New Delhi, February 04 (Agencies): Tanü Economic Affairs Secretary, Shaktikanta Das-i temelung alemba o jembia, taruba küm ka nung linük rongsenkettsüng shilem 7 dak timba aintsü, ta metetdaktsü. “Taküm küm GDP aintsü atema asenoki March ita tembang tashi atatsüla. Ajisüaka sangkümbo shilem 7 dak timba aintsü,” ta pai ashi. Union Finance Minister, Arun Jaitley-i sangdongba […]
Chennai, February 04 (Agencies): Tamil Nadu nung temelenshi ka adoktsüa akok, kechiyong sorkar tashi nung aliba party, AIADMK nungi MLA kari taoba Chief Minister, Jayalalithaa-i kanga melung lemteta alila, Sasikala dang state Chief minister akumtsü atema asüngdangtsüa akok. Deobarnü nikongdang Chennai nung senden ka amentsü, aser iba mapang nung iba onük süoktsüa akok, ta party […]
Lucknow, February 04 (Agencies): Tanü Meerut nung Bharatiya Janata Party indang Parivartan nüboyim lokti senden ka nung Ato kilonser, Narendra Modi-i, Uttar Pradesh election atema pai mezüng nüboyimbaji 1857 küm India nungeri nüjiso atema mezüng raraba den mesüktepa lir, ta ashi. Yangi BJP pusemertem den jembidang Modi-i, “Nüjiso atema mezüng raraji 1857 küm yangi Meerut […]
Islamabad/New Delhi, February 04 (Agencies): Pakistan nung minister kati, kidanger linük (India) nung assembly elections tembangba sülen India den yimjung ken o jembitsü atema tensa junga akumtsü ta Pakistani imlar, ta metetdaktsü. “Onoki amanger, March ita tashi nungbo item election atemtsü, aser India den yimjung ken o jembitsü atema tensa ajungtsü,” ta Planning & Development […]
Srinagar, February 04 (Agencies): Honibarnü Kashmir, Sopore tesem nung police aser security sepaitem senteper Hizbul Mujahideen kiralongrar ana tepsetba ajanga kiralongrartemi amaktsü aliba lendong ka nokdangtetogo. Kiralongrartemji gari ka nung arudar aser parnoki Sopore nung kiralongratsü ta osang ka angazüba sülen sepaitemi parnok Amrgarh Sopore anasa ajuru. Iba sülen kiralongrartem jagi grenade ka onloktsüba den […]
New Delhi, February 4 (TYO) : Ministry of Urban Development-i taruba financial year asem (2017-20) nung state trok nung basic urban infrastructure inyaktsü atema sen lemzüktsüogo. Iba ya Atal Mission for Rejuvenation and Urban Transformation (AMRUT) kübok inyaktsü. State trok nung mission city 42 atema Urban Development ministry-i sen crore 2,863 lemzüktsü aser iba ajanga […]
Itanagar, February 4 (Agencies): Itanagar yimti tiyong nung aliba Indira Gandhi Park yakta yanglushitsü. Afforestation Fund Management & Planning Authority (CAMPA) kübok department of Environment and Forests-i, tenem tekongtem yanglushitsü, aser park tebor jungdaktsütsü asoshi sentong tejangja yangluogo. Iba osang state CAMPA pezübuba senden amenba mapang metetdaktsü. Iba senden Chief Minister Pema Khandu lenisüba kübok […]
Guwahati, January 31 (Agencies): Assam nung tebu kati teyi, par jala ka aser jabaso ka tepset aser ano tetsü kati lar tanur ana tzübo nung inoktsü. Assam nung aliba Hojai district nung tanur tetsüi lar tanur arishi küm asem aser ita trok tanur tzübo tejen ka nung inokja südaktsüba ajanga tanur tetsü ya police temi […]
Guwahati, January 31 (Agencies): Assam Police indang vigilance & anti-corruption wing ajanga taoba mapang Assam Social Welfare minister inyaksang aser Congress lenir, Gautam Roy dang Hombarnü asüngdangya asü. Assam social welfare department nung sen crore 2250 ochimashi amshiba ken-o nung iba asüngdangya ya agi. Gautam Roy-i social welfare minister anaben(2001-2005, 2015-16) inyaka liasü. Anogo ishika […]
Guwahati, January 31 (Agencies): Taoba mapang AGP telok nungi nungi minister inyaksang aser tang BJP telok nungi legislator, Hitendra Nath Goswami-i Hombarnü Assam assembly nung 20 buba speaker inyaktsü shimtetogo. Pa den tokteper shinga maliasü. Goswami ya tzüzüng-ozüng kanga junga metetba aser parliamentary affair nung mongin ka lir. “Democracy wazüka ayutsü asoshi ni meranga inyaktsü. […]