Mokokchung, Feb 1 (TYO): Hombarnü Naga People’s Front Mokokchung Division pur official facebook page ka par NPF office nung tenzükogo. Iba page ya NPF Mokokchung Division tir Moasangba Jamir ajanga meraketa tenzüktsü. Moasangbai iba page sayatsüdang par külem divisional ketdangpur, frontal aser sanen luden züngsemtem densema liasü. Tanü alima tensa mapang melenshiba den liromedema aser […]
Dimapur, February 1 (TYO) : January 30, 2016 nü Mon nung Edith Douglas High School indang School ki Tanlao ward nungi Papong ward-i belenogo. Iba sentong nung Mon DC, KU & KSU nungi lennirtem, tanga private School nungi headmaster aser public lennirtem aden aser KBCM Pastor, Nahngom-i school ki meshiteta sarasademtsü. Iba sentong nung Mon […]
Mokokchung, Feb 1 (TYO): Mokokchung Town Longsa Senso Telungjem (MTLST) sanen luden den Sosang telungjem senden ka Feb 4, 2016 nü nikongdang 2:00 ako nung Kimen Wb. Imliyanger (Sangtemla) kidang amentsü jatepba osang ka MTLST tir Imtituba aser tezülur Sashimeren nati metetdaktsüogo. Tongtibang nüngdak jembitsü aika alinung, züngsem ajak medema arutsü kasa sangdong nungsa shisem.
Dimapur, Feb 1 (TYO) : Deobar nikongtsütsü 1:40 ako meta Dimapur police-i Tuluvi yimtsüng anasa nungi tasümang ka ngutet. Iba nisungji Mughato Sema ta jangjaogo aser pa ya Pimla nunger NSCN-R züngsem ka liasü. Mejangjatetba nisung kari pa tenütsü nung injang agi akahba zübo keta liasü, ta police osang ka ajanga metetdaktsü.
Mokokchung, Feb 1 (TYO): Lokti maparen tang teinyaktsü rongdak jembishinütsü keno kar alinung, Feb 6, 2016 nü, anepdang 10:00 ako shitak nungi tenzüka LTM Salang Chuchuyimlang Town nung iba senden akatsü jatepba LTM tezülur Lipok Jamiri sangdong ka ajanga metetdaktsüogo. Züngsem ajak mapang shitak nung tongseptsü asoshi kasa sangdong nungsa mepishia metetdaktsü.
Dimapur, February 1 (TYO) : Mokokchung District nung anogo lemar Mobile Biometric Enrolment Camps alitsü, ta Sub-Divisional Officer (Civil) Mokokchung, T. Lemlila Sangtam-i metetdaktsüogo. Iba dak sendakba nung Charge Officers ajaki teinyaktsü mapatem inyaktsü mepishir, ta Sub-Divisional Officer (Civil)-isa sangdong nung metetdaktsü. Anogo telemsa yamai alitsü: February 15 – Tuli February 16 – Longchem 3.February […]
Imphal, January 31 (Agencies): 2009 küm Imphal nung tiyazü katepba ken o nung tawa police kati pai taoba mapang telungpur Sanjit kahset, ta jembiba sülen Deobarnü state BJP-i Manipur Chief Minister Okram Ibobi Singh-i pa menden toktsütsüla, ta takhangba agütsüogo. Yangi osangbenertem senden ka nung jembidang BJP Manipur unit tongti, Thounaojam Chaoba-i, “Sorkar tashi nung […]
Kohima, January 31 (TYO): 4buba Kohima jila Inter-Ward asayamung 2016, February 1 nü 11:00 ako nungi tenzüka local ground, Kohima nung asayatsü. Iba asayamung ya tongti tesemdanger Minister for Road & Bridges, Vikheho Swu-i lapoktsütsü. Minister for Forest, wildlife & climate, Dr.Nicky Kire-ia sentong nung o tatsüka jembitsü. Iba sentong Xavier Rutsa-i ketdang asütsü, Rengma […]
Melbourne, January 31 (Agencies): Deobarnü Melbourne Park nung tan Australian Open asaya tatembangba asayadang Serbia nunger World No 1, Novak Djokovic-i 6-1, 7-5, 7-6(3) agi Britain nunger Andy Murray madak takok nguogo. Djokovic-i tan takok anguba ajanga Roy Emerson den saku küma iba asayamung marok trokben buba abener. Taoba mapang takok ngur alisang, Djokovic aser […]
Pune, January 31 (Agencies): Honibarnü BalewadI Sports Complex nung I-League asayadang Sony Norde-i goal ana yokba ajanga Mohun Bagan-i DSK Shivajians madak 2-0 agi takok nagu. Norde-i asay tenzüker minute 12 aser 55 buba nung Mohun Bagan atema goal anaji yokba DSK-i ka danga meküpdoktet. Tanü iba takok anguba ajanga I-League nung Mohun Bagan point […]