Dimapur, January 6 (TYO) : Nagaland nung Atal Mission for Rejuvenation and Urban Transformation (AMRUT) inyaktsü atema Urban Development Directorate nung State Mission Directorate nem mapa lemzüktsür ta Nagaland sorkari metetdaktsü. Nagaland nung AMRUT atema Director, Urban Development Nagaland nem State Mission Director mapa nungloktsür ta sorkarisa sangdong ka nung metetdaktsü.
Dimapur, January 6 (TYO) : Mangkolemba Sub-division kübok village council ajaki pei pei yimertem dang tenem ozü mekahsettsü atema tetuyuba agütsütsü metetdaktsür, ta Mangkolemba ADC, T. Imtiwapang Aier-i sangdong ka nung ashi. Iba tetuyuba anema inyakertemji Wildlife (Protection) Act 1972 nung Arrla 51 kübok temerenshi alitsü ta paisa sangdong nung metetdaktsü.
New Delhi, Jan 06 : Ano memenui India anüdok aser anüdoklen tip tsütsü tan Hombar anepdang Manipur len nungi tenzüka anokba menoknok dang nungi tesashiba anoktsüa akok ta Ministry of Home Affairs (MHA) nung alima lendong asadanga inyaker mongintemi metetdaktsüogo. Tanü Times of India osang ajanga sangdongba agi, menoknok anokba asadangba nung Richter scale 8.0 […]
Guwahati, January 6 (Agencies) : Guwahati Police-i arishi küm 27 tain okatsür ka tetong asüba dak sendakba ken o nung aija puogo aser okadak kati la police ket nung anogo ananü ayutsü temelaba agütsü. Taoba Hombar nikongtsütsü BCCI-accredited cricket scorer Anupam Das, Shantipur nung tetsürlar kidang azü aika yimdoka sür lia angu. Iba dak sendakba […]
Itanagar, Jan. 06 : Arunachal Pradesh Chief Minister Nabam Tuki-i New Delhi nung ato kilonser Narendra Modi ajurua tawa par state nung angh J.P Rajkhowai tatar senden jelia jateptsü merangba ajanga yimten nung timtem adokba indang osang tejangja renemer agütsüogo. Iba ken o okadak agüja lir aser Gauhati High Court nung angadangogo, ajisüaka angh-i Chief […]
Aizawl, Jan 6 : Tanga yimsü amangertemia Hindu nungertemi nashi metepsetdaktsünüba kuliji angatettsüla ta Mizoram nung tang shimtetba BJP tir Prof. John V Hlunai metetdaktsü. ” Hindu nungertemi nashi külemer, anungji state kar nung Hindu nungertemi nashi metepsettsü ozüng latetbaji angateta agizüktsüla,” ta Prof John V Hluna-i metetdaktsü. Paisa ashiba agi, BJP teloki kodanga Khristan […]
Guwahati, Jan. 06 : Tan Hombar anepdang Manipur len nungi tenzüka Northeast ajunga nung menoknok anokba sülen tanü Bodbar nikongdang 3:55 ako shi nung Assam nung menoknok tera anokogo. Iba menoknok asadangba nung Richter scale 4.0 dang liasü, iba jagi yiruyipong aser takoksa ajuruba osang kecha mali asü. Hombar anepdang anokba menoknok ya Manipur nung […]
Lisem nung noksa yanglur nüngtugu Sudarsan Pattnaik-i tawa kiralongrartemi Pathankot amakdang taküm bendanga agütsür nem tetushi agüja noksa ka yangluba angur.
Los Angeles, January 06 (Agencies): Guns N’ Roses aser LCD Soundsystem telok nati 2016 Coachella benjungmong sentong nung tongti shilem agitsü sentong renemba osang ka Coachella Valley Music & Arts Festival (CVMAF) teloki metetdaktsüogo. Kentener Axl Rose, guitarist Slash aser bassist Duff McKagan nunger densemba Gun N’ Roses teloki küm 20 shi nung tan mezüngsüa […]
Kolkata, January 06 (Agencies): Instagram-i tan mezüngsüa India nung noksa sayutsü sentong ka asüng, Brehostibar nü agitsü ayongogo. Facebook-i ketdang asüba social media app, Instagram-i ‘Celebrating Diversity of Bengal’ omen nung ajemdaker Kolkata kübok ICCR gallery nung iba sentong ya agitsü ayonga lir. West Bengal indang benjung bentsü, chiyongtsü, aremshiruru, ki o jen, nübur aser […]