Nenok tebang nungi o tamajung ka danga tadokdaktsü. Saka tenüngdaktsü ama to kechi yangluloktsü asoshi tajung lir, tangashirtem nem taochi agütsütsü aji jembiang. Efesa 4:29. Pauli Efesa nunger dang parnok Khrista nung kechi jenjang lir ibaji ashi aser parnok ajaba koda temsüa jajatsü iba indang ashi. Pai temeim nung ochi jembitsü aser taküm tasen sobutsü […]
Shibai auyaa liasü, pai joko tauya, saka tenüngdaktsü akaba nisung nem tagütsütsü alitsü pai pei teka agi kechi mapa tajung, aji inyakang. Efesa 4:28 Pauli maneni iba tekümdangtsü nübur nem maneni agütsür. Pai parnok dang meyazütsü mesüra ain matoktsü ashi. Tang parnok dang mauyatsü ashir. Tsüngremi ibai Israel nung yakta ozüng agütsür liasü. Nai mauyatsüla! […]
Pauli Efesa nunger dang kechi inyaktsüla iba tesayuba agütsü: temulung nung tasen kümang (t.23), nisung tasen semokang (t.24): aser kechi meinyaktsüla: tiyazü tejembi, ne ain adokba manung temenen temena. Kechiba? Pai ashi, na tejen taküm nung dang lira, na teraksa nungsa lir. Nai tiyazü jembira aser kuli makai ain adokra ne taküm Satan asoshi lapoktsür. […]
Tekülem Kolosi 3:12-25 Shisatsü ajak nung medemer o medemer na tenüngsang ken aser temeshi ken aser tanela ken agi sayua ajungshiang aser nenok temulung nung taochi ken agi Tsüngrem dang tenang. – Kolosi 3:16 Yisu sülen anidaker shia taküm tepiyong tangazüker dang masü, saka tangar dang sayurtemi asütsüla. Tsüngremi Israel nunger teburtem aser tetsürtem dang […]
Tsüngrem temeim lir, aser shibai Tsüngrem temeim nung alir, pai Tsüngrem dak alir. 1 Yohan 4:16 Yohani tabensa temeimji kechi rasaa ashir. Pai ashi, “Temeim Tsüngrem nungi lir” (t.7) aser “Tsüngrem temeim lir” (t.8). Kechiba Khristantemi meimer Pai kuli pungu ratetta agütsür: 1) Temeim Tsüngrem nungi lir 2) Shidakba tabensa Tsüngremer temeim anidaktsü, bendanga agütsüba […]
Nenoki meshir, saka mangur, kechiaser nenok pei azüabung nung endoktsü asoshi nenoki aibelena meshir. Yakob 4:3 Yakobi iba shidi tamangertem dangi zülu – kin ter ana prokshia alir dangi zülu (1:1). Apijemtsü Shin kaket nung ama pai shisa kaa alitsü indang zülu, aser pai temeshi liba-liro aser Tsüngrem O nung tashi angaba dak ranglok. Angashitsü […]
…, koba ajaba agi nenok ajak, iba ajaba temsüa jajatsü, Ni, Kibuba nung tepuokbai nenok dang mepishir. Efesa 4:1-3 Pauli Efesa 1-3 nung Khristan tesayuba aser Khrista nung tamanger ka jenjang indang jembi. Tang iba tapu nung tamanger mapa aser yimya lemsateptsü indang jembir. Pai pasasa Khrista nung tepuoker ka ta jembi aser tesem kar […]
Tekong 3 nung kija timatemba indang ashiba angur. “Alu alirtemi kü rungdong manung alu ala; parnoki meritsüng talang yanglu”. Kija taküm kangshiba noksa aika Laishiba nung angur: Tzüyim yipru ajangba, mi tesashi ajangba, tongpang rara ajangba aser khuret abenba. Kechiba ken züluri alu alabaji kija timatemba noksa ama amshi ? Mapa kaji, nüburtemi paji jana […]
Anungji Tsüngremi mapang tetemsü nung uludaktsütsü asoshi nenoki nenok sasa Pa tashi taitba teka kübok ajemalua kümang. 1 Peter 5:6 Tashi tait Tsüngrem tekai teti Pa tematiba sentong ataloktsür. Asenok tatidang ajanga oaka Pa teka agi asenok anir. Khristan ka ama, asenoki ajemalua Tsüngrem kübok alitsüla. Ibaji yimya masü. Asenoki timtem maginer, aser asenok sasa […]
Khrista Yisu dak koba temulung liasü, aji nenok daka liang. – Fil. 2:5. Yimya-liroji odangbo mataloker: asenoki shimer. Pauli tamangertem dak Yisu temulungsentsü alitsü ajungshi. Yisuji Tsüngrem Chir liasü. Pa menden Tebu tajichilen liasü. Alima ajunga nung yimsü asü. Kotaker Tebu tajichilen amenba dang temaba, tuluba menden mali. Yisu Tebu den tesendaktep aliba ajanga iba menden […]