“Alima nung aliba dang nungi, nenok dak alibaji taoba” (1Yn. 4:4). Dawid Goliat matsüngdang! Tanur ka aso tulu jakdang! Sannüker ka rara nung mongin ka madang! Sauli Dawid nem agütsüba süoshi sobur Dawidi tejajaa mejajatet! (1Sam. 17:38-39). Dawid teti nungeri pa dang ain adok (t.28). Chubai pa asoa bilem (t.33). Tsükchiri pa atakatem (t.43). Saka […]
“Item teret taküm alitsü kokdima ?” (Ezek. 37:3). Ainkar Ezekiel dang Tsüngrem nübur atsünga aoba mangdang sayu. Kecha agi masü saka teret takong lenden agi parnok tia rasaa ashitsü akok. Parnok meyipa arutsü makokba jenjang tashi orr liasü. Nüburi parnok sasa ayimten, “Onok teimla samaogo!” (t.11). Tsüngremi ainkar dang asüngdang, “Item terettem taküm alitsü kokdi […]
T. Ken 25 nung asenoki tanela jenjang kar ataloktsüra asenoki Tsüngremi aniba metettsü ta Dawidi ashir. Mezüngbubaji temulung alemba lir. Tekülem ajanga asenoki Tsüngrem dak temulung lema aliba sayur. Asenok temulungjang Tsüngrem den shidak alitsü asoshi asenoki sarasademtsüla. Ataa alibaji kuli ka lir (t.3,5,21). Tekong 4 aser 5 nung Dawidi anidaktsü mulunga aliba indang jembi. […]
Na lulaa lir asü? Ken züluri lulaba nungi kümzüktsü lenmang ka ngua lir. “Akümlir lima nung Kibuba ajungba angutsü mamang asübo ni lulala”(t.13). Dawidi sentok ama bilem. Pa tsükchirtem pa anema aru, aser tiaji metizüktettsüsa liasü. Dawid ama asenoki tamang agi jajatsüla. “Ni mamang asübo ni lular lila.” Luke 18 nung Yisui tezü metangi sarasademtsü […]
Khristan yimsüji Nazaret nung Yisu taküm aser Pa tenzükba mapa nung angur. Pa nübur den tesendaktepji timtemer atema aria bilemba mulungsentsü liasü. Pai kecha telemdang makai timtemertem den ka aküm. Shiba kü nütsüng kümner, pai kasa aria bilembaji sayutsüla ta Yisui nütsüngtem dang sayu. Shidakba nung Yisui asenok dang Tsüngrem den sendaktepa alitsü sayu. Tangar […]
Ni Ne tenüngsang agütsütsü; kechiyong ni tetsübutsüka aser tesüngmangtsüka yanglu. T. Ken 139: 14. Ibai ni aginüba agi masü. Ibai ozü tetsü-tebou, Adam nungi senmang amanga jakzüka aruba lir. Iba nung tashi mait shirangba, tashidak, yimra manga temenen koba agi tasüba dangi anir ajak dena lir. Aji saka ibai tesüngmangtsüka lir – ibai kü temang, […]
“Aser temetetba nung pei sasa azüokba, pei sasa azüokba nung taremzükba, taremzükba nung temeshiba, temeshiba nung adianu temeimtep, aser adianu temeimtep nung temeim bendenlokang” (2Peter 1:6,7). 16th Century Bishopi ashi, “Peisasa azüokbaji ter nung tuku lir!” Abraham Lincolni ashi, “Tamajung rongnung mazüokbaji tulutiba- tulutiba rongnung ka mesüra.” Solomon Chubai tekümdangtsü agütsür, “Shibaisa pei tanela mazüokteter, […]
T.Ken 23 nung Yisü Khrista Sannüker Tulu, Pa santem asoshi alir ta sayur. Iba yagi ano asenok nem tenangzükba ana agütsür. Mezüngbuba, Yisüi asenok anogo tepiyong anüker. Dr. Harry Ironside-i ashir, tajung aser taochi santem shiba meyong iba meyong shitak nung yutsüba san azü ana lir. Asenoki kenü nung anogo ka dang alir, kechiaser Tsüngremi […]
Nai aakba agi shingai mangudak atsüka alitsü bilemdanger asü? T.Ken 25: 1-3 ji züngang, “O Kibuba, ni ne dangi kü nela aka asor. O kü Tsüngrem ne dak ni amanger, ni maak tesüdaktsü: kü tsükchirtemi kü madak takok tengudaktsü. Au, na asoshi atartem shinga maak tesüdaktsü: kecha maakai shirnoki külaka benshir parnok maak südakjang.” Dawidi […]
“Kechiyong Tsüngremi alima oda meim nung, shirisa Pa dak amanger mesamatsü saka teti taküm alitsü Pai pei ajaso chir agütsü.” (Yn. 3:16). Tetsü kati la jala tantsütila mission mapai yok. Mission wadang nung lar jala tepsetogo ta la dangi osang aru. Lai tanabuba jala yok saka laa tepset. Lai tasembuba jala missionaryisa yok saka laa […]