Phesama yim nung anentsüh alua alidak garitem anendena aliba angur. Kohima, August 19 (TYO) : Kohima kübok Phesama nung anentsüh aluba ajanga National Highway-2 anenzüka ogo aser iba timtem ajanga gari 200 den timba anendena lir. Phesama nungi temulungertem aser BRO personnel temi lenmang lapoktsü atema kanga meranga inyaker saka tzünglu aruba agi anentsüh maneni […]
Dimapur, August 19 (TYO) : NPSC-i NCS, NPS, NSS aser Allied Services 2015 atema online application forms agütsütsü tatembang anogo atsülangogo. Directorate of Information Technology & Communication-i August 18, 2015 nü technical khuret kar ajuruba indang onük benokba nung ajemdaker tatembang anogoji August 21, 2015 nü nikongtsütsü 3:00 ako tashi atsülangtsür, ta NPSC-i metetdaktsü.
Kohima, August 19 (TYO): Nagaland Angh, P B Acharya Kohima nung 4buba Annual Fashion Show ‘Colours of North East’ nung adentsü, iba sentong ya Department of Fashion Technology den Global Open University, Nagaland-i ayongzüka lir. Iba show nung tetendangertemji Theja Meru, Kerehienuo Sorhie aser Regina Chakrunuo nunger asütsü aser choreographer ji Thejasilie Sekhose asütsü. Sentong […]
Dimapur, August 19 (TYO): August 19, 2015 anjongmeshi mapang, 12:00 ako meta mejangjaba nisung kati Ashok Jain’er jabaso Aman Jain dokan nung lia injang kahloktsü, ta Addl. Dy. Commissioner of Police/PRO, Dimapur-i Bodhbar nü sangdong ka nung metetdaktsü. Injang agi yirur alisang ya GS Road, Dimapur nung aliba Sai Electricals dokan kibur adianu lir. Aman […]
Dimapur, August 19 (TYO) : August 18, 2015 nü Khuzama check gate nung Kohima Police-i garitem mita reprangdang Manipur leni aoba truck gari ka nung yi aika bena aliba apu. Truck gari (B/R No. MN-01-8918) nung yi balala case 600 bena liasü aser itemji local market nung sen lakh 39,60,000 shi jenjang liasü, ta Sub-Divisional […]
Dimapur, August 19 (TYO) : August 7, 2015 nü Mokokchung DPDB senden nung Mokokchung jila küm 125 ajungba benjungmung atema Core Committee ka tentet aser iba luden nung Deputy Commissioner, Mokokchung Chairman asütsü aser Sr. Superintendent of Police, Mokokchung member Secretary asütsü shimogo. Iba dak sendakba nung August 21, 2015 anepdang 11:00 ako nungi […]
Kohima, August 19 (TYO) : Tanü Bodbar nü Nagaland angh P.B Acharya-i lokti tentet balala ajurua shisalemsatepogo. Item teloktem rongnung Nagaland Senior Citizens Association (NSCA), Naga Blind Association Dimapur (NBAD) aser Nerhema Students’ Union (NSU) purtem liasü. Nagaland Senior Citizens Association (NSCA) purtem den amendang, Nagaland anghi Old Secretariat nung parnok office lapoka alibaji jungjunga […]
Dimapur, August 19 (TYO) : August 19, 2015 nü Bharatiya Janata Party Mahila Morcha Nagaland State Unit Office Bearers senden ka agi, ta tongti tezülur Asangla Jamir-i sangdong ka nung metetdaktsü. Iba senden ya State Office Aiko Building, Bank Colony Dimapur nung agi aser senden nung BJP State President, Dr. M Chuba Ao aser BJP […]
Dimapur, August 19 (TYO) : Tawa India sorkar o NSCN-IM telok na tsüngda Naga yimten tebilemtsü ken o tatembang küma latettsü asoshi tajemdakdak tongtibang onük kar mulungtepa renemba sülena Eastern Nagaland Peoples’ Organisation (ENPO) purtemi maneni parnok asoshi state balaka meshidagi. Parnoki tang aliba Nagaland kübok masü saka parnoka state balaka Frontier Nagaland ta jatetter […]
Kohima, Aug 19 (TYO) : Nagaland police department nung police inyaktsü shimba maparen nung tim mesüi tezülen nungi shimba mapa Nagaland Pradesh Youth Congress (NPYC) teloki kanga sashia aitsüogo aser tangsa item mapa atemaji tatidang agitsüla, aji ta mesüra September 1 nungibo longkak ait tenzüktsü ta parnokisa metetdaktsüogo. Congress lanurtemi ashiba agi, parnoki kasa onük […]