New Delhi/Patna, January 21 (Agencies): Bihar Chief Minister, Nitish Kumar-i state nung yi nokdangba mapatong nüburtemi pusema Honibarnü state tesem balala nungi tanur-tain, tetsür-tebur lakh aika adenshia teka amteper ‘human chain’ yanglua liasü. Tanep Bihar Chief Secretary, Anjani Kumar Singh-i, state nung yi nokdangba nungita parnoki “Alima nung human chain talangtiba, kilometer 11,000 dak tema […]
Dimapur, January 21 (TYO): Nübortemi adokba ola angashia state sorkari ULB elections thinenang ta Central Nagaland Tribes Council (CNTC)-i tatemsabuba atema temepishiba ka agütsüogo. January 4, 2017 nü Ao, Lotha aser Sumi nungeri Joint Co-ordination Committee (JCC) tentet aser iba telok ya CNTC-ia pusema nungit. Iba sülen Naga Council Dimapur (NCD) kübok Angami, Chakhesang aser […]
Dimapur, January 21 (TYO) : Lungkak aitba sentong/mokdangba amala ayongertem/teloktemi sentong agidang tiptema aser ozüngi melaba ama agidaktsütsüla ta sorkari District Administration aser Police nem tetuyuba ka agütsüogo. Lungkak aitba sentong agidang lungkak aitertemi ozüng alema mapa inyakra, nisungtem yirutsüsa/tasüba mesüra nija/sorkar indang kiojentem raksatsüsa tensa atalokra, sentong ayongertem dak tai tongloktsütsü aser parnoki iba […]
Tura (Meghalaya), January 21 (Agencies): Honibarnü BJP-i, Manipur nung taruba assembly election nung parnoki Congress sorkar atsüngdoktsü, ta temulung lema jembiogo. Northeast state tem aser Jammu & Kashmir atema BJP National general secretary in-charge, Ram Madhav-i, “Ita ka lir sülen, ochimashiba sorkaar aser terenlok makadaktsüba Congress sorkar aser Okram Ibobi Singh (CM) atsüngdoktsü atema Manipur […]
Guwahati, January 21 (Agencies): Honibarnü Japan Ambassador to India, Kenji Hiramatsu-i Assam Chief Minister, Sarbananda Sonowal ajurua sen intoka shishilembatsü maongka balala densema onük aika nung o lemtepa liasü. Iba mapang nung Sonowal-i Japan nungeri sen intoka shishilembatsü atema takoktsü lenmang aika metetdaktsü aser ‘anü adokba lima’, Japan-i Assam nung organic sector, power distribution aser […]
New Delhi, January 21(Agencies): Taoba Miss Universe Sushmita Sen, 2017 Miss Universe tetendanger rongnung adentsü. Lai iba korang 1994 küm angu. Sushmita-i Twitter aser Instagram nung iba osang la sapurtem den lemsatep “Ni iba sentong nung adentsü asoshi matateter. 1994 nung Miss Universe akokba sülen küm 23 lir tanaben Manila, Philippines-i iba 65buba Miss Universe […]
London, January 21, 2017 : London nung Donald Trump anema tetsürtemi longkak aita American Embassy nungi central London nung aliba Trafalgar Square tashi jajaba noksa yangi angur. Washington, January 21 (Agencies) : Donald Trump-i US Tir menden melenzüker tananü tetsür meyirjang aika Washington nung adenshia, pai benokba tebilemtsü onüktem aser pa jangratem apia jembibatem anema […]
Bhopal, January 21(Agencies): Madhya Pradesh nung Aamir Khan-i shilem agiba film ‘Dangal’ tax-free asütsü sangdongogo. Iba film kanga junga takok ngua aoba ajanga state nung melangtepba asaya ajungkettsü asoshi academy ka lapoktsü ta state government-i sangdongogo. Iba osang anaprongla tanü Chief Minister Shivraj Singh-i sangoktsü. “Melangtepba nung ajemdaker yangluba film koba nung Aamir Khan adok, […]
Lucknow/New Delhi, January 21 (Agencies): Uttar Pradesh assembly election atema state Chief Minister aser Samajwadi Party (SP) tongti, Akhilesh Yadav-i Congress nem menden 99 agütsür, ajisüaka Congress-ibo menden 120 aginer. Lucknow nung SP lenirten aser Congress lenir, Ghulam Nabi Azaad den Priyanka Gandhi Vadra atema inyaktsür ka densema senden amenba sülen Akhilesh-i iba osang metetdaktsü. […]
New Delhi, January 21 (Agencies): Taruba ita nungi tenzüka Union health ministry-i angati screening programme tenzüka cancer, temelungjang tashidak aser diabetes angati tendangtsütsü; India nung asürtem shilem 35 bo item tashidak ajanga asür. Iba programme ya World Cancer Day- Feb. 4 nü Ato kilonser, Modi-i tenzüktsütsü aser iba sentong ajanga küm ka tsüngda linük nütsüng […]