New Delhi, Metsüremi 12 (Agencies): India Union kübok state 9 nung Rajya Sabha election atema BJP, Congress Party, RJD, TRS aser JD-U party temi candidates tenüng sangdongogo. Metsüremi (March) 23, 2018 nü Rajya Sabha menden 58 atema state 9 nung election agitsü atema Election Commission-i tamalen sangdonga liasü. Candidate temi tenüng agutsütsü atema tatembangbuba anogoji […]
Ahmedabad, Metsüremi 11 (Agencies): Tanü Commerce & Industry Union Minister, Suresh Prabhu-i, France-i India nung sen aika indoka shishilembatsü tebilemba lir, aser ibaji ajanga linük nung technology aser rongsenkettsüng jenjang tajungba akumba den külemi lanurtem atema mapa aika adoktsü, ta ashi. Yashi New Delhi nung Prabhu-i France nungi ketdangsertem ajurua liasü. Union Minister-i, India nunger […]
New Delhi, Metsüremi 11 (Agencies): Election Commission (EC)-i temepishiba shidi ka ajanga Supreme Court dang Aadhaar aser Voter ID cards sendakteptsü atema benokogo. EC-i, Voter ID card, Aadhaar den sendaktepba ajanga vote agutsüba nung ochimashi inyakyim nokdangtettsü aser nisung kati vote ka dang agutsütettsü, ta ashi. Tamalena EC-i voter cards ajakji Aadhar den sendakteptsü atema […]
Kuala Lumpur, Metsüremi 11 (Agencies): Taoba mapang India Ato kilonser, Rajiv Gandhi tepsetba sülen küm 27 jungnüa arudang par jabaso aser Congress Tir, Rahul Gandhi-i, teno Priyanka Gandhi Vadra tenati tebu tepsetertem dang tai tokogo, ta ashi. Yashi Singapore nung IIM nung tamalen azüngertem den jembidang Rahul-i, “Kübu tepsetertem dang onoki tai tokogo. Kechi kuli […]
Mumbai, Metsüremi (March) 11 (Agencies): Maharashtra nung aluyimertemi takhangba onük balala agüja aluyimer 30,000 dak tema Mumbai yimti tonga jajaa aruogo, aser asüng parnok Sion nung aliba Somaiya Ground nung adenshiba sülen parnoki sangdong kar agutsütsü. Tentonü (Hombar) parnok south Mumbai-i aotsü aser state assembly-i oa aluyimertem dang sentsüh atoktsü, alu nungi züsentetbatem nung jenjang […]
Metsüremi 10, 2018 nü New Delhi nung Ato kilonser, Narendra Modi and aser France Tir, Emmanuel Macron nati kulisüa repranga atadang linük ana tsüngda tezüngzükep agiba noksa nung angur. New Delhi, Metsüremi 10 (Agencies): Tanü Ato kilonser, Narendra Modi o France tir, Emmanuel Macron na senden mena defence, security, trade aser investment nung amalitepa inyaktsü […]
New Delhi, Metsüremi 10 (Agencies): Rongchii (April) 1, 2018 anogo nungi tenzüka linük tesem ajaklen inter-state e-Way Bill mapa küma inyaktsü atema Goods and Services Tax (GST) Council-i agizükogo, ta tanü Union Finance Minister, Arun Jaitley-i metetdaktsü. Ajisüaka intra-state movement atema e-way bill ji Rongchii 15 nungi tenzüka shilem lemsar inyaktsü aser June 1, 2018 […]
New Delhi, Metsüremi 10 (Agencies): Taruba Rajya Sabha elections nung Congress-i menden kar nung tamakok angutsüa akok, ajisüaka parnoki iba election nung tanga party tem teyari angutsü. West Bengal nung Rahul Gandhi-i aniba Congress party-i Trinamool Congress teyari angutsü aser Jharkhand nung Jharkhand Mukti Morcha teyari angutsü. Yashi TMC tongti lenir aser West Bengal Chief […]
New Delhi, Metsüremi 10 (Agencies): 2013 küm India nunger election inyakyim nung None of the Above (NOTA) option inoksemba sülen tang tashi nung Lok Sabha elections aser Assembly elections nung NOTA vote crore 1.33 agutsüogo, ta election watchdog osang ajanga metetdaktsü. Association for Democratic Reforms (ADR) & National Election Watch-i tesüiba küm pongui tsüngda NOTA […]
Agartala, Metsüremi (March) 08 (Agencies): Rogonü (Hokolbar) Agartala nung aliba Assam Rifles ground nung Biplab Deb, Tripura Chief Minister inyaktsü atema tenangzükba agitsü; aser iba ya tang mezüng Tripura nung BJP sorkar tenangzükba agir asutsü. BJP-Indigenous People’s Front of Tripura (IPFT) teloktepi tawa agiba Assembly election nung takok ngua tesüiba küm 25 tashi yimsüsüba sorkar, […]