Guwahati, August 9 (Agencies): Assam kübok Goalpara district nung police ana train agi tsükset. Iba lendong ya Brihostibarnü Naranarayan Setu nung atalok. Tasür anaji police constable Karnadhar Nath aser havildar Abul Kalam Azad na ta jangjaogo. Tena ya ‘night duty’ nung liasü aser aonung10:00 meta train lenmang anasa aodang Guwahati-Bongaigaon demu passenger train ajanga tsükset. […]
New Delhi, August 09 (Agencies): Hokolbarnü Narendra Modi-i aniba sorkari Pakistan dang India nunger inyakyim nung tiyongi aitba anentsüla, aser Jammu & Kashmir nung Arrla 370 agienba nung ajemdaker linük ana tsüngda Samjhauta aser Thar Express train services anentsüba telemtetbaji meyipa reprangshitsüla, ta metetdaktsü. Tanü New Delhi nung osangbenertem den jembidang MEA otongdar, Raveesh Kumar-i, […]
New Delhi, August 09 (Agencies): Tanü UPA Chairperson, Sonia Gandhi’er kidang senden ka amenba sülen osang ka ajanga, Honibarnü Congress Working Committee (CWC) senden nung Congress Tir shimtsü, ta metetdaktsü. Taküm May ita nung Rahul Gandhi-i Tir menden toktsütsü atema telemtetba agiba sülen pa melen shimtsü atema Mukul Wasnik tenüng benoka lir, ta osang angazüker. […]
Iba ken ya tasü meiti alirtem asoshi lir. ” Kintemi Tsüngrem moajang, aser Pa nüngsangba ola angashidakjang” (t.8) Kechiba ? “Pai asen taküm sotta lir. ” Kechiaser Pa dak asenok alir, arakzür, aser taküm alir; nenok pei ken mejemer kari ashi ama”( t.m. 17:28). Anungji asenoki Pa tenüng sangdi. “Kechiaser, o Tsüngrem nai onok atitangogo. […]
Nagaland nung lapoka aliba school-tem ajak nung Naga nunger kin shia apokba otsü tanurtem nem metetdaktsütsü asoshi züngdaktsür saka asenok Ao kin apokba otsübo mezüngdaktsütetter. Ibaji asenok asoshi tamakok aser takoksa tuluka asütsü. Iba tebilemtsü onük ya yashi Dimapur nung Tir Yimyimi ayongzüka amongba lisopur anogomong sentong nung o lemtepba mapang tadenertem rongnung kanga süoki […]
Dimapur, Augsut 7 (TYO): August 7, 2019 nü DoNER Secretary, Inderjit Singh-i Kohima nung Chief Secretary, Temjen Toy aser AHoDs o HoDs den senden ka amen. DoNER teloki August 8 nü Kohima aser Dimapur nung project balala reprangdanga senzütsü. Tanü Inderjit Singh-i ashiba agi, “India sorkari ‘DoNER AT YOUR DOOR STEPS’ indang policy tenzüka lir.” […]
Kohima, August 7 (TYO): NPF-i Indo-Naga yimjung maparen tekaratiba nung angatetteptsü atema kanga meranga inyaka aru aser Framework Agreement agitep saka NDPP-i aniba PDA sorkaribo mashilen inyaker ta taoba Chief Minister aser NPF Legislature Party leader T R Zeliang-i ashi. Tanü NPF Central Executive Council senden nung jembidang “2015 küm State Assembly nung opposition melii […]
Dimapur, August 7 (TYO): Taoba Union Minister for External Affairs Sushma Swaraj ajungbena asüba osang angashia temulung raksar, ta Nagaland Dy CM, Media cell-i sangdong ka nung metetdaktsü. Sushmaji ya Parliamentarian tajung ka, lawyer ka aser oshir ka liasü. La ya BJP lennir tejen ka liasü aser la asüba ajanga linüki takoksa tulu nguogo, ta […]
Kohima, August 7 (TYO): Naga People’s Front (NPF)-i Nagaland sorkar dang Register of Indigenous Inhabitants of Nagaland (RIIN) maparen sota atatsü aser sendaka alir ajaki haihaura maka tashi iba mapa meinyaktsü atema ayongzükogo. Bodbarnü Kohima nung NPF Central Executive Council senden amendang NPF-i sorkar dang RIIN maparen inyakba ajanga Naga loktiliba asoshi khuret talial bentsür […]
New Delhi, August 7 (Agencies): Tanü Lodhi Road crematorium nung taoba external affairs minister Sushma Swaraj den state funeral agiogo. La den asüpila sentong nung Prime Minister Narendra Modi, BJP president Amit Shah aser BJP lennir tejen Lal Krishna Advani nungertemi tepila o jembi. Taoba mapang Swaraj-i Leader of Opposition inyakba den Delhi nunga chief […]