New Delhi, September 16 (Agencies): 2015 küm alima nung kiralongrartemi amakba 11,774 ben liasü, iba mapang nung nisung 28,328 asü aser nisung 35,320 tashi yirua liasü. Alima nung kiralongra ajanga tamajungtiba kongshiba linüktem rongnung Iraq, Afghanistan aser Pakistan sülen pezübuba jenjang nung India linük lir. 2015 küm India nung kiralongrartemi amakba tatalokba 791 nungi shilem […]
Lucknow (Uttar Pradesh), September 16 (Agencies): Hokolbarnü Uttar Pradesh, Bijnore nung tebur kari school azünger tetsür kar mesüshiba nungi tamangba lokti tsüngda rara tulu adoka nisung pezü tashi kahsetogo. Rara adokba mapang nisung kari injang kahloktsü, koba ajanga minority nungi (Muslim) nisung pezü kahset aser nisung pongu yiru, ta police-i ashi. Yirua alirtemji anameta aliba […]
Srinagar, September 16 (Agencies): Kashmir nung taoba hopta longkak aitdang yirua alir ka tanü Hokolbarnü süogo, aser ibaji züngsemabo July 8, 2016 nungi tenzükba Kashmir rara nung asürtem nisung 80 jungogo. September 5 nü South Kashmir, Pulwama nung longkak aitdang Basit Mukhtar tear gas shell ka agi yirua liasü aser tanep pa Srinagar nung aliba […]
US yimtiba, Washington northwest tsütsü tentetba Roosevelt Senior High School nung (Abelen nungi achijileni tarensena) Elsi Argueta, Cindy Mayen aser Michannie Grant nunger densemba class 12 kaketshirtemi Myanmar lenila, Aung San Suu Kyi den selfie ka agiba noksa ka yangi angur. (Washington, September 16) Washington, September 16 (Agencies): US nung tentetba shishilembatsü teloktemi Myanmar linük […]
New Delhi, September 16 (Agencies): Bollywood star, Priyanka Chopra, shibai crime thriller “Quantico” nung FBI Agent shilem agia liasü, la India tsür actress rongnung mezüng Forbes 10 highest paid TV actresses rongnung denogo. 2015 June ita nungi 2016 June ita tashi nung Chopra-i US sen million 11 aazükteta lai Forbes list nung jenjang 8 buba […]
Lucknow, September 16 (Agencies): Samajwadi Party (SP) tongti, Mulayam Singh Yadav adianu, Shivpal Yadav-i Cabinet nungi sodi meshiba sülen anogo ka lir tanü Mulayam-i, pa ali tashibo party nung telemsa madoktsü, ta ashi. Lucknow nung party nung inyakertem den jembidang Yadav-i, par jabaso aser chief minister, Akhilesh Yadav-i pai ashiba mangai malitsü, ta ashiba den […]
September 16, 2016: Khristmas mongpu atongtsü lia actress aser kentener, Zooey Deschanel-i Khristmas kensep tasen sayatsü. 2016 küm Khristmas atongtsü anogo 100 dang anünga lia Brihostibarnü (September 15) Khristmas kensep tasen sayatsü osang sangdongogo. Zooey Deschanel aser M.Ward nati akumba She & Him-i, Christmas Party ji October 28, 2016 nü sayatsü ta sangdong. Iba ya […]
September 16, 2016: Actress, Chloe Grace Moretz-i la mapa nungi anisüngzüktsü asoshi la indang taruba film project ajak thinentsüogo. Arishi küm 19 actress, Chloe-i la ansisüngzüktsü nüngdaker ta shiogo, ta The Hollywood Reporter osang ajanga metetdaktsü. “Ni kü indang movie ajak thinentsüogo, kechiyong ni, ni shiba-ar junga asadanga kü shilemtem indang tanaben shisadangner. Ni anisüngzüktsüla […]
Peshawar, September 16 (Agencies): Peisasa pokseta asütsü mulungteter kati bomb pokdakja Pakistan northwest tsütsülen tentetba mosque ka nung lendong kanga sashia tanü, Hokolbar nü atalokdaktsüba osang ka sorkar ketdangsertemi metetdaktsüogo. “Tanü lendong atalokdaktsütsüsangi ‘Allahu Akbar’ ta ayimoktsüba sülen pa temang nung alenokba bomb pokdakja lendongji ataloktsüba osang jangjaogo,” ta parnoki ashi. “Afghanistan arrtsülen, Federally Administered […]
Paris, September 16 (Agencies): Europe ajunga tali lungjema alitsü tayongzükba olen ka France Tir, Francois Hollande-i yashi, Brehostibar nü metetdaktsüogo. Britain-i brexit ta ajaba European Union (EU) toktsütsü lemtetba sülen par linük medeni Europe-i tarutsü mera agitsü nükla tajung bushiba mapang ka nung migration, tensa azüoktsüren aser EU dak temulung melemteti akümba onüktem nung EU […]