Dimapur, May 6 (TYO) : Sorkar tetuyuba nung ajemdaker Commissioner of Police, Dimapur-i Deputy Commissioner, Dimapur nungi Arms Licensing Branch benzüka agir. Arms Licensing dak sendakba mapa ajak Commissioner of Police, Dimapur ajanga ketdangsüa reprangtsü. Ajisüaka, Arms Licensing Unit indang maparenji May 23, 2016 anogo nungiang tenzüktsü, ta Dimapur Police sangdong ka nung metetdaktsü.
Dimapur, May 06 (TYO) : Molungyimsen nunger taoba MLA Wb.R.Lisen asüba osang angashia kanga aoksar ta Parliamentary secretary, Dr.Benjongliba Aieri metetdaktsüogo. Pa ya tenendak, ochishir aser meranga inyakba nisung ka liasü aser ano yimten yimsüsür ka dang masü saka Laishir aser arogo nung lenir ka liasü ta Dr.Benjongisa kuli agütsü. Pa asüba ajanga Naga nunger […]
Tongti tesemdanger, Union Minister, Jual Oram aser achichilen noksa nung Tongpang Reju Cultural Club (Tuli) züngsemtemi shilem agiba angur. (Kangtsüng, May 05, 2016). Mokokchung, May 05 (TYO): Competitive exam balala atema coaching agidak reju ka Mokokchung nung yanglutsütsü ta tanü Union Minister for Tribal Affairs Govt. of India, Jual Oram-i metetdaktsüogo. Pai iba o ya […]
Kohima, May 05 (TYO): Center sorkari terenlok mapatem inyaktsü yangluba sentong “North East Vision 2020” aser “Act East Policy” amato Nagaland state kija asoshi terenlok sentong balaka adoktsü atema tang inyaktepdagi aser ibaji ita ana-semka tsüngda renemtsü, anungji nübortemi pei bilemba shisatsü lemsatepdaktsüner ta tanü Brehostibar nikongtsütsü Chief Minister T.R. Zeliang-i metetdaktsü. Pai iba o […]
Kohima, May 05 (TYO): Alima tzü mopung ajanga timtem bentsür aruba tebilemtsü ajema kümdaktsüba nung yariteptsü atema Zunheboto district kübok Pughoboto sub-division nung aliba yimtsüng 24 nung süngdong tapu balala 17,000 tashi temogo. Area Development Project 2016-17 inyakyim kübok ‘Green Pughoboto project’ omen nung ajemdaker süngdong atemba sentong ya iba tesem MLA aser Minister for […]
Dimapur, May 05 (TYO): Brihostibarnü Nagaland Home Minister, Y. Patton-i District Executive Force (DEF), Zunheboto nung Officer’s Mess building tasen ka semzüktsüogo. Tanü iba sentong nung pa den DGP, Nagaland, L.L.Doungel, IGP (HQ), Bendang Lemtur aser taoba mapang Parliamentary Secretary, Dr. K.C. Nihoshe na den tongti ketdangser aika dena liasü. Minister-isa SP office nung police […]
Dimapur, May 05 (TYO): Tsüngremer sentong ka ajanga Assam Dhemaji District kübok Kolajan tesem nung April 29-May 1, 2016 anogo tashi Revival sentong tulu ka takok ngua kaogo, ta Yajang C nungi Wb. I Lanu Jamir-i sangdong ka ajanga mmetetdaktsü. Iba asentenshi sentong ya Asür Mr & Mrs Takoliba (Asangma) Chirnur aser semchisemnur temi ketdangsüa […]
Dimapur, May 5 (Agencies): Lipoküm kümzüka aser wazüka ayutsü nükjidong nung Phek Forest Division-i Kamaleah tesem nung yim pongu, Matikhru, Akhen, Kanjang, Mollen aser Reguri den Phokhungri kübok aliba Mokie yim dena yim trok nem anü tashi kija agi atsükba milen (Solar Lamp) lemtsü. Meluri sub-division kübok Kamaleah tesem nung mitsüktsü süngdongtem (pine tree) wazüka […]
Changtongya Town, April 05 (TYO): Wb. Imtisosang’er jabaso Wb.Olemmeren Imsong (Yaongyimsen), asür Aowati’er jabaso Wb. Talinungsang (Akhoya) aser Wb. Rendibenba’er jabaso Wb. Yangertoshi (Changtongya) nunger ket nungi temesepba mozü- SP süngjang 798, Nitrosum süngjang 27 aser Khani (Opium) achiba oset apuba Changtongya Town All Ward Union, Watsü Telongjem G.B’s Union aser Arogo tenzüker ajanga rongtokogo. […]
Dimapur, May 05 (TYO): Zunheboto nung MKA Deputy Secretary aser CSD ketdangser Wb.Hukaito Sumi ajungbena aser anojungi iba lima nungi pilaa aoba osang angashia kanga jashir aser asür kinungertem den mangyim jashi lemsateper, ta Govt of the Peoples’ Republic of Nagalim (GPRN)-i metetdaktsüogo. Asür Hukaito ya NSCN nung 2005 küm October 20 nü sepai asütsü […]