Mokokchung, September 14 (TYO): 66KV Mokokchung-Tuli transmission yanglushiba ajanga Mon aser Longleng district na den Mokokchung district kübok Changtongya aser Tuli area nung September 16 nungi September 20, 2017 nü tashi anepdang 6:00 ako nungi nikongdang 6:00 ako tashi light power malitsü; anungji light atsükertemi timtem liaka aremzüka lidaktsüner, ta tanü Mokokchung Transmission Division Mokokchung, […]
September 14, 2017 nü Dimapur nung ‘Sankalp se Siddhi’ sentong nung Nagaland Angh, PB Acharya-i ketdangsüa ‘New India’ tenangzükba agidaktsüba noksa nung angur. Kasa noksa nung Angh kinungtsü aser Union Minister of state (Independent charge), Culture, Mahesh Sharma nata angur. Dimapur, September 14 (TYO): Union Minister of State (Independent charge), Culture, Mahesh Sharma-i, linük aintsü […]
New Delhi, September 14 (Agencies): Naga yimjung ken o tatembanglen kati aruba mapang Nagaland nung lokti tentet balala nungi lenirtem aser yimtenren lenirtemi, Naga yimtenren ken o latetra 2018 küm March ita nung agitsü aliba assembly election atsülangtsüa akok, ta ashir. Osangbener den jembidang Nagaland nung taoba Chief Minister aser tang Lok Sabha züngsem, Neiphiu […]
Gandhinagar/New Delhi, September 14 (Agencies): Brihostibarnü India aser Japan nati maneni amalitepa inyaktsü atema tezüngzüktep 15 agiba den külemi China anema Indo-Pacific region nunga taliba amalitepa inyaktsü bangjemogo. Tanü Ato kilonser, Narendra Modi aser Japan Ato kilonser, Shinzo Abe nati linük ana dak sendakba onüktem, regional aser international onüktem nung o lemtepba den külemi shishilembaba, […]
Imphal, September 14 (Agencies): Brehostibarnü Manipur Assembly Speaker Yumnam Khemchand-i ashiba agi, mechanised pottery unit ka lapoktsü atema sen crore 10 agütsüba samaaogo. Iba olen ya pai Ukhrul district kübok Nungbi tesem nung potepba tesem kar semdangba mapang nung ashi. “Iba fund ya North Eastern Council ajanga agütsüadokogo, koba Nungbi tesem nung aliba potepertem ajangzükdaktsütsü […]
Itanagar, September 14 (Agencies): Arunachal Pradesh Chief Minister Pema Khandu-i par state atema IAS, IPS cadre balaka agütsütsü asoshi Home Minister Rajnath Singh den New Delhi nung ajurutepba mapang nung benoka liasü. Tang tashi nung state ya AGMUT cadre kübok dang lir koba ajanga Arunachal Pradesh, Goa, Mizoram aser Union Territories ajak tenzüker. “AGMUT cadre […]
New Delhi, September 14 (Agencies): Brihostibarnü Centre sorkari affidavit ka ajanga Supreme Court (SC) dang, Rohingya nunger ya linük security atema amokmeren ka lir, ta metetdaktsü. Sorkari Rohingya nunger meyipa yoktsü atema tebilemba lir. Myanmar nung parnoki reshikangshi tia ajuruba ajanga parnok India-i aru, aser sorkari parnokji ozüng alema arurtem lir, ta züngshir. Rohingya refugees […]
Srinagar, September 14 (Agencies): Brihostibarnü Jammu & Kashmir, Srinagar kübok Nowgam tesem nung khatepdang Lashkar-e-Taiba kiralongrar aser taküm Amarnath temeshi aieni aoertem amakba sentong asameyanger tongti, Abu Ismail khasetogo. Abu Ismail den ano temeshi aieni aortem amaker telungpur ka densema khaset. LeT telungpur aser Pakistan nunger senso, Ismail lenisüba kübok taküm July ita nung Amarnath […]
Guwahati, September 14 (Agencies): Assam nung tesayur ka dang parnok külemi inyaker tesayur anati, kangshia nashishi achitsü aser islam tamangba yimsüi meyiptsü asoshi nongshir ta asüba ken o police temi bushitüngdangtsü, ta ketdangser kati Bodhbarnü ashi. Morigaon Deputy Commissioner Hamen Das-i ashiba agi, iba dak sendakba nung lenla ana nungi bushisüngdangtsü asoshi tetuyuba agütsüogo. “Onoki […]
Lucknow, September 14 (Agencies): Brihostibarnep Uttar Pradesh kübok Baghpat nung aliba Yamuna ayong nung rong ka meküpba lendong nung aayanger 22 tashi süogo, ta ketdangsertem osang ka ajanga metetdaktsü. Police aser Provincial Armed Constabulary (PAC) züngsemtemi tasümangtemji agitet aser kar kümzük, ta ketdangser kati metetdaktsü. Nisung tali mendaktsüba ajanga rongji meküp, ta aija tejashi nung […]