Nenoki osangtajung tamang atema merangtepa, nenok tanela ka nung, temulung ka sür akangakanga noktakang. Filipi 1:27 “Kong ana mesüra asem kü tenüng nung sentepa lir, idakji Ni dena lir.” Mathi 18:20. Ibai arogo Kiburi Khristan telok tekülemertem nem agütsüba senti tenangzükba lir. Khristantem telok iba temang nung lungjema alir. Pauli tenzükba mapang arogotemji tamang aser […]
Mosai ashi: Aser pai itemji lungpak ana nung zülu aser aji kü nem agütsü. Tazüng. 5:22 Kin shia ozüng balala yanglua lir. Itemji parnok timtemdaktsütsü atema masü saka parnok kümzüka alitsü atema ayur. Lendong timtem adokdang aibelentsüji kechi nung lir ibaji ozüng jagi tarakji sayur. Kasaji Tsüngremi ozüng terji lungpak nung zülur agütsü. Aikati Tsüngremer […]
Simon Peteri pa dang langzü, “Kibuba, onoki shiba dangi aotsü?” Yohan 6:68. Meimchir million aikati kasa tasüngdangbaji asüngdanger- “onoki shiba dangi aotsü?” Aikati iba telangzübaji magütsüteteter! Parnoki bushir, asüngdangteper, langkabo lir ta teyimla anema yimlar, kari mesüra ajaki shidakba taküm tetezü aser nükjidongji agütsütsü. Yimya agi asen ajaki taküm nung tongtipang tasüngdangba asem telangzüba metetner: […]
Aser sorobangru nung nisung ama kümer, pei sasa ajemalu küma, tasütsü akok, oda kangki nung asütsüa tashi anga aküm. Filipi 2:8 Süjen nungi takar tashi office tanür nungi nisungi takang president tashi süngtüm taktang nungi White House tashi- item ya America nunger tulu akümba takok otsütem lir. Ken ken asenoki tulu akümtsü bilemer. Kodang akümtsü? […]
Aser Yisui ola tulu agi ayimtener külen, Pai ashi, Oba, ne ket nung ni kü nela agütsür. Luke 23:46. Abrahami par chir Isak tenla agütsübaji “tekülemba” ta amshi (Lipok 22:2,5). Khristai pei sasa tenla agütsübaji alima nung tenla tulutiba lir. Kodang Yisui Pa tanela Tebu nem bendanga agütsü, kotak aser ali Tsüngremi iba tekülemji agizük. […]
Ne kiyonger na ama meimang. Luke 10:27 Kü kiyonger shiba? Ibai tasüngdangba tajung. Ibai ano kanga taktsü ka lir. Aikati pei kiyonger anatiba tenünga memeteti alir. Kari metettsüa memeranger. Yisui Tajung Samaria otsü nung ashibaji asen teyari nüngdaka alir ajakji asen kiyonger lir. Asenoki asenok meimba ama asenoki parnok dang meimtsüla. Ibai kanga tebur tajung. […]
Tsüngremer mapangji tabensa! Kodang pai jembir, tashi anga langzüktsübaji tang mapang lir. Aiben asenoki alima nung mapang ajak nung Pa dang tashi angatsü mapang lir ama inyaker, saka otsüi asenoki nangzükba inyaktsü ataa malir. Tsüngrem den nangzüktepba timtemtsü idakji mapang mali. Asenoki tashi angatsü mesüra mangatsü ibaji dang lir. Ibai tamang mesüra mamangba, tashi angaba, […]
Tanela nung tain akümba temaitsü kaji tangar süneptsütsü aser tashi itdaktsütsü asoshi pei tesünep tenlatsü mulunga alibaji lir. Pauli yimjung zeintsü mapa dang arishitsü aser tangar yanglushitsü lemang dang bushitsü ajungshia zülu. Arishiba tetezü kecha agia matsüitdaktsüi alizüng tonga aotsü merangba. Ibai aoksa inyakba mapa masü. Iba nung yimjung asoshi aser tangar yaritsü asoshi Tsüngremi […]
Tsüngrem tsübuba miim tulu (1Tim 3:16) Yimsüji tenük agi angutsü makok aser kongshitsü makokba agi tawa tanü arogo nung jangra metemi kümdaktsür. Sentepi jangrapangra aoertemi “Kotakji koda tebur tajung” ta atener. Saka asenoki molumi nung okrongsita alir, maka maiter aser timtem nung alirtembo memeteti yutsür. Sayutsüngiren tejangraba agi “Tsükbung bener” ta atener. Saka asenok yi […]
“Onok nenok tamang madak Kibur masü, saka onok nenok tepela asoshi teyaritepertem lir. Kechiaser tamang ka agi nenoki akang akanga nokdaker” 2 Kor. 1:24. Tsüngrem O-i ashir, nisung shia pei tamang aser mapa agi tendangtsü. Asenoki, Tsüngrem den tamang nung koda alitsü kuli kar reprangti; Alima nung tongpang aika lir, saka item ajakji meimchir atema […]