Medemertem akaba nung ajaki pelar. Asenoki parnokji nüngdaker. Ken züluri Tsüngrem O ji pa medemer ta ashi. “Shirnoki ne akhüm tsübur aser shirnoki ne ozüngtem benshir, parnok ajak medemerji ni lir” (t.63). Tsüngrem O i ashiba ama, pai pa medemertem shim. Asenok temetetteper aika lir saka medemerbo ishika dang lir. Mapang ajak nungbo nai mejembiba […]
Temang tsütsü temulungjang ulubaji lendong lir. Saka tanelaren temulung ulubaji temoatsü ka lir. “Kodang nai kü mulungjang uludaktsüdir, ni ne temelaba lemangi asemtsü” (t.32). Na temang nung temulungjang waka lira, nai talangka asema moutettsü, saka na tanelaren temulung ulura, nai Kibuba den jajatsü aser asemtsü renema alitsü aser Kibuba nükjidong atalokdaktsütsü. Tasemteperi pa alizüng atongtsü […]
Nisungtemi na ataladang nai kechi inyaktsü ? Temeim mesayuteter telok nung na alidang , talisa Tsüngrem O nung mamangertem telok nung na alidang, parnok o temji ne koloki air idangji nai kechi inyaktsü? Ken züluri telangzüba ka agütsür: “Ano tongtipuri ni anema tasa asaa menaka, ne tenzükeri ne telatet ozüng indang shisadangtsü. Ne kulitem ano […]
Tenüngsang Ken 117 ji tatsütiba ken lir- tekong ana dang lir. “O Kibuba sangang, nenok bendangertem ajak; nisung ajaki Pa ayima sangang. Kechiyong asen tsütsü Pa yimlibilem tulu lir; aser Kibuba atangjibaji teti tatem maka lir. Nenoki Kibuba sangang!” Ibai tatsü saka tarok lir. Tangari asenok dang kechi inyak ibaji kecha timtem melii asenoki bushiteter. […]
Nai tzüyim jena aoba ngua lir ma? Nai tenemtem san tepung ama pungtenba, tenem tilatem san chanu ama kechi agi pungtendaktsü ngua lir ma? Ibaji Israel Ijip nungi anitetba ken züluri tatsü agi ashiba lir. “Tzüyim agi angu aser jena ao; Yordani meyipa ao… Na alima, Kibuba tsüngdang, Yakob Tsüngrem tsüngdang atentenang. Shibai lung agi […]
“Kibuba tenüng, iba mapang nungi aser teti tatem maka temoatsü süang. Anü dok nungi anü lu tashi Kibuba tenüng sanga alitsü” (t.2,3). Item tekong yagi asenok teinyaktsü indang ashir. Mezüngbuba, asenoki Tsüngrem tenüng asangtsüla. Kodang asenoki Kibuba tenüng asangtsü amadokdir lendong lir ta metettang. Shibai anü adokba tobur tajung mesüra anü aiba tobur tajung, tebur […]
Item tekongtemi tzüyim nung yipru mopung aliba sayur. “Kechiyong Pai melar, aser yipru mopung adokdaktsür koba agi iba nungi tzüsem adokdaktsür. Parnok anüngi atur, tanaben parnok tzüyim taroki alur: timtemba yong parnok tanela yimsa aor. Külen-külen i parnok naizür, aser yi pur ama mangmanger, aser parnok kechi mesayangi lir” (t.25-27). Tzüyim yipru asenok taküm dangia […]
Laishibaji tanela tashidak anebtsü mozü ta angazükogo. Tang mozüji shibai amshir, iba mozü amshir Tulu indangji shisadangtsü. Yisu Khrista temenen pur temulung meyipdaktsütsü aru, aser Pai dang parnok kümzüktsü akok. Tanü alima nung tiyazü mozü shitetter lir. Parnoki kechi agütsür iba jagi tanela tebilemtsü nung meyarira. Yeremia mapang nung tiyazü ainkartemi agütsüba mozü agi teyari […]
Khristantemi mapang tajung nung dang jangratema alitsü bilembaji lendong tulu lir. Kodang asenoki Tsüngrem dak masü mapang tajung nung dang metaloker aliba Tsüngremi angur Pai mapangji melenshitsür. “Pai ayongtem lisem li kümdaktsür, aser tzü ayongtem tzüraba li kümdaktsür, temo aliba li metsü li kümdaktsür, kechiyong yangji shiba ali, parnok tamajung mapa yong lir. Pai arem […]
Asenoki Mosaji tanishir tulu aser ozüng yanglur tulu ka bilemer, atangji pa tulutiba rongnung ka liasü. Saka nai Mosaji temepishitsür tulu ka shisadangogo ma? Sarasademba taküm ka ta nai metetter ma? Pa sarasademba Laishiba nung aiben zülua lir. Kodang Israel nungeri Tsüngrem melen nashi chanu ka yanglur külemtsü tenzük, Tsüngremi parnok o bendangtsü renema liasü. […]