Washington, January 30 (Agencies): United States Tir, Barack Obama aser Brazil Tir, Dilma Rouseff nati aroki lungjemer tang North aser South America na nung kanga sashia poktetba Zika virus anema raratsü tezüngzüktep ka aiogo. “Ozü Tir, Obama aser Brazil Tir, Rouseff nati yashi, Hokolbar nü telephone ajanga jembiba sülen Zika mesen den sentakba osangtsüsang tali […]
Addis Ababa, January 30 (Agencies): Zimbabwe Tir & African Union (AU) Chairman, Robert Mugabe-i Ethiopia yimtiba, Addis Ababa nung African Union Summit tanü, Honibar nü lapoktsüogo. Africa nung nübur temeten anema inyakba onük tongtipangsüa benoktsü nükjidong nung ayongba AU Summit nung Africa nung tentetba linük lenirtemi shilem agitsü tenzüka lir. Tan senden nung shilem agirtemi […]
Naypyitaw, January 29 (Agencies): Myanmar parliament senden nung tepila sentong tanü, Brehostibar nü agiba sülen Myanmar nung democracy yimsüsütsü yimya benoktsü asoshi nokdakla, Aung San Suu Kyi aser lai aniba National League for Democracy (NLD) yimtenren teloki Myanmar sorkar tasenba tentettsü renemshiba osang jangjaogo. Yaküm 2015 küm November ita agiba election nung takok tulu anguba […]
Seoul, January 29 (Agencies): South Korea nung tentetba okadak kati nisung tepsetba ken o nung aitsüba sülen America senso ka nem tepoukdak küm 20 tashi puoka merenshitsü obendang tanü, Hokolbar nü agütsüogo. “Taoba mapang, 1997 küm Seoul yimti kübok Seoul Burger King chiyongtsü ayokdak S Korea nunger kaketshir ka kotari agi tsüngsetba ken o nung […]
Islamabad, January 29 (Agencies): Kaket reju balala nung azünger tanurtem tepseter ajunga nem ozüngi melaba ama tapet temerenshi agütsütsü tenangzükba olen ka Pakistan Ato Kilonser, Nawaz Sharif-i tanü, Hokolbar nü metetdaktsüogo. Pakistan linük nung tensa azüoktsü maparen aser rongsenren jenjang reprangshitsü senden ka tanü Islamabad nung ayonga amenba sülen osangbener den ajurutepdang pai iba olenji […]
Geneva, January 29 (Agencies): United Nations (UN)-i ayonger külen Switzerland kübok Geneva yimti nung Syria yimjung senden tanü, Hokolbar nü nungi amen tenzükogo. “Syria Tir, Bashar al-Assad-i aniba Syria sorkar telok den ajurutepa senden amenba sülen maneni sorkar anemer teloktem dena senden amentsü renema lir,” ta tanü senden amenba jakdang UN’er Syria envoy, Staffan de […]
Lahore (Pakistan), January 28 (Agencies): India nunger batsman, Virak Kohli kanga sapur Pakistan nunger kati Punjab Province nung par ki tema nung India nunger wako asongba atema tepoukdaki küm 10 yokogo. Arishi küm 22 Umar Draz ya Punjab Province, Okara district nungi sü arrür ka lir, aser yashi pa district court ka matsüngdagi anir aoba […]
Amsterdam, January 28 (Agencies): Tanü, Brehostibar nü nungi tenzüka Netherlands nung tanishir maliba electric shuttle bus yimti yimdong tendanga jajadaktsüogo. Alima ajunga nung tan mezüngsüa, WePod ta ajaba tanishir menüngdakba bus-i nisung 6 anir metre 200 tashi tanü tendanga jajaba osang jangjaogo. Tarutsü mapang nung WePod bus garitem ya Netherlands tiyongtsülen, Wageningen jila nung nüburtem […]
Vietnam kübok Hanoi yimti nung agiba Vietnam Communist Party senden shibangba sentong nung Vietnam Communist Party General Secretary tasenba, Nguyen Phu Trong (Tejaklen, tiyongtsü) aser Politburo züngsemtem – Tran Dai Quang (Abelen, tanabuba), Nguyen Xuan Phuc (Achijilen, tanabuba) aser Nguyen Thi Kim Ngan (Achijilen) nungeri shilem agiba noksa nung angur. (Hanoi, January 28) Ho Chi […]
Komaki, January 28 (Agencies): Japan-i radar aser iba amala tendangtsü osettsüset agi meputetba stealth fighter jet tayimtsü mezüngbuba tanü Brehostibar nü sayaogo. Par linük nung tan mezüngsüa yangluba X-2 fighter jet tayimtsüji Japan tiyongtsülen Komaki yimti anasa tentetba tayimtsü anendak Japan’er defence ministry-i tanü saya liasü. Tanü sayaba tayimtsü ya taruba February ita tatembangsü anüng […]