Tehran, July 29 (Agencies): France yimtiba, Paris taküm November ita semdangtsü asoshi Iran Tir, Hassan Rouhani jaokba olen ka tang Iran semdanga alisang, France Foreign Minister, Laurent Fabius-i tanü Bodbar nü metetdaktsüogo. “Ozü Tir, Francois Hollande-i Iran lenisang, Rouhani Paris yimti taküm November ita semdangtsü jaokba shiti ka ni tanü tongtsüogo,” ta Fabius-i tanü Tehran […]
Myanmar opposition lenila, Aung San Suu Kyi (Achijilen)-i taküm November ita agitsü ayongba parliamentary election nung candidate ka ama tokteptsü nükjidong nung Yangon tezülen, Kawhmu district nung tentetba election commission office kidang la tenüng züluokba noksa nung angur. (Kawhmu district, July 29) Yangon, July 29 (Agencies): Myanmar’er democracy lenila, Aung San Suu Kyi-i taküm November […]
New York, July 28 (Agencies): NASA nung bushisüngdangertemi wireless phone, computer aser temang nung sendakloker amshiba osettem atema wi-fi chip ka yanglutetogo aser iba jagi tanga chip/router dang nungi noklang nung noklang agi power tajemba amshir. California nung aliba NASA meyong Jet Propulsion Lab nung bushisüngdanger Adrian Tang aser University of California-Los Angeles nung professor […]
Lagos, July 28 (Agencies): Nigeria Tir tasenba, Muhammadu Buhari-i tan mezüngsüa, asüng, Bodbar nü Cameroon semdangtsü sentong renemba osang ka Tir office-i tanü sangdong ka ajanga metetdaktsüogo. “Ozü linük ana tsüngda tesendaktep tajungba küma külemi lungjemer Boko Haram ta ajaba kiralongrar telok anema raratsü nükjidong nung ozü lenisang, Buhari-i tan Cameroon semdangtsü sentong renemogo,” ta […]
Brussels, July 28 (Agencies): Turkey-i tang tenzükba Syria aser Iraq na nung lendong kanga sashia atalokdaktsüba kiralongrar telok tetsüti, Islamic State (IS) telok anema raraba maparen nungitsü telemtetba ka North Atlantic Treaty Organization (NATO)-i tanü Mongolbar nü agiogo. Turkey-i taoba hopta tatembanglen nungi tenzüka IS aser Kurdistan Workers Party (PKK) telungpur anema raratsü tenzükba sülen […]
Tripoli, July 28 (Agencies): Libya nung tentetba tematiba okadaki taoba mapang nung Libya madak tashiyim agi yimsü asüsang, Mummar Gaddafi jabaso, Saif al-Islam nem tasüba temerenshi tanü Mongolbar nü agütsüogo. Gaddafi yimli jireptsüsa taoba mapang, 2011 nung Libya nüburtemi longkak aitdang kasaji ajemrptsü merangba aser tongpang raradang ozüng alema inyakba ken o nung aitsüba sülen […]
Addis Ababa, July 28 (Agencies): Africa nung tentetba linüktemi democracy yimsüsütsü yimya indaktsütsü asoshi bendanga agüja inyaba ajanga parnoki terenlok anugtsü ta US Tir, Barack Obama-i tanü Mongolbar nü metetdaktsüogo. Linük 54-i tentetba African Union (AU) senden nung shilem agir mezüngbuba US Tir küma, Obama-i tanü iba olenji metetdaktsü. Paisa ashiba agi, linük temzüngi memelakasa, […]
Oslo, July 27 (Agencies): Turkey-i tang tenzüka aliba Islamic State (IS) ta ajaba kiralongrar telok aser Kurd kin züngsemtemi tentetba PKK telungpurtem anema rarabaren nung yariteptsü asoshi North Atlantic Treaty Organization (NATO) dang mitkar teyari meshia mali ta NATO lenisang, Jens Stoltenberg-i tanü Hombar nü metetdaktsüogo. “Turkey mitkartemi bomb-tem tsükdakja kiralongrar aser telungpur den raraba […]
Sanaa, July 27 (Agencies): Yemen nung alirtemi nungdakba chiyongtsü, mozü mora aser iba amala osettüset tongtsütsü nükjidong nung Saudi Arabia-i aniba teloktep Arab mitkartemi par tayimtsü amshia Yemen nung amakba maparen tang anena lir. Ajisüaka, tongpang rarabaren anentsü asoshi par telok den osangtsüsang magiba olen ka Sanaa yimtiba densema Yemen kübok densemba tesem aika agia […]
Kabul, July 27 (Agencies): Mejangjatetba prangpong abener telok kati Afghanistan anüdoklen kiyir benjung ka nung adener nisung 21 shi kasetba den külemi, nisung 8 shi yirutsüogo ta police-i tanü Hombar nü metetdaktsü. Kechi timtem ajanga Baghlan province nung tan lendongji atalokdaktsü iba osang tang tashi mejangjateti lir ta parnoki ashi. “Baghlan province nung kiyir benjung […]