Guwahati, August 17 (Agencies): Yasüng tesü Assam Tourism minister, Sumitra Patir’er tanüker security sepai ka Guwahati nung minister meyong official kidang pasasa kahseta süogo, ta tanü police-i ashi. Deobar aonung 11:00 ako meta minister quarter nung aliba barrack nung security guard, Akhil Haloi-i pa meyong service prangpong amshia pasasa kahset, ta tanü police osang ka […]
Guwahati, August 16 (Agencies): Tesüiba küm pongu tsüngda Arunachal Pradesh nung Pawan Hans helicopter asem tsüokba lendong nung taoba mapang state Chief Minister Dorjee Khandu densema nisung 27 tashi süogo, aser item tatalokba nung ajemdaker state nung kaketshir tentet tulutiba, All Arunachal Pradesh Students’ Union (AAPSU)-i state nung Congress sorkar dang Pawan Hans Helicopter Ltd […]
Jakarta, August 16 (Agencies) : Deobarnü Indonesia kübok Papua tesem nung nisung 54 amenba tayimtsü ka tsüok, ta sorkar ketdangser kati metetdaktsü. “Iba tayimtsü tsüokbaji yimdaklirtemi anguba osang metetdaktsü aser tang onoki osang tejangja bushidar” ta air transportation director general, Suprasetyo-i taonung osangbener dang ashi. Deobar nikongtsütsü iba tayimtsü den tongtepratep samar bushiteptsü tenzük, ta […]
Imphal, August 16 (Agencies) : Hokolbar nungi Manipur nung Inner Line Permit System (ILPS) mapa küma tenzüktsü takhangba agüja kaketshir pungui lumia lungkak aittsü tenzükogo. Lungkak aitertem rongnung tetsür ka dena lir aser parnok ajak ya Imphal nung aliba Higher Secondary School balala nungi lir. Manipur Chief minister Ibobi Singh-i, August 15, 2015 matongdang Drafting […]
Kohima, August 15 (TYO) : India aser NSCN(IM) tsüngda Yimjung Tenangzüktep agiba pelashishia agizüker aser ‘framework agreement’ magidang tamasa Naga nunger den asüngdangyatsü imlar, ta Chief Minister T R Zeliang-i tanü metetdaktsü. Tesüiba küm 60 tema Naga yimten tebilemtsü khuret ya lokti aser yimtenren inyaksangshi ajak nung tongti süa aruogo aser 1963 nung Nagaland state […]
Guwahati, August 15 (Agencies): Tanü Assam Chief Minister Tarun Gogoi-i state nung district tasen pongu tentettsü osang sangdongogo, district tasen ponguji densemabo Assam nung district ajak agi 32 asütsü. Tanü Guwahati, Khanapara tesem nung aliba Veterinary College moapu nung Independence Day benjungmung onük jembidang Assam CM Gogoi-i state nung district tasen kümtetba osangji sangdonga liasü. […]
Mathura, August 14 (Agencies): Mathura nung aluyimertem mapang talangka timtema sorkar dang nungi teyari ata-a liasü, aser joko teimla ajak samar parnok 25,000 shi soseta asütsü telemteba agiogo. Independence Day (August 15) nü soseta asütsü atema aluyimertem jagi shidi ka ajanga Tir Pranab Mukherjee dang temelaba agüjang ta shiogo. Iba osang ajanga district ketdangsertem shisaboludagi. […]
Kohima, August 14 (TYO): Tanü August 14, 2015 nü Nagaland Angh, P.B. Acharya-i pa office takdang nung state sorkar tongti ketdangsertem aser Assam Rifles den CRPF ama security agency tem den senden ka ayonga tang state tensa indang lemtepogo. Iba senden nung Chief Secretary Pankaj Kumar, Director General of Police, L. Dongel, Home Commissioner N. […]
Longpayimsen (Mokokchung), August 14 (TYO) : Longpayimsen Public Ground, Mokokchung nung 69 buba Naga Independence Day sentong ayongzüka agi aser iba sentong nung tongti tesemdanger NSCN IM Chaplee Affairs Ministry ketdangser Limachuba liasü. Tanü sentong nung jembidang Limachuba-i ashiba agi, India sorkar aser NSCN (IM) tsüngda ‘framework agreement’ agiba ajanga Naga nunger lokti nung tensa […]
New Delhi, August 13 (Agencies): Tan mongpu Parliament senden tenzüknü, July 21 nungi opposition party temi takhangba balala agüja lungkak aitba ajanga senden nung mepetmesü adoka anogo 24 tashi senden junga magiteti tanü Brihostibar nü tembangogo. Lok Sabha aser Rajya Sabha naprongla nung senden tepiyong Congress-i anir opposition party temi Lalit Modi aser Vyapam ochimashi […]