Kohima, Rongchii (April) 19 (TYO): Tanü Secretariat leni aoba gari lenmang nung gari ka Sanuorü ayong nung tsükokba lendong nung tebur asem yiruogo; gari anisang jagi gari kanga keraa aniba ajanga Mahindra KUV gariji mazüokteti tsükokdaktsüba sülen yirua alir asempong hospital-i anir oa yariogo. Ano tanga tatalokba ka nung, tanü Maruti gari ka Chiephozbou nung […]
Mokokchung, Rongchii (April) 19 (TYO): Mokokchung jila nung dokantem nung chiyungtsü mapang talangka süir teraksa ayokba, talisa taseptsü nung aliba chiyungtsü tamajung ayokba atema Mokokchung Town Lanur Telongjem (MTLT)-i kanga tebilemtsü akar, ta tanü MTLT Grievances Cell züngsem, Temsu Kichu aser MTLT tatong Tir, Martoshi Longkumer nati sangdong ka ajanga metetdaktsü. “Tai maket talirtemi mapang […]
Dimapur, Rongchii 19 (TYO): Department of Cooperation ajanga Rongchii 19, 2018 nü RCS Conference Hall, Kohima nung Minister for Agriculture & Cooperation, G. Kaito Aye nem tenüngsang agütsüba sentong ka agi. Iba sentong nung jembiba mapang G. Kaito Aye-i, pa lenisüba kübok iba Department tashi taitba akümtsü aser nüburtem ajangzüktsü mechi tesem ajunga nung terenlok […]
Dimapur, Rongchii 19 (TYO): Commissioner of Police, Dimapur nungi Addl. Dy. Commissioner of Police/PRO, Dimapur, Nagaland ajanga sangdong NO.CP/DMR/ESSTT-63/2017-18 nung shia liba agi, Dimapur yimti nung hopta tsüngta ozüng nung aibelener aika apu. Rongchii (April) 16, 2018 nü Dimapur Police ajanga DC Court Junction temeket nung mita bushiba mapang Xerox dokan ka nungi Indian Made […]
Dimapur, Rongchii 19 (TYO): Sangtennü (Tuesday) mejangjab nisung anati Shillong nung The Shillong Times yimozülur, Patricia Mukhim’er kidang petrol bomb mereploktsüba asoshi Nagaland Press Association (NPA)-i khukhua aitsür, ta NPA tir-i sangdong ka ajanga metetdaktsü. Lendong agütsüba yimya nung reprangdangra, parnok nükjidong ya ‘Fourth Estate’ nung inyakertem amokmerentsü merangba amai lir. Tawa India nung iba […]
Dimapur, Rongchii (April) 19 (TYO): Dimapur Deputy Commissioner, Sushil Kumar Patel, IAS-i sangdong ka ajanga Dimapur district nung aliba nüburtem dang, district nung dokan/outlet kar nung state sorkar nungi temelaba makai Aadhaar enrollment agidar, ta tekümdangtsü metetdaktsü. Iba dak sendakba nung DC-i, state sorkari Aadhaar enrollment atema temelaba aguja aliba tesemtem nung dang enrollment agitsü […]
Nagaland jungnüseta majungba timtem aika rongnung kaji tai nung süaka pei kin mesüra pei yimertemi pusema nokdakba tebilemtsü ya ka asütsü. Hau, atangji tajungtsütsüa reprangdi süra lokti menentsüsa tamajung inyakertem anema pei kin aser pei yimertemi longjemer inyakba mapatem aika lir. Iba jagi aiben lendong timtem tulu ataloktsüba nungi kümzüker aser ano pei nisung azüoka […]
~ S. T. Yapang. Lkr. Kohima. Tir Yimyim Metsüremi 11 aser Ao Milen 12, 2018 anogo nung “Ao Oshi Metet Tendangba” tasüngdangba nung shirnokisa asen oshi renlokdaktsütsü nükjidong yur langzüogo ajak dang kanga pelar. Temetettsü züngya 1 nung shia aliba ama shingaia ajak melangzütet nungji takoker shinga mali, ajaki ano tali temulung agütsüshia asen oshi […]
Khen khenbo asenok asoshi sarasadem melangzübaji tajungtiba lir. Ken züluri ashir, “Aser parnok temepishiba pai parnok nem agütsü, aser parnok madak tashidak yok” (t.15). Israel nungeri merumerua sarasadem. Tsüngremi Kotak nungi parnok manna agi mesüa liasü, saka parnoki shi chinü. Anepdang shia parnok teinyaktsü ajunga agi süki nungi adoka angüma lur senti, temerük, tanang, taküm […]
New Delhi, Rongchii 19 (Agencies): Tanü Supreme Court (SC)-i CBI judge, B. Loya asüba ken o bushisüngdangtsü atema temepishiba aika magizük; taoba mapang Gujarat nung Home minister aser tang BJP Tir teinyakdak, Amit Shah anema ken o ka angadangba mapang nung Judge Loya asü. 2005 küm Sohrabuddin Sheikh ken o nung Amit Shah nem tai […]