Dimapur, February 21 (TYO) : February 21, 2017 nü Chümoukedima council hall nung yimkümba anogomung mungogo, ta sangdong ka ajanga metetdaktsü. Iba sentong nung mendenbuba Chümoukedima Village Council (CVC) chairman Razouvotuo Chatsu liasü aser CVBC asst. Pastor Pukrosül kin-i temoatsü meshia sarasademer sentong tenzük. Sentong nung tajungshi o jembir asemji VEC Chairman Kengulie Shüya, Chümoukedima […]
Dimapur, February 21 (TYO) : Alisopur Suro Amüjang Dimapur (ASAD) indang Kang 25 Muzen Mung sentong 2017, February 24 (Hokolbar) anogo nung agitsü, ta ASAD-i Tir sangdong ka ajanga metetdaktsü. Tesem, mapang aser sentong ajunga kasa alitsü. Nagaland tensa majungba ajanga iba benjongmung angogo thinentsüsa aküm. Anungji ASAD züngsem ajungai iba anogo melenshiba asoshi meratai […]
Colombo, February 21 (Agencies) : Tetsürtem World Cup Qualifier final asaya nung India team nungi allrounder Harmanpreet Kaur-i tesülen kanga junga asayaba ajanga, India team-i wicket ka agi South Africa madak takok angu. Iba asaya Mongulbarnü P. Sara Oval nung asaya aser shir teloki akoktsüar meshitetka kanga jangratema asayatet. South Africa team-i runs 244 yanglua […]
New Delhi, February 21 (Agencies) : Beijing Olympics nung tsüngteper tajung Vijender Singh, Akhil Kumar aser Jitender Kumar nunger sülen ano tanü Mongulbarnü IOS Boxing Promotions-i tsüngteper 13 pro tsüngteper akümtsü sign südaktsüogo. Tanü New Delhi nung sign asürtem rongnung Olympic nung tsüngteper Diwakar Prasad, Commonwealth Games nung medal ngua tsüngteper Amandeep Singh, WBC Asia […]
New Delhi, February 21 (Agencies) : 10buba Indian Premier League (IPL) indang logo tanü Mongulbarnü sayaogo. Logo nung küm ter ajungba temaitsü züngdangba 10 inoka lir aser züngdangba 10 tiyong nungji nisung kati bat agi Vivo aser IPL ta zülua alibalen ball zükoktsür mezükba noksa ka inokja lir. Sen kanga talubusa amshiba asayamung ya April […]
New Delhi, February 21 (Agencies) : Mongulbarnü Asian Hockey Federation (AHF)-i Abhijit Sarkar Vice Chairman asütsü shimogo aser ano iba den külemi AHF Commercial aser TV Committee nunga Chairman kümdaktsüogo. February 07, 2017 nü Executive Board senden ka amendang iba telemtetba agia liasü. “Asian Hockey Federation nung kü nem iba menden agütsüba asoshi kanga pelar. […]
Rio de Janeiro, February 21 (Agencies) : Brazilian Football Confederation (CBF)-i parnok youth coach Rogerio Micale mapa nungi anendaktsüogo. Pai ita trok lenisüba mapang linük team-i mezüngbuba Olympic gold medal ngua liasü. Punguben tashi world champion ngua aliba telok, Brazil under-20-i South America qualifier asayaba mapang jenjang pungu buba nung tembangba ajanga Hombarnü Micale pa […]
Itanagar, February 21 (Agencies): Centre nung sorkari northeast ajungkettsü asoshi kanga temolung agütsüdar, “linük senotsü ren nung tali ajungkettsü asoshi NE ajungkettsüji kanga tongtibang,” ta Union Home Minister Rajnath Singh-i ashi. 31buba Arunachal Pradesh Statehood Day, Indira Gandhi Park nung amungba mapang o jembidang, northeast tesemtem koba nung Arunachal densema, taoba mapang sorkari temolung magütsüba […]
Shillong, February 21 (Agencies): Meghalaya police-i, West Bengal police dang teküp ayokba ken o nung sendakba nisung ka ladanga alitsü asoshi metetdaktsü. Arishi küm 14 tain tanur ka teküp ayokba mapa nung tashiyim agi inyakdaktsüba ken o nung tang tashi nung nisung 17 pua lir. Police-i North 24 Parganas nung alir Sudhir Kumar Paul noksa […]
Guwahati, February 21 (Agencies): Assam, Sontipur district nung aliba school tajung ka nung tanurtemi sen bendena, lenmang aser tetsürtem metsümeshidak tesem yanglu. Guwahati nungi kilometre 200 shi orr Balipara tesem nung aliba Assam Valley School (AVS) nung azünger kaketshir 850-i Khelmati shishilemba dak tesem anasa aliba lenmang metre 90 aser tajemzük tia nung aliba kibongtem […]