Mokokchung, Sepember 08 (TYO): Taküm nung tesayur mapa ya tamaren mapa ka lir, aji oda, tesayur kati kaket nung aliba lesson kisüng masü saka tanü asenoki ajuruba loktiliba tebilemtsü balala indanga kaketshirtem nem angatetdaktsütsü nüngdaker. Iba o ya MLA & Adviser to Chief Minister, Wb. Merentoshi R Jamir-i Brihostibarnü yangi Mokokchung nung aliba Fazl Ali […]
Kohima, Sept. 08 (TYO): Tawa Kohima nung tzünglu maneni aruba ajanga jila aser telungtet nung gari lenmang kanga mejungi akumba ajanga jila nung traffic timtem kanga adoker, anungji iba tebilemtsü ajema akumtsü asoshi Kohima Traffic Police-i Kohima jila nung gari tulutem “No entry” ghonda tesadang ka mapang atsülanger, ta Sr. Superintendent of Police Kohima, Nagaland, […]
Dimapur, Sept. 08 (TYO): Dimapur District Aoer GBs Union (DDAGBT) General Meeting September 10, 2016 anepdang 10:00 ako nung Viola Colony, Dimapur nung Senyur, Wb. Pangjung’er kidang akatsü, anungji Aoer GB züngsem ajak medema arua adentsü metetdaktsür, ta Brihostibarnü DDAGBT Mendenbuba, T Onen Jamir-i sangdong ka ajanga metetdaktsüogo.
Kohima, September 7 (TYO): Nagaland nung alirtem ajangzüktsü atema Nagamese oshi nung ozüng ajanga agütsüba temetentem indang kakettem adoktsüla, ta Rural Development & REPA Minister, CL John-i tanü ashi. Asen state-i Indian Penal Code mebenokdang nungi Naga nungertemi sobaliba ozüngtem amshia aru aser iba jagi Naga nunger aikati legal rights junga memetet, ta Kohima Law […]
Dimapur, September 7 (TYO): Ozüng alema totzü meyoktepba ken o bushisüngdangtsü atema State sorkari SIT (Special Investigation Team) ka nem mapa nunglokja inyakba ya civil society teloktem aser sendaktepa alirtem ajak den benoka kanga junga shisadangtsüla ta ACAUT Nagaland-ibo bilemer, ta sangdong ka nung metetdaktsü. ACAUT ya nübortem indang movement ka lir aser iba jagi […]
Dimapur, September 7 (TYO): Tesüiba anogo 8 tashi Nagaland State BJP unit nungi teshimtet telok kati Delhi nung Central BJP lennirtem aser Union Ministry balala den ajurutepa sendentem menogo, ta BJP Nagaland sangdong ka nung metetdaktsü. Senden balala nung parnoki State party maparen aser State nung terenlok mapa indang onüktem benoka lemsatep, ta sangdong nungsa […]
MLA & Advisor to Chief Minister, Merentoshi R Jamiri GHS Sapotimi pur school ki tasenba lapoktsüdang tangokba noksa nung angur. Mokokchung, September 7, 2016. Mokokchung, Sep 7 (TYO) : Govt. High School Sapotimi pur school ki tasenba Bodbarnü MLA & Adviser to Chief Minister, Wb. Merentoshi R Jamiri Sapotimi yimtak meraketa lapoktsüogo. Sapotimi ya Zunheboto […]
Dimapur, September 7 (TYO) : Dimapur Traffic Police-i sangdong ka nung garitem indang aina nung ‘films’ enoka aliba ajak agizüktsü atema tetuyuba agütsü. Linük nung amshiba garitem ajak nung black films mesüra safety glasses, windshield (front & rear) aser side glasses ajak nung tanga materials meinoktsü atema Supreme Court-i tetuyuba agüja lir aser iba nung […]
Dimapur, September 7 (TYO) : September 7, 2016 nü DPDB senden nung Mokokchung District Planning and Development Board (DPDB) züngsemtem dang Cigarette and Other Tobacco Product (COTPA) 2003 indang temetettsütem lemsatep. Iba senden ya ADC Planning conference hall nung amen aser DC & Mokokchung DPDB Vice Chairman Sushil Kumar Patel menden ser amen. Senden nung […]
Dimapur, September 7 (TYO) : Kohima Deputy Commissioner aser RTA Chairman, Rovilatuo Mor, IAS-i taoba mapang truck gari anentsü sangdong tesemtem den ano talila temetettsü metetdaktsü. New Secretariat Complex leni aoba Bayavu approach road tsünglanglen truck garitem tang anendaktsür saka iba ya khen atema Government Polytechnic kübok KMC Tata Parking-i belener, ta Rovilatuo Mor, IAS-i […]