Dimapur, September 23 (TYO) : September 24, 2016 nü Mokokchung Municipal telongtet nung Mokokchung Municipal Council (MMC)-i lokti nübodoka merükmeju mapa inyaktsü. Anepdang 8:00 ako nungi iba mapa tenzüktsü anungji Ward Chairman temi pei pei ward nung mapa ketdangsüa inyaktsü metetdaktsür. Talisa, MMC-i ward ajak nem achiajem anepalutsü atema sen meyirjang asemsem agütsüogo, ta ADC […]
Dimapur, September 23 (TYO) : Tsünglanglen agüja aliba anogotem nung Mokokchung District kübok pensioner tem jangjashiba mapa inyaktsü ta Senior Treasury Officer, Mokokchung-i metetdaktsü. Pensioner tem ajaki Pensioner Office nungi agütsüba identity Card “D” bener arutsü aser Senior Treasury Officer Mokokchung indang office nungi Life certificate form angutsü. Verification masü tashi Pension sen magütsütsü, ta […]
Dimapur, September 23 (TYO) : Sarais Act, 1867 nung ajemdaker Dimapur nung Hotels/Lodges/Inn/Resorts amalatem SARAIS registration renew asütsü metetdaktsür, ta Addl. Dy Commissioner of Police/PRO, Dimapur-i sangdong ka nung metetdaktsü. SARAIS indang renewal forms ji Commissioner of Police, Dimapur indang office nung angutsü, ta sangdong nungsa shia lir.
Dimapur, September 23 (TYO) : October 1, 2016 nü Jangpetkong Kaketshir Mungdang (JKM) Senyur, Mr. Imtipokyim Jamir (Mokokchung)-er kidang Executive senden amentsü, ta JKM Tir, Merang Ozukum aser Tongti Tezülur, Santi Lemtur nati sangdong ka nung metetdaktsü. Iba senden nung Executive aser Secretary tem ajak arua adentsü mepishia metetdaktsür, ta sangdong nungsa shia lir.
Sept. 22 nü Tripura yimtiba, Agartala nung 3buba Northeast Connectivity Summit nung Nagaland CM, T R Zeliang adenba noksa nung angur. Kasa noksa nung Tripura CM, Manik Sarkar-a angur. Dimapur, Sept. 22 (TYO): Nagaland Chief Minister, TR Zeliang-i arrtsülen aser southeast Asia linüktem den shishilembaba jenjang tajungba akumtsü atema Northeast India nung railway aser gari […]
Dimapur, September 22 TYO): Assam aser Nagaland na tsüngda sobaliba, akhi aser putiotsü nung arrtsü dak sentakba mangatettep maliasü, kechiyong Chubatemi ibaji jangjajangja lemdanger liasü, ajioda putu aika yamaji aru, anungji nija mesüra telok shingaia ibaji anema menokdaktettsü, ta tanü United Naga Tribes Association of Border Areas (UNTABA) Mendenbuba, Hukavi T. Yeputhomi aser General Secretary, […]
Dimapur, Sept. 22 (TYO): Brihostibarnü Kohima Village Council (KVC)-i, state municipal nung Nagaland sorkari latetba ama tetsürtem nem shilem 33 lemzüktsüra tensa raksatsü, ta sorkar dang metetdaktsüogo. KVC chairman, Medoselhou Keretsü aser press secy., Thejao Sekhose nati, municipal election nung tetsür atema shilem 33 lemzüktsüba anema lokti tentet balalai kanga nokdangtsü merangaka state cabinet-i Naga […]
Dimapur, Sept. 22 (TYO): Naga Hoho nungi Ao Senden, Sumi Hoho aser Lotha Hoho pilatsü telemtetba agia alibaji aritepa telemtetba magii ano khen bilemdangdaktsüner, kechiyong tang ama India den Naga yimten tebilemtsü jembiba mapang ka Naga nunger longjema alitsü nüngdaker, ta Nagaland Legislative Assembly nung Aor züngsem (MLA) ajak tenüng nung Wb. S.I.Jamir aser Wb.Nuklutoshi […]
Dimapur, Sept.22 (TYO) : Nagaland nung Langpangkong kübok aliba assembly constituency asem nungi tenzüka election timi agitsü asoshi Langpangkong Kaketshir Mongdang (LKM) Clean Election Campaign Committee ajanga September 3, 2016 nü nungi nübortem den senden lia mapa tenzükogo aser iba maparen asoshi senotsü tenla agütsünertem atema temulunger tenla agütsütsü atema SBI nung account ka lapokogo. […]
Kohima, Sept. 22 (TYO): School Education Dept-i nija aser sorkar school ajak dang class 8-10 pur ‘Save fuel for better environment & heath’ onük nung essay tetoktepba aser Class 5-7 (Junior) den class 8-10 purtem (Senior) atema “Clean fuel better life” omen nung Painting tetoktepba ketdangsüa akatsü metetdaktsüogo. Item tetoktepba nung tetendanger züngsemtem atema post […]