Mumbai, June 02 (Agencies): Actress Katrina Kaif mesükla, Zareen Khan-i, joko la Katrina den memedemdangba ajanga la pelar, ta ashi. Zareena-i mezüng 2011 küm ‘Veer’ film nung Salman Khan den külemi shilem agiba mapang nung tenzüka la Katrina den medemdanga liasü. “Katrina den medemdangba anenba ajanga ni pelar,” ta interview ka nung Zareen Khan-i ashi. […]
New Delhi, June 02 (Agencies): Congress tatong Tir, Rahul Gandhi Congress Tir mendeni ajungkettsü ta osang angazükba mapang ka nung tanü BJP lenir aser Union HRD minister, Smriti Irani-i, “Rahul Gandhi Congress Tir mendeni ajungketra iba tetezü onok (BJP) atema anogo tajung asütsü,” ta ashi. Congress lenirtemi, kobi melii Rahul Gandhi Congress Tir akumtsü ta […]
Islamabad, June 02 (Agencies) : Pakistan nung yipru aser tzüngla kanga sashia aruba ajanga tetsür aser tanur kar densema, tajemba agi nisung 30 taküm samaba den nisung aika yirur lir, ta Brehostibarnü osang ajanga metetdaktsü. Tzünglu tesashi aruba ajanga Islamabad nung nisung 11 asü aser 69 yiru. Tekümzükertemi ashiba agi, Rawalpindi yimti nunga nisung 19 […]
New Delhi, June 02 (Agencies): Brihostibarnü Delhi Chief Minister, Arvind Kejriwal-i Ato kilonser, Narendra Modi aser Lt. Governor, Najeeb Jung nati yimti sorkar atema tetsükdaktsü bener arutsür ta aitsü. “LG aser Modi sorkari file ajak nung Delhi sorkar nem tetsükdaktsü bener arutsü tenzükogo,” ta Kejriwal-i twitter ajanga ashi. Lt. Governor-i Delhi sorkar indang ‘app based […]
Bhubaneswar, June 02 (Agencies): Bodhbarnü Odisha tesem balala nung tsüngperet ajanga nisung 17 tashi aiset aser nisung 9 yiruogo. Tsüngperet sülen tzünglu sashia aruba ajanga kiset shirurua 21 asü. State nung south aser tzüyimkümlen tsüngperet ajanga nisung jenti asür. Asürtemji Kendrapada, Bhadrak, Ganjam, Khurda aser Mayurbhanj district tem nungi liasü. Tanü asüba densemabo tan ita […]
Gurgaon, June 02 (Agencies): Brihostibar nikongdang Shahdol nungi BJP MP, Dalpat Singh Paraste Gurgaon nung aliba hospital ka nung süogo, ta party osang ka ajanga ashi. Pa arishi küm 66 liasü. May 27 nü sentong ka nung adendang Paraste tekolok nungi azü ayimba timtem adoka liasü, iba sülen pa tayimtsü ajanga Gurgaon-i anir ao, ta […]
Dimapur, June 1 (TYO) : Nagaland sorkari Urban Local Bodies (ULB) nung tetsür nem nomination ajanga noklang nung shilem 25 agütsütsü mulunga lir, ta Nagaland Chief Minister, T R Zeliang-i metetdaktsü. “Naga Mothers’ Association (NMA)-i State ULBs nung shilem 33 atema tekong meranga menoktaki, iba tebilemba mulunga agizükra, sorkari state assembly nung Municipal Council Act […]
Lumami, June 1 (TYO): May 19, 2016 nü Ao Settsü yim lushi nung mejangjaba telok kati Nagaland University nung tesayurtem, kaketshir aser yangji inyakertem lenmang nung sota amokmerena tekasangshiba den gari raksatsüba anema Nagaland University bangdaki tim mapa kecha meinyakba agi tejashi sayua Bodbarnü Nagaland University Teachers Association (NUTA-L), Central Executive Council NUTA (L) aser […]
Dimapur, June 1 (TYO) : June 1, 2016 nü State Banquet Hall nung NPF yimsüsürtem aser senior party lennirtem külem senden ka amendang NPF Disciplinary Action Committee-i Lok Sabha MP Neiphiu Rio aser MLA Imkong L. Imchen na party nung anenja atatsü telemtetba agiba aser Party President Dr Shurhozelie-i tetuyuba agütsüba pusema nungiter ta bangzünga […]
Dimapur, June 1 (TYO) : Nagaland Government Primary Teachers Association (NGPTA)-i May 30, 2016 nü ANSTA aser NSSFOF-i ayongzükba lungkak aitba sentong tanabuba shilem nung madentsü atema sangdong ka nung metetdaktsüogo. Ajisüaka, Primary tesayurtem timba aliba ANSTA kübok sub-unit asemi NGPTA tentetba aser telemtetba agibaji memetet, ta ANSTA sub-unit Mkg, CTN aser MBA nungertemi külem […]