Chisinau, October 31 (Agencies): Moldova linük-i par Tir election yashi, Deobar nü agiogo. Tan election agiba ya Moldova linüki 1990s mapang sülen tan mezüngsüa tetsükdaktsü aser timtem kechi majurui election sentong takok ngua agir lir. Ano, tan election ya kanga dang tongtipang lir kechiyong tan election agiba sülen par linüki European Union (EU) mesüra Russia […]
Deobarnü L’Aquila, Italy nung menoknok agi raksatsür aliba ki ka noksa nung angur. Rome, October 30 (Agencies) : Anaben tashi menoknok anoker aliba tesem, central Italy nung Deobarnüa ano menoknok tesashi ka anoka kiojen jenti raksaja nisung aika talidak makai kümogo. August ita nung menoknok anokdang nisung 300 shi asüba tesem nung ano tan menoknok […]
Cairo, October 30 (Agencies) : Egypt tesem kar nung tzünglu tesashi alua tzü metsüngba ajanga nisung 22 dak tema asü aser 72 yirur lir, ta ketdangsertemi ashi. Health ministry atema otongdar Khaled Megahed-i, kibong kari osang magütsüba agi tang ashi tasübaji tang metetdaktsüba dang nungi timba asütsü. Brihostibarnü nungi tzümetsüng dang asür karbo kinungertemi rematokogo […]
Kabul, October 30 (Agencies) : Pakistan arrtsülen nungi kiralongra mapa inyaktsü osang kar angashiba sülen Kunar province anüdoklen aliba Dangam district nung anüng nungi amakdang tajemba agi Lashkar-e-Taiba telungpur 19 tepsetogo, ta Afghanistan sorkari metetdaktsü. Dangam district kübok Airogoi yimtsüng nung yashi, Honibar nikongdang anüng nungi amakba mapang Pakistan nung amenoka aliba telungpur indang BM-1 […]
Washington, October 30 (Agencies) : India nung raliwali maparen tali tajungba küma ajungkettsütsü nükjidong nung United States of America kübok Nevada state-i New Delhi nung tourism office tasen ka lapoktsü, ta ketdangsertemi metetdaktsüogo. Iba office semzüktsü atema India-i mapuso tsüngda, Nevada Lt Governor Thomas Hutchinson-i, “India yimtiba New Delhi nung raliwali maparen tali tajungba küma […]
France anüdoklentip tsütsü, Calais jenokdak nungi aridokba sülen refugee telok kati Paris yimtiba northeast tsütsülen süki renemer idakji jenoka aliba noksa nung angur. (Paris, October 29) Paris, October 29 (Agencies): Britain arrtsülen, France kübok Calais nung jenoka alir refugee nisungtem den sentakba khuret Britain linüki abentsü tajungshiba olen ka France Tir, Francois Hollande-i tanü, Honibar […]
South Korea Tir, Park Geun-hye yimsüsütsü menden nungi anentsü takhangba benoker nüburtemi ozülu bener Seoul yimtiba nung longkak aitba noksa nung angur. (Seoul, October 29) Seoul, October 29 (Agencies): South Korea nübur meyirijang jenti par Tir, Park Geun-hye yimsüsütsü menden nungi anentsü takhangba benoka, Seoul yimtiba nung kanga sashia longkak aitogo. Park-i ozüng alema inyaka, […]
Cairo, October 29 (Agencies): Egypt nung tentetba okadak kati Muslim Brotherhood telok pusemer nisung 2 aitsüba sülen tena taküm tepiyong tepuokdak puoka ayutsü temerenshi tanü, Honibar nü agütsüogo. Egypt-i democracy yimsüsütsü yimya benshia shimba mezüngbuba Tir, Mohamed Mursi yimsüsütsü menden nungi tashiyim agi 2013 küm anentsüba sülen Cairo yimti nung adokba raratep lendong nung Muslim […]
Geneva, October 29 (Agencies): Switzerland kübok Geneva nung tan Hokolbar nü amenba United Nations (UN) General Assembly senden nung Russia-i vote kanga ajema ngua, UN Human Rights Council (UNHRC) nung maneni züngsemtsü temeten mongutettsüsa jenjang tamajung ajuruogo. Par linüki mitkar teyari agüja, Syria tongpang nung Syria sorkar yariba atema par linük merenshia, tan UNHRC nung […]
New York, October 28 (Agencies): United Nations (UN) nung züngsemba linüktemi tongpang nung amshitsü nuclear osettsüset yangluba aser kasaji rizüngba mapatong nokdangtsü onük yashi, Brehostibar nü agizükogo. Tongpang nung amshitsü nuclear osettsüset yanglua kasaji rizüngba linüktemi anem aka, UN Disarmanent & International Security Committee (UNDISC)-i nuclear osettsüset yangluba aser kasaji rizüngba mapatong nokdangtsü onük agizüka […]