“Anungji shibai atem, mesüra shibai tzü ain, pa kecha masü, saka Tsüngremi indaktsü.” (1 Kor. 3:7). Tsüngrem mapa tejakleni aotsü Tsüngremi Pa taochi aser shisatsü Arogo nung matenba tentettem (para-churches) nung amshir. Saka pastor aser arogo lenir kar asoshi ibaji tenük komo ama lir. Iba tentet asoshi Laishibaren nungi teti tasüngdangba alir. Anatsülen nungi lemsatepba […]
“Nenok shisa buluba ajak Pa dak yuang, kechiaser Pai nenok asoshi anebalur.” (1 Peter 5:7). Satani Tsüngremer nübur anema amshiba nok-o-nü tajungtibaji tasü maitji lir. Tejen aser Tasen Lai nung temeshi nisung shingaia iba nungi mejenbutet. Aji oda mesüra Elijahi Carmal tenem nung takok ngur, tananübuba juniper süngdong kübok tasü meiti akümba nai koda rasaa […]
“Kü taochi na asoshi teperi, kechiaser Kü ain mekokmin nung abensadaktsür.” (2 Kor. 12:9). Tsüngremji taneptsür. Pai Pasasa Jehova-Rapha, tetezü “Kibuba shibai aneptsür” ta jungkai adok (Anitet 15:26). Pa kodanga memelenshir. Pa ain teti kasa lir. Nisung aser mozü asoshi kechi tamakoktsü lir, Tsüngrem denbo takoktsü lir. Tsüngremer taneptsü ain tematiba Yisu alima nung alidang […]
“Nisung shia yimsüsürtem kübok liang, kechiyong Tsüngrem ain alema tanga mali.” (Rom 13:11). Independent Anogo, Republic Anogo nung asenoki kin nisan nem akhümtsübu agütsür. Aji saka aji süngyanglu külemba masü. Akhümtsübu agütsübaji külemba masü. India nung pei-pei sobaliba ama akhümtsübu agüja agizükba yimya lir. Kari tekolak angüma lua salem agüja akhümtsübu sayur, kari teka nepteper […]
“Ka dang nungi ana tajungba, kechiaser parnoki inyakba nungi taa tajung kar” (Sayu. 4:9). Kari ashi Liyim arogo nung medeni tenzükbaji nüji tenzükba (independent). Aji shidak masü. Khristan pur ajaki parnok sasa liyim arogo züngsem küma tekülem aser kulisüba nung adentsüla, saka idakji liyim arogoi mamjemba mapa aika alitsü akok. Laishiba meyipba telok, Bible societies, […]
“Kü dang sayuang, ni mekorai lidi, aser ni kong aibelener aji angatetdakjang.” (Yob 6:24). Ajak tesüngjem nung alidang temeli azüoka asenok alitsü temela, aser iba nung balaka merangtsü menüngdak. Saka kodang asenok süngjema melilir aser ain adokdir, asenoki mejembitsütema jembir. Yob pa taküm timtem shisabulu nung liaka pai kanga kümdanga jembi. Yobi kanga ajemalua pa […]
Khristan yimsüji Nazaret nung Yisu taküm aser Pa tenzükba mapa nung angur. Pa nübur den tesendaktepji timtemer atema aria bilemba mulungsentsü liasü. Pai kecha telemdang makai timtemertem den ka aküm. Shiba kü nütsüng kümner, pai kasa aria bilembaji sayutsüla ta Yisui nütsüngtem dang sayu. Shidakba nung Yisui asenok dang Tsüngrem den sendaktepa alitsü sayu. Tangar […]
“Saka atangji sayuba den apet O nai jembiang.” Tita 2:1 Ano teyari asoshi tangatetba tanelaji külem temeshi pur telungjem aser Tsüngrem tenzükertem arur. Khristan shinga peisasa agi teperiba makümer. Telok ka kisüng agi tabensa mekümtetter. Asenok kati ka nüngdaker. Kodang asenok shirangdir temang ajunga agi iba mesen anema rarar. Kasaji tiyazü tesayuba mopung aser yipru […]
“Anungji Tsüngremi mapang tetemsü nung nenok uludaktsütsü asoshi nenoki nenok sasa Pa tashi taitba teka kübok ajemalua kümang.” (1 Peter 5:6). Semtu Benjung tonga aru. Yisu adianutemi Benjung jagi orr nübur madak sayatenya mapa inyaktsü ajungshi. Parnoki ashi, “Nübur atema bilemer shingaia miima meinyaker” (Yn. 7:4). Pa telangzübaji reprangang: “Kü mapang ano matong; nenok atema […]
“Ne O kü tsüng asoshi milen aser kü lenmang asoshi tesangwa lir.” (T. Ken 119:115) Tsüngremi tangatetba agütsüba rongnung mezüngbubaji Tsüngrem O lir. Pentecost Anogo nung Tanela Temeshi alubaji Yihuda nunger otsü nung matalokdangba atalokba otsü liasü. Temaba Takdang nung atalokba angartem süngmanga liasü. “Ibai koda?” ta parnok rongnung asüngdangtep. “Ya kechi tetezü?” (T.M. 2:8,12). […]