Dimapur, Dec. 20 (TYO) : Tuli paper mill shia arudaktsütsü asoshi center sorkari sen agütsüba shitak amshia mapa meinyaker, anungji itemji CBI nem bushidaktsütsüla ta nübortem ajangzüktsü asoshi inyaktsür Wb. I. Chubatangit Jamiri Gauhati High court nung Chief Justice dangi züluba shidi ka nung mepishia metetdaktsüogo. Tuli paper mill ya 1971 küm Nagaland sorkar o […]
Dimapur, Dec. 20 (TYO) : Nagaland nung RMSA kübok tesayur shimba mapa nung metetdaktsüba amato masü saka meshitaki shimba reprangtetter, anungji ibaji jangjashidaktsüner ta Central Nagaland Tribal Council (CNTC)-i RMSA ketdangser dang metetdaktsüogo. Nagaland nung RMSA kübok tesayur shimtsü asoshi January 27, 2014 nung osang agütsüba nung Naga nunger oshi asem Ao, Lotha aser Sumi […]
Chakpa yimtak Poanglum benjungmung nung Veterinary & Animal Husbandary, Parliamentary Secretary S.Chuba Lkr kentena agizükba noksa angur. Mokokchung, December 20 : Tanü putu ya kanga dang pettepa toktepa ainba putu ka lir, iba ama tensa ka nung nisung shinga mazüngi dang alir saka alima den tsüngkang medema onüdang pei sobaliba mesentoktsüla, ta yashi Veterinary & […]
Dimapur, Dec. 20 (TYO) : India den Naga yimten tebilemtsü latettsü asoshi lenmang teyuba kaket ka tenüng agi, “A Way Forward-The idea of a peace accord between India and the Nagas” December 18 nü to tesem balala nung nüngtugu nisung asemi külemi sayatsüogo. Iba kaket ya Nagaland nung osangbener aser Morung Express osangkaket nung mezüng […]
Kohima, Dec. 20 (TYO) : Nagaland angh, Wb.P.B Acharya-i Nagaland nung alir nübortem ajak dang Christmas salem agütsür ta metetdaktsüogo. ” Ibai Yisu asoba benjong aser iba mapang Christmas temeim bilemteta sempet agütsüteper,” ta paisa metetdaktsü. Christmas tetezü temeim aser angati tajung inyakba mapatem lir. Iba tangatetba yagi nüngdakba purtem yariba, teimla makaba purtem nem […]
Yokohama, December 20 (Agencies): European champions, FC Barcelona teloki South American champions, Argentina nung tentetba River Plate telok madak final asaya koka 2015 FIFA Club World Cup takok marok tanü Deobar nü agizükogo. Argentina nunger Lionel Messi-i goal 1 aser Uruguay nunger Luis Saurez-i goal 2 agütsüba densema, par Barcelona teloki goal 3-0 agi River […]
Mokokchung, December 20 : Mongsenyimti Baptist Arogo küm noklangzüng ajungba benjongmung December 19 nungi 20 tashi ” Khrista sangwa nung putitem” ta asüba Omen nung amendaker kanga dang temoatsü ngua agiogo. Iba sentong tanabuba nung Veterinary & Animal Husbandary, Parliamentary Secretary S.Chuba Lkr-i tepela o jembidang pai centenary ya nüburtem Khrista nung nuchi tia anguba […]
Margao, December 20 (Agencies): Deobarnü Chennaiyin FC-i FC Goa goal 3-2 agi akokba ajanga parnoki Indian Super League (ISL) takok marok agizükogo. ISL tanabuba season tembangba tatembangba asaya kanga dang jangratemtsüka liasü aser iba asaya nung goal asembo asaya tembangtsü minute 4 dang lia agüja liasü. Taküm asayamong nung asaya 60 liasü aser goal ajak […]
Dimapur, December 20 (TYO) : Assam Rifles-i mapang shia GPRN/NSCN züngsemtem ki mitba atema mepelar. Ozü züngsemtem aser kibongtem timtemdaktsüba inyakyim anentsü atema aiben shiogo saka Assam Rifles-i iba inyakyim mazüoker, ta Ministry of Information & Publicity, GPRN/NSCN sangdong ka nung metetdaktsü. Tawa tu Assam Rifles-i Deputy Kilonser of Law & Justice, GPRN/NSCN, Imyapanga Ao’er […]
Pratapgarh, December 20 (Agencies): Tetsürtem nem kaketshisatsü agütsüba ajanga India ajunga nung terenlok alitsü ta Bollywood actress, Manisha Koirala-i metetdaktsüogo. “Tetsür tashi ulutsütsü mapatong nung parnok nem kaketshisatsü agütsütsüji mezüngbuba shilem lir. Tetsürtemi kaketshisatsü meteta akümba ajanga dang parnoki lokti tentet nung tongti shilem agitettsü aser ibaji ajanga India linük ajunga nung terenlok alitsü,” ta […]