Srinagar, January 31, 2016: Deobar nü Jammu & Kashmir nung Peoples Democratic Party (PDP) Tir, Mehbooba Mufti’er kidang Mehbooba (abelen) lenisüba nung PDP party core group senden amenba noksa nung angur. Noksa nungsa Party senior tatong Tir aser Member of Parliament, Muzaffar Hussain Beigh aser Jammu & Kashmir Finance Minister, Haseeb Drabu (ajichilen) nata angur. […]
Dhaka, Jan. 31 (Agencies): Bangladesh nunger ka dak teka aser tetsüng naprongla nung süng teküp ama shili aika adoka lir, aser pa dang “Süngdong Tebu” ta tenüng jalokja lir; Küm 10 tejaklen pa teka nung süngsem ama shili adok tenzük, aser tesüsa ibaji intoktsü atema operation agitsü, ta tanü hospital ka ajanga metetdaktsü. Khulna district […]
New Delhi, January 31 (Agencies): Hyderabad University nung Dalit nunger ka soseta asüba ken o dak sentakba nung Honibarnü Congress tatong Tir, Rahul Gandhi-a University kaketshirtem den külemi anogo piyong lungkak aitba sülen ghonda ishika tsüngda BJP-i, Congress leniri University campus ji yimtenren sabang ka ama amshiogo, ta aitsü. Union minister Venkaiah Naidu-i, Congress-i aniba […]
Lucknow (Uttar Pradesh), January 31 (Agencies): Deobarnü Congress Party-i Ato kilonser Narendra Modi aija, linük nüburtemi Ato kilonser Modi indang radio sentong `Mann ki Baat` programme ajanga laktetogo, ta ashi. Osangbenertem den jembidang Congress lenir Pramod Tiwari-i, “Nai (Modi) Mann ki Baat aika agiogo aser tangbo linük nüburtem iba sentong ajanga laktetogo. Inyaktetba mapatem indang […]
Alima rara tanabuba raraba sülen plastic adoka oset tapu balala yanglu tenzüker küm 70 jungogo. Aji oda, küm neter tsüngda plastic ajanga nisungtem nem anisüngzük agütsüba den plastic amshiba ajanga nisungtem takoksa ajurutsüsa inyakba mapatem medemdangra, plastic amshiba ajanga nisungtem takoksa aser tesama ajurutsüsa akümba jenjangjisa tuluba asütsü. Atangji, alima tanabuba rara tashibo kechisarina ajak […]
~ L. Repa Lkr, (Midan Peyu, Ao Region). NNC ya yimden yimli maparen nung tenzüker telok ka dang masü (party), iba yimsüsüba sorkar-a (government) masü, ibai naga nunger asoshi tatembang sobaliba, ozüng aser nübor asoshi temeten ketdangsüba tentet lir (institution). Aji asünung Naga nunger sensoi NNC den külemi ketdangsütsü teinyaktsü lir. 1946, Feb 2 nung […]
~ S. Panger. Laishiba O ajak Rangben lir. Ojang shiaji aisü nung mapang ajak asoshi nisung atema rateta amshi. Isak kinungtsü Rebekai jakrep jabaso ana aso. Aji, Isau aser Yakob liasü. Tanü putu nisung taküm asoshi lesson tajung rateta agizüker: 1 Lipok 25:25. Isauji meremmerema temang ajak ku agi meyipanger aso. Lipok 25:26. Yakob tanobusang […]
New Delhi, January 31, 2016: Hombarnü New Delhi Kamani Auditorium nung actor Nana Patekar aser Minister of State for Culture & Tourism Mahesh Sharma nati 18buba Bharat Rang Mahotsav theatre benjung lapoktsütsü. Iba sentong nung Manipur Chorus Repertory Theatre ajanga “Macbeth” jilushi aitsü. Iba otsü ya Ratan Thiyam-i direct asüba lir. Iba International benjung nung […]
January 31, 2016: Nüngtugu kentener Celine Dion kinüngbu René Angélil tan ita tetenzüklen asüba sülen la sapurtemi lar kibong nungtita yariba atema Celine-i la sapurtem dang pelaba lemsatepogo. Celine kinüngbu Angélil mapang talangka cancer tashitak den raraa aruba sülen taküm January 14, 2016 nü alima nungi pilaogo. Music manager Rene indang asüpila sentong January 22 […]
Kechiaser Pa nembangtsü aji dang lir, ibaji pa tekep asoshi pa sü lir. Pa kechi nung mejangtsü? Aser pai kü dang ayimtenra, ni Pa dang angatsü, kechiaser ni taochi lir (Anitet 22:27). Aser aji oda parnok tsükchir linük nung alibayong parnok den tezüngzükba raksaba agi parnok magizüki mesüra parnok sempaa malitsü: kechiyong Ni Kibuba parnok […]