– Imtisungküm Lemtur, Dimapur. Meimchirtem temenen aser Tsüngrem temeim asadangteti ma? Na ali rongsen nü nük agi mayimjemi rizüngdang, Nubor jenti talidak maka nemzüdarji! Tsüngrem O bo temeli nungi mechioker, Yimlibilem aser temeim mapa asoshibo nükpoker ka den sako. Alima tesempatsü asoshibo nemnemba manener, Saka nai na anasatiba kiyonger dang memeimtetter. Tangar tashi mait angutsübo […]
Tanü asenok arogo shia nung tenla ki topur tajung yangluba agi asenok nümadangteta pelaba ama, kenü anogo nütsüngremi Yisu Khrista dang Yirusalem tenla ki yangluba tesüngmangtsü mapatemji Pa dang sayunüa aru, saka Yisui parnok dang iba tenla kidangji nübortem sentep melitettsüsa ataloktsü ta ashidangang nütsüngtem aoksa südi, kechiyong idangjiang parnoki Pa dang, süra aji kodang […]
– Süpongnüngsang Longkümer, Darogapathar Dimapur. Tamasa ocet azünger dangi khrista temeim salem apenür. Amangbapurtemi ajurutsü Lai tapu, aser mamangertem dak atalokaka mangatettsü, amangaka Lai mazüngertemi mangatettsü. JA 6:1-17 JA rateteri züluba tapak 86-91 tashi nung tera tongmelangba agi amangbapurtem den lemsatepber kechaser iba lai ya tarutsü mapang asoshi kanga nüngdak ta bilema zülutsür.t.6: 1,2 temaitsü […]
Yimsüsürtemi anir teinyaktsü purtemi shitak inyakdaktsünüba agi imlaba ama shitak inyaka mangudang aitsür aser mepelaba zülur dangashi, tang ama alima nung wara tamajung poktetba mapang ya asenok nübortemi peisasa rajema inyaktsüba mapa teimba lir. Atangji asenok ama state tila nung nütsüng ishika yabo state government kübok pei pei department-i melamelaa anepalutettsüla ser nung, tsürabur tama […]
Dimapur, April 15 (TYO): April 15, 2020 tashi nung Nagaland nungi COVID-19 tendangtsü atema sample 184 bener yokogo aser iba nung tanü sample 7 bener yokba dena lir, ta Principal Secretary, Home, Abhijit Sinha IAS-i ashi. Taonung 6:00 ako tashi nung sample 174 tashi ‘negative’ ta putetogo aser sample 10 indang osang ano mangu lir, […]
Shillong, April 15 (Agencies): Meghalaya nung COVID19 agi shiranga asüba mang aremtsü atema sorkari tetsükdaktsü ka ajurua lir. Bethany Hospital nung Director, Dr. John L Sailo Ryntathiang dak Hombarnü COVID-19 aliba putet aser pa tanep 2:45 ako meta asü. Dr. John asüba sülen Meghalaya sorkari Bodbar anüngdang WHO aser India sorkari lateta aliba ama pa […]
Dimapur, April 15 (TYO): Covid-19 dak sendakba miim osang yimjak nung metetdaktsürtem ozüng tapet agi merenshitsü ta Nagaland sorkari Bodbarnü ashi. “Nisung kari Covid-19 dak sendakba miim osang kar social media nung prokshiogo. Covid-19 aketertem indang maitsü metetdaktsüba ya Nagaland Epidemic Disease (COVID- 19) Regulations, 2020 kübok ozüng alema inyakba mapa ka lir” ta sorkar […]
Dimapur, April 15 (TYO): Dimapur district nung Administrative Officers/magistrate aser medical personnel senzüsenbongba nung kija mesüra village/colony ketdangsertemi timtem magütsütsü metetdaktsür, ta Dimapur DC & DDMA, Dimapur Chairman-i ashi. Maneni, COVID-19 dak sendakba mapa inyaktsü atema district ketdangsertemi temelaba agüja mapa inyakba kija/NGO tem aser sorkar/temelaba agütsüba teloktem atema ayangertem senzüsenbongba nung kija mesüra village/colony […]