New Delhi, July 31 (Agencies): Taoba mapang UPA sorkari “Hindu kiralongrartem” ta nüngja jaloktsüba ajanga India nunger kiralongrar anema raraba nung tashi meiti kümdaktsü, kechiyong kiralongraba nung tamangba yimsü mesüra kin telemsa kecha mali, ta Hokolbar nü Union home minister Rajnath Singh-i ashi. 2007 küm Samjhauta Express amakba lendong nung nisung 68 asüba aser 2006 […]
New Delhi, July 31 (Agencies): US nung tasayadak aliba World Summer Games (WSG) 2015 nung Delhi sorkar kübok aliba Asha Kiran Home nung alir mata mabensartemi gold medal 3 aser bronze medal 4 nguogo, ta Hokolbar nü ketdangsertemi metetdaktsü. Phoolan Devi-i power-lifting (Bench Press) nung India atema mezüngbuba gold medal angu. Laisa power-lifting (all lifts, […]
New Delhi, July 31 (Agencies): New Delhi nung Brihostibar nü Sports Minister Sarbananda Sonowal-i India cricket team nung off-spinner Ravichandran Ashwin nem Arjuna Award agutsüogo. Tanü asüng tensa nung India cricket team nungi spinner tajungtiba rongnung Ashwim ya ka lir. MS Dhoni-i asaya tasak mapang teti pa nem ball ondaktsür aser nungloktsüba ama pai junga […]
London, July 31 (Agencies) : Manchester United nungi asayar Angel Di Maria Paris Saint-Germain-i aotsü atema mapa inyaker saka tang tashi club ana tsüngda sen atema telemtetba magi lir. Taoba season nung Manchester United-i Real Madrid nungi Argentina nunger Angel Di Maria alizüktsü asoshi £59.7m fee agütsü aser iba ajanga British transfer otsü tasen yanglua […]
New Delhi, July 31 (Agencies) : Islamic State kiralongrartemi Libya nung India nunger pezü pur aoba rongnung anabo chiokogo, ta Ministry of External Affairs-i metetdaktsü. Iba osang ya MEA atema otongdar Vikas Swarup-i Twitter ajanga metetdaktsü aser MEA-i maneni tanüngba India nunger ana chioktsü atema mapa inyakdar, ta paisa shisem. ISIS-i pur aoba India nunger […]
Kohima, July 31 (TYO) : Mapang talangka Naga yimten melatetteti aruba tebilemtsü ya koktettsüsa inyaktsü atema Nagaland nung tenteta aliba tongtibang lokti tentettem ajaki Nagaland sorkar telemtetba nung pusema nungittsü telemtetba agiogo. Iba telemtetba ya tanü Kohima nung Nagaland sorkari ayongba senden ka nung Naga nunger lokti tentettem aser Nagaland nung aliba Naga kin shia […]
Dimapur, July 31 (TYO) : Nagaland sorkari MLA, Dr. Longrineken Development Authority Nagaland (DAN), Dimapur nung Chairman inyaktsü shimogo ta Hokoklbarnü sangdong ka ajanga metetdaktsü.
Dimapur, July 31 (TYO) : Independence Day amungtsü ana nung lia ozüng anema mapa inyakertemi timtem bener arutsütsü ana nung dang lir, anungji nübur ajak kanga jeretpera alitsü mepishir, ta Addl.Dy. Commissioner of Police/PRO Dimapur-i sangdong ka nung metetdaktsü. Gari lenmang anasa mesüra public tesem balala nung melung malemtsüsa osettsüsettem aliba ngura, tekaratiba nung police […]
New Delhi, July 31 (Agencies): 1993 küm Mumbai amakba ken o nung kiralongrar Yakub Memon alenseta südaktsüba onük nung o atsütep/toktepba mapang ka nung Hokolbar nü sorkari, temerenshi tulutiba (tasüba temerenshi) agientsü tebilemba mali, ta metetdaktsüogo. Yashi Memon alenseta südaktsüba sülen ano maneni asentenshir tasüba temerenshi onük nung o atsütep tenzükogo. Tasüba agi merenshiba ajanga […]
New Delhi, July 31 (Agencies) : Hokolbarnü totzü company temi non-subsidized LPG cylinder indang jenjang ajemogo. Tanü seret 14.2 LPG cylinder ka nung sen 23.50 ajemogo aser iba ajanga asüng nungi cylinder ka nung sen 585 agi ayoktsü, ta Indian Oil Corp (IOC) ajanga metetdaktsü. Tang non-subsidized LPG cylinder ka nung sen 608.50 agi yoka […]