Guwahati, February 6 (Agencies): Assam nung Register of Citizens (NRC) repranga yanglushiba mapang nung nisung 250 apur aser maitsü kulikaket taila 2,000 dak tema puogo. Tesem tonga orr reprangshiba nung application form lakh 68.21 bo temogo, aser office nung kulikaket crore 6.14 nungi shilem 93.32 bo tang tashi nung temogo. Item osangtem tanü Legislative Assembly […]
Guwahati, February 06 (Agencies): Assam nung Congress teloki yimsüsüba mapang nisung 52,560 taküm samaogo, ta tanü Assam Assembly nung metetdaktsü. AGP MLA, Ramendra Narayan Kalita ajanga asüngdangba, tezüluba nung telangzüba agütsüdang, nisung tepsetba ken-o nung nübur 20,269 taküm samaogo, ta Parliamentary Affairs minister, Chandra Mohan Patowary-i metetdaktsü. “2001 nungi 2016 küm, May ita tashi nung […]
Aizawl, February 06 (Agencies): Mizoram nung opposition telok Mizo National Front (MNF)-i tanü state Labour, Employment and Industrial Training (LE and IT) Minister, Lalrinmawia Ralte aser Mizoram Youth Commission (MYC) Mendenbuba T. Sangkunga, MLA asüng nungi office-i marudaktsütsü amokmerenogo. Kolkata nung amenoker aliba Bachelor of Hotel Management institute taila ka nung, Mizo nunger kaketshir par […]
Gangtok, February 06 (Agencies): Gangtok nungi kilometer 10 shi pilar Fambanglho Wildlife Sanctuary, Tinjurey tenem kong nung Hombarnü morok mi tesashi adok, ta ketdangsertemi osang ka ajanga metetdaktsü. Morok mi adokba tesemji kanga dang longren lir, anungji mi remseptsü asoshi helicopter nungi tzü yoktsü atema Indian Air Force (IAF) dang Sikkim sorkari tanü teyari meshi. […]
Dimapur, February 06 (TYO): North East Zone cultural centre (NEZCC) Director ka ama Wabong, Lipokmar Tzudir-i inyaktetba mapatem atema Dimapur District Citizens Forum (DDCF)-i tenüng agütsüogo. Lipokmar Tzudir director inyakba mapang nung kin ajak aser lokti ajaki pei sobaliba atema nüma tangtetttsü asoshi inyakogo aser NEZCC ajungkettsü atema lokti aser kin balala ajak den, talisa […]
Kohima/Dimapur, January 31 (TYO) : State sorkari council 7 nung magiba dak alaka February 1 nü council 12 nung Municipal & Town Council elections agitsü lemtetba anema Nagaland kübok tesem aika nung tensa mejungi kümogo. Yashi Nagaland Baptist Church Council (NBCC)-i Joint Coordination Committee aser state sorkar tsüngda tenangzüktep ka agidaktsüba sülen, tanü State Cabinet-i […]
Kohima, Jan. 31 (TYO) : Nagaland State Election Commission (SEC)-i Nagaland nung ita ana atema Urban Local Bodies (ULBs) tenet nung election magii atatsü osang metetdaktsüogo. Tanü State Cabinet-i telemtetba agiba jungjunga shisadangba sülen aser Nagaland Municipal Act 2001 kübok tashi agüja aliba nung ajemdaker SEC-i election thinena atatsü telemtetba agi, ta State Election Commissioner, […]
Dimapur, Jan. 31 (TYO) : Nagaland Baptist Church Council (NBCC) ajanga January 30 nü state government aser Joint Co-Ordination Committee (JCC) ajurutepdakja Urban Local Bodies election magii atatsü nangzüktepba ken o to ajak asoshi osang tajung ka liasü, ajisüaka state government telemtetba aser State Election Commission tetuyuba ajanga January 30 nü NBCC lia Nagaland government […]
Dimapur, Jan.31 (TYO) : Nisung kari Dimapur town nungi Chumukedima tashi nung timtem lendong agütsütsü amai reprangtetba agi, January 31, 2017 aonung 8:00 ako nungi tenzüka osang tasen ka magütsü tashi 144 Cr PC ozüng agütsür ta Dimapur Police Commissioner, Liremo Tsopoe Lotha-i metetdaktsüogo. Iba ozüng magien tashi takalen agüja aliba ozüng 144 Cr PC […]
Dimapur, Jan. 31 (TYO) : Nagaland chief minister, T.R.Zeliangi yakanü Kohima nung osangbenertem den jembidang Naga nunger sobaliba nung nisung kati aibelenba atema küm 30 aridokba otsübo mangashidang ta jembibaji Aor kanga sashia aitsür ta Ao Sendeni metetdaktsüogo. Nagaland nung nübortem madak yimsüsür kati Nagaland nung aliba Naga kin shia sobaliba indang meteta alitsüla, anungji […]