Karachi, August 05 (Agencies): Mejangjatetba nisung kati taoba Pakistan cricket captain, Wasim Akram amenba gari nung injang kaloktsü saka Akram takümbo kümzükogo ta police-i tanü Bodbar nü metetdaktsü. “Akram amenba gari nung tanü injang kalokja amakbaji pa kasettsü merangba tatalokba ka masü saka yimdong nung mit adoka tashiyim inyakba tatalokba ka lir,” ta police-i osang […]
Kohima, August 5 (TYO) : State yimtiba Kohima nung water supply agirtemi residential address den contact number tejangja agüjang, ta Public Health Engineering (PHE) Department-i metetdaktsü. August 10 nungi September 20, 2015 tsüngda water supply agirtemi Kohima head post office anasa Junior Engineer mesüra Executive Engineer (Urban) Division office nung temetettsütem agütsütsü akok. PHE water […]
Guwahati, August 05 (Agencies): Deobarnü Assam Chief Minister Tarun Gogoi-i Centre sorkar dang, ‘Smart Cities’ melena linük nung ‘Smart Village’ asoshi ang sen crore 5,00,000 lemzüktsütsüla, ta mepishiogo. Gogoi-i, Ato kilonser Narendra Modi-i aniba sorkari ‘Smart Cities’ dang nungibo ‘Smart Villages’ benoka yimdak yimtsüngtem asoshi ang temulung agütsütsüla, ta sangdong ka ajanga ashi. “Nibo Smart […]
Mongolbar ayaterm mapang Madhya Pradesh, Harda district nung Kamayani Express aser Janata Express train tzü metsünga aliba railway apu ka adenba mapang train tetsüng longteta tugua Machak ayong nung tsüokba sülen asür kinüngertemi tasümang bushiba noksa nung angur. Iba lendong nung nisung 29 asü aser nisung 25 yirua liasü.
Guwahati, August 05 (Agencies): Assam sorkari, sorkar mapa nung alir tetsürtem pei tanur ana anepalutsü aser tanga nüngdaktem asoshi parnok sorkar mapa nung aliba mapang Child Care Leave (CCL) küm ana (anogo 730) agütsütsü. Fundamental Rules & Subsidiary Rules nung telatetba tasenba tang nung mapa küma inyaktsü aser ibaji tanga leave nung madentsü state sorkari […]
Dimapur, August 5 (TYO) : Bodbarnü Doordarshan Kendra Kohima nung Central aser State Media Units tsüngda ita shi agiba Inter Media Publicity Coordination Committee (IMPCC) senden liogo. Iba senden nung medenji Director Engineering All India Radio Kohima liasü aser pa ya IMPCC, Nagaland nunga mendenbuba lir. July 11 nü World Population Day amungba nüngtem nung […]
Los Angeles, August 5 (Agencies) : Mongulbarnü Forbes ajanga alima nung sen timba aazükba actor ji “Iron Man” ama shilem agir Robert Downey Jr. lir ta metetdaktsüogo. Robert Downey Jr.-i Bollywood aser Hollywood nung actor tajungtem aika tan mezüngbuba atema ajatetogo. Arishi küm 50 tain Downey-i 2014 nungi 2015 tsüngda $80 million shi aazük. […]
New Delhi, August 05 (Agencies): Bihar nung nüboyim sentong ka aliba mapang Ato kilonser Narendra Modi-i Bihar Chief Minister Nitish Kumar aija ‘DNA’ olen jembibaji pai meyipa agitsüla ta Kumar-i Modi dangi yimjak nung shidi ka züluogo. Nitish-i shidi ajanga Modi dang, “Tawa nüboyim sentong ka nung nai kü DNA indang oren jembiba ajanga ni […]
Raipur, August 05 (Agencies): Tesüiba anogo asem nung police-i Chhattisgarh, Bijapur district tesem balala nungi CPI (Maoist) telungpur 26 puogo, ta tanü police-i metetdaktsü. Mapang talangka nungi police-i aputsü bushia aliba telungpurtemji auyaba, ki rongtsüba, nisung tepsetba, security sepaitem amakba aser bomb amshia amakba ken o tem nung alibelena alirtem lir, ta Bijapur Additional Superintendent […]
Yangon, August 05 (Agencies): United States-i tzümetsüng lendong ajurushia aliba Myanmar nüburtem yaritsü nükjidong nung nungdakba teyari agütsütsü tenangzükba olen ka US Secretary of State, John Kerry-i tanü Bodbar nü metetdaktsüogo. Alima ajungai par linük nem nungdakba teyari agütsütsü temepishiba olen ka Myanmar sorkari tan Hombar nütu metetdakja liasü. Tang lendong ajurushia alirtemi osettsüset nungdakba […]