Kechiyong aji asoshisa asenok aja; kechiaser nenok Pa tsüngsü nung anidaktsü asoshi Khristaia nenok atema timtema, nenok asoshi tatishitsü ka yutsür ao. Pai temenen kecha meinyak, mesüra Pa bang nung tiyazü kecha mangu; kechiyong Pa atala, Pai meyipa matala; kodang Pa timatem, Pa tsüngken metsübudaktsü saka ochishia obendangba nem Pasasa bendanga agütsü (1 Peter 2:21-23). […]
Q. University of Oxford nung tetsür mezüngbuba vice-chancellor asütsü atema January 1, 2016 nü shiba shimteta lir? [A] Penny James [B] Louise Richardson [C] Catherine Stihler [D] Lynda Gratton (Taruba adok nung onoki langzütsü) ——————————————————————————————– Taoba telangzüba: Harper Lee
January 12, 2016 : Kongresshaus, Zurich, Switzerland nung FIFA Ballon d’Or award agütsüba sentong nung ‘FIFA Men’s soccer player of the year 2015’ sempet anguba sülen Argentina nunger Lionel Messi-i teka ayiploktsüba angur. Kasa sentong nungsa ‘FIFA Women’s soccer coach of the year 2015’ sempet angula, US football coach Jill Ellis (tiyong) aser ‘FIFA Women’s […]
London, January 12 (Agencies): Nepal nung April, 2015 nung menoknok tesashi anokba ajanga Himalaya tenemtem centimetre 60 atemoka ai, ajisüaka alima nung tenem rongnung talangtiba, Mt Everest (metre 8,848) bo iba asetshiba agi medangshi, ta bushisüngdangertemi ashi. Bushisüngdangertemi satellite technology amshia yaküm April ita nung Nepal nung menoknok anokdang Himalaya tenemtem centimetre 60 atema aiba […]
January 12, 2016: Mumbai nung atiba sülen Pakistan nunger nüngtugu kentener Ghulam Ali-i Mongulbarnü India anüdoklen tsütsü kenten sentong agittsü melaba atema pelaba metetdaktsüogo. “Ni tanü kanga pelar. Ni küm 35 ashi Kolkata teti semdanger. Ajisüaka tanbo ni küm 50 shi lir arua semdanger amai bilemer. Ni temulung nung kanga mepelateti liasü ajisüaka kü tejashi […]
Tembar : Oohii temba Alok küm tasen salem…. ya koda asü tanepbo anepongi koda tajung koda tajung ta yamai nem-nema senzür ya tekolok tera meshidak asü koda ??? Alokba : Temba küm tasen salema… ayeeea temba ni tekolok meshidak masü asen Naga lima meshidakba agi ni kanga jashia nem-nema senzür adiii…. Tembar : Temba Alok […]
New Delhi, January 11 (Agencies) : Pathankot kiralongraba dak sendakba ken o bushisüngdangba nung National Investigation Agency (NIA)-i AK-47 magazine, binocular aser mobile phone ka kahtepba tesem nungi ngutetogo. Ano, NIA ketdangsertemi Interpol dang Pathankot amakdang kahsetba kiralongrartem atema ‘black corner notice’ agütsütsü mepishiogo aser NIA ketdangsertemisa SP Salwinder Singh’er cook aser medemer dang asüngdangyatsü […]
Dimapur, Jan 11 (TYO) : Nagaland nung BJP tir asütsü asoshi züngsem ajaki mulunga Visasolie Lhoungu aser BJP National Council nung Nagaland state representative asütsü atema Khonwang Konyak shimtetogo. Parnok lenisüba nung 2016 küm nungi tenzüka aotsü. Tanü Nagaland BJP lenirtem shimba sentong ya State Election Officer, BJP MLA Mhomlumo Kikon (Parliamentary secretary Border Affairs […]
Kohima, Jan.11 (TYO) : Nagaland nung State Human Rights Commission tentettsü asoshi Home department ajanga Nagaland sorkari metetdaktsüogo. Iba Nagaland State Human Rights Commission nung tekolakji High Court nung Chief Justice inyakdangba nisung asütsü aser züngsemtem rongnung kabo High court nung obendanger inyakdangba nisung asütsü aser ano Human Rights maparen metetba aser ajangshidangba nisung ka […]
New Delhi, January 11 (Agencies) : January 26 nü Republic Day benjungmung atongtsü lia Delhi nung sepai talila 10,000 tashi mapa lemzüktsüogo. Taküm Republic Day benjung nung tongti tesemdangerji France Tir Francois Hollande asütsü. Kiralongrartemi Pathankot IAF base amakdang sepai 7 tashi kahsetba lendong ataloker hopta ka lir külen linük yimtiba nung paramilitary forces talila […]