Nagaland nung anogo shia adokba mezüng osangkaket ‘Nagaland Post’ adoker küm 25 ajungba sentong ka yashi agiogo. Iba sentong nung yimozülur Geoffery Yadeni taoba küm 25 tashi timtem lendong aser makamait ajak kokteta osangkaket adokteta aruba asoshi Tsüngrem nem tenüngsang agütsü aser teyariteper aser tazüngertem ajak dang pelaba metetdaktsü. Nagaland kümerbo joko küm 50 dak […]
Nagaland nung AIDS tashidak puteter ano talangkabo masü saka tang tashi nung nisung lakh ti shi dak tendangba rongnung nisung meyirijang tertuku dak AIDS keta aliba putetbaji shisabolutsüka lir. Ano Nagaland nung alirtem asoshi talila shisabolutsü kaji tetsür mashisa alir aika dak iba tashidak keta aliba putetter. Iba osang ya yakanü alima ajunga den külemi […]
Nagaland nung sorkar mozü kidang doctor aser nurse shitak maliba ajanga tapayutsüka aser tesasatsüka tanur asoba mapang tetsür aika süogo aser ano tanurtema sozükli aika süogo ta Human Rights Law Network (HRLN) telok ajanga metetdaktsübaji shitak aser iba jagi temulung kanga ayanga bilemer. Atangji, mozü kidang nisung masütsü ta masü mesüra mozü kidangi taneptsü bushia […]
Japan nunger o Naga nungertem na tsüngda kodanga merara aser metsükchitep saka taidok meshiteptsüsa atalokbaji talisa tanü lanurtem asoshi tatalokba otsütemji tebushidangnütsüka kümogo. Atangji, Japan nunger o Naga nunger naji mapa kecha nunga medemdangtsü makok, tenaji ali o anüng na amato lir. Japan nungerji tashitemeteter aser takar saka Naga nungerbo kecha memetet aser sensaker. 1944 […]
Nagaland state akümba temoatsü kaji state sorkar mapa nung nisung aika itteta ita sen achir. State sorkar ya mali ka asünunga, Naga nunger kechika inyaka chiyonga taküm lila ta shisabolua bilemer, kechiyong Assam küboksa alika asünungbo tang ia aliba ika yabo sorkar mapa nung meitettsü. Ajisüaka, ano külen bilembo sorkar mapa nung nüngdakba dang nungi […]
Nisung tepsetba, nüktapangta aser nisung ashioktsüba mapatem ajakji Tsüngrem tsüngdang temenen ta asenoki meteta lir, Aji oda, item temenen mapatem nung jagibo asenok aika jenbua alitsüa akok. Ajisüaka, asenoki temenen-a ta mezüngshiba temenen tapu ka agi asenok anogo shia Tsüngrem nungi tepilaba-tepilaba odakja alitsüa akok. Iba temenenji asenoki tajung inyaktsü bilemer meinyakba temenen asütsü. Asenok […]
Nagaland tatar senden nung tenetben tashi tatar yimsüsür asütsüsa nübortemi shimtetba yimten yimsüsür, asür Wb.T.Sentichuba taküm aser mapaji atamata masü. Iba ama takokjibo noklang nung ka anati dang ngutettsü. Iba tashiji nübortem nungi mulunglemtet maongka tulu ngua yimsü sür-ang, ano taküm arishia küm 80 dak tali alitsüsa moatsüba takümji jangratemtsüka lir. Ibaji dang masü saka […]
Meluri nung tayimtsü anendak auyi kanga apongba ajanga tayimtsü anishisangi ali mengui akümba agi tayimtsüji junga manentet tsüokba osangji asenok asoshi temenünütsüka aser taaktsüka lir. Iba tayimtsü nungji Delhi nungi aruba Home Affairs Ministry nungi ketdangser kati anir parnok kar mena lia atalok asünungji parnoki ano Nagaland tiaji tajungba metetter alitsü imlar. Ashiko, yakanü Meluri […]
Tang ser küm 25 sülen 2040 küm Mokokchung ya kechikomaka asütsüla ta bilema Mokokchung town nungi tenzüker Mokokchung district ajunga ya yimti ka ama bilema yanglutsü asoshi sentong yangluba mapang nung ya, 2040 kümji Impur yaa komaka asütsü ta bilema inyaktsübaji ABAM asoshi kanga tongtibang teinyaktsü mapa ka kümogo. Aji oda, Impur yaa Mokokchung district […]
Democratic sorkar nung opposition malibaji junger ta kari danga bilemra, iba tangatetbaji India temzüng yanglurtem dak aliba shisatsü aser tangatetba den meputeptsü. Atangji, linük temzüng nung tatar hoho mesüra senden nung kechisüdir süaka opposition alitsüla ta mali saka nübortemi shimtetba yimsüsürtemi akümba democratic sorkar nung opposition-i inyaktsüba shilemji kanga tongtibang lir. Aji oda, yimten nung […]