Isaia tapu 5 nung Ayatai 6 Asenok Ao oshi nung tebang agi ashitsu makokba timtem toushi tulu arudang o tatembangji AYATAI ! ta ashir. Laishiba nung Tsungremi Isaia ainkar ajanga ayatai 6 yamai shia lir: 1. Nenok shiri nenok kisüng linük nung alitsüsa mejepa aodaka makai ki ka nung ka medenloka yanglur aser alu ka […]
“Aser ya adok, parnoki külemi jembitepa asüngdangtepdang, Yisu anasa aru, aser parnok den ao” – Luke 24:15 Küm Tasen! Emmaus lemang atalokba otsüji küm tasen den koda tapet- “Yisu anasa ao aser parnok den ao!” School nung asenok grammar subject nung temedemdangba angazük- tajung, tajungba, tajungtiba. Ibai Lai item temedemdangba asem agütsür. Tajung- “Yisu pei […]
Tekong 2,5 aser 12 nungji asenoki ataa aliba nung yaritsü asoshi tenangzükba asemsü agüja lir: Tsüngrem asenok Tekümtet. Tsüngrem asenok Teimla. Tsüngrem asenok Timsür. Item asemji asenoki shisadangdi. Tsüngrem asenok Tekümtet. Dawidi temenen nungi kümzükba indang masü lendong nungi kümzükba indang jembi. “Paji dang kü lung aser kü tekümtet, pa kü mitsa takang, ni kodanga […]
Dawidi iba ken pa Yihuda arem tzü makadak alidang zülu. Dawidi tzü maka timtema alidang zülubaji reprangang, “O Tsüngrem, na kü Tsüngrem lir, ni na yakta bushitsü; takong aser tzü makadak tebilemba lima ka nung kü nülai na asoshi tzürar aser kü takümi na asoshi yongyar” (t.1). Dawidi züluba oji yamaia ashitsü akok, “Ni yangi […]
“Tsüngrem ajanga asenoki tasü itta raratsü kechiaser Pai tsükchirtem madak ajemshitsü” (t.12). T.Ken 60 ji yimya masü kechiaser Dawidi iba ken pa timtem nung aliba mapang züluba masü. Pa ken aika lungpok nung alidang mesüra tongpang rara nung alidang zülu. Saka iba ken ya takok tulu ngur külen zülu. Tsüngrem asoshi mitkartemi Edom nung takok […]
Kodang asenok hotel-i odir, hotel nung inyakertemi asenok nüka atar. Parnoki asenok memetet aser asenokia parnok meteta mali, saka parnoki asenok teti metetta ali ama repranga nüka alir aser asen nüngdak aseni meshiba ajak parnoki bener arutsür. Iba ken nung Dawid-i Sauler nisungtemi par ki nüka aliba indang zülu. Parnoki pa pur tepsetnü. Saka Dawid […]
“Aser anepdang sangwatsü talangka lia, Pa shishir, azüngmeyakdak kati aenshia ao, aser yangji sarasadem.” Mk. 1:35 Yisu sarasademdak anepungi sarasadem dak angutsü ta nütsüng ajaki metetta liasü. Kodang parnoki Pa nungdaker parnoki sarasademdaki ao. Kodang Yihudai Yisu ashioktsü, pai tsükchirtem sarasademdaki anir ao. Mapang ajak nung Kibuba Yisui tongtipang telemtetba agitsü asüngdang, pai sarasadem. Kodang […]
“Kodang Mosa Sinai tenem nung Tsüngrem den jembir alu, pa tejak tekepji sentsüpranga liasü”- Anitet 34:29. Taküm indang aser Tsüngrem indang angatettsü asoshi sarasadem tenem nung tanela tenük atangji lapoktsür. Idakji ali shi indang bilemba jangjatsür aser Tsüngremi mapa inyaker ta asenoki angur. Shirnoki talangbai atur parnoki talangba, tesatemba angur. Shirnoki talangbai atur parnoki tejangjaba […]
“Ajiang, alima matem tashi ni nenok den teti dena lir.” Kibuba shia aruba aser kotaki atuba tetsüngda anogo lir tashi liasü. “Kuli jenti agi peisasa parnok dang taküm sayu” – T.M.:1:3. Item anogo lir nütsüngtem den alidang Kibubai tesem ka nung dang nütsüngtem den ali masü, yimya aser mapang balala nung parnok den ajurutepa jembia […]
“Aser pai ni Tanela nung tenem tulu talang kati anir atu…” J.Adok 21:10 Iba ama mapang nung asenoki tebilemba balala aika adoker. Alima nung mapa tulu adoka temelenshi adoker. Kijaji kodanga yareta makümer. Aji oda liaka mapang ajak nung tebilemtsü tulutibaji kija takümji lir. Iba dang tali ajak metetsang kodaker Tebui nisung ka kisüng yimsüsür […]