser Sonitpur district tem nungi telungpur parnok 11 pua lir aser iba den külemi raradang amshiba oset jenti nguteta lir. “Karbi Anglong, Dima Hasao aser Sonitpur district tem nung security force aser […]
Dimapur, September 02 (TYO): Tesayurtem anogo salem osang lemsatepa tanü sangdong ka ajanga Nagaland Angh, BP Acharya-i, tesayurtem anogo ya India tesem ajaklen September 5 nü ayonga tesayurtemi lokti aser linük atema inyakba asoshi tenüngsang agüja amunger; September 5 nü tesayurtem anogo amungba kuli ka lir, ta metetdaktsü. “September 5 anogo ya India Tir mezüngbuba […]