Imphal/New Delhi, March 12 (Agencies) : Deobarnü Manipur nung Chief Minister Okram Ibobi Singh Congress legislature party lennir asütsü shimogo. Arishi küm 68 tain Ibobi-i 2002 nungi 2017 tashi sorkar asembenren atongtepa benogo aser taküm assembly elections nunga pa lenisüba kübok Congress-i menden teimba nung takok angu. Thoubal Assembly menden nungi Ibobi-i vote 10,400 agi […]
Kohima, March 12 (TYO) : Naga Peoples’ Front (NPF)-i Manipur nung non-Congress party mashii ka den sorkar tasen akümtsü atema yariteptsü. Manipur assembly elections nung NPF-i menden pezü nung takok ngua lir. “Onok NDA den yaritepba telok ka lir, anungji North East Democratic Alliance nungittsü. Iba teloktep nung Manipur nunga Non-Congress teloktem dena lir” ta […]
Kohima, March 12 (TYO): British Council-i Kohima Educational Trust 2017 scholarship awardees 184 nem parnok indang online library membership angati agutsütsü; iba online library ajanga premium e-resources agütsür, aser ibaji India tesem mashika nungi angutsü. Kohima Educational Trust (KET) ya 2003 küm, 1944 nung Kohima tongbang nung rarar British nungeri tentettsü. Iba Trust ajanga shisaliok […]
March 12, 2017 nü Kohima district kübok Kiruphema nung Kiruphema Youth Organisation (KYO) züngsemtemi ganja raksaa rongdokba noksa nung angur. Kohima, March 12 (TYO): State yimtiba, Kohima district kübok anogoshia National Highway 29 nung gari aikati Kiruphema yim telongtet ajanga senzür, aser tanü Kiruphema Youth Organisation (KYO)-i ganja aika puogo. KYO intelligent team aser action […]
Chandigarh, March 12, 2017: Deobarnü Chandigarh Congress Bhavan nung Congress MLA tem senden ka amenba sülen Punjab Congress Tir, Capt. Amrinder Singh, Congress lenir, Harish Chaudhri, taoba mapang Rajasthan Chief Minister, Ashok Gehlot aser Asha Kumari nungeri Raj Bhavan nung Punjab Angh, V P Singh Badnore ajurudang tangokba noksa nung angur. Chandigarh, March 12 (Agencies): […]
New Delhi, March 12 (Agencies): 2016 küm April nungi December ita tashi bank balala nung ashioktsüba bushiba nung ICICI Bank ya temaba aser SBI ya tanabuba jenjang nung lir, ta RBI ajanga bushitet. Ita 9 tsüngda nung sen lakh 1 aser iba tema nung nüburtem ashioktsüba ken o tem ya ICICI nung 455, SBI nung […]
New Delhi, March 12 (Agencies): Yashi BJP ajanga takok anguba ola tesashi ya Uttar Pradesh (UP) alema oa, Rajya Sabha aser Rashtrapati Bhavan nunga angashitsü. UP Assembly nung menden 403 nungi BSP-i menden 19 kisüng ngutetba ajanga par telok lenir, Mayawati-a kanga aoksatsüogo. UP aser Uttarakhand nung BJP teloki takok anguba ajanga India nung taruba […]
New Delhi, March 12 (Agencies): Punjab election nung Aadmi Party (AAP) puri menden 20 koka liasü. Constituency 26 nungbo parnok tanabuba jenjang nung liasü, saka AAP candidate parnok 20 shi vote tangutsü lateta toktsüba mongutetba ajanga security deposit meyipa mangu. APP pur den teloktep party Insaaf Party-i menden ana koka liasü. AAP candidate 62 Congress […]
New Delhi, March 12 (Agencies): Ato kilonser, Narendra Modi teyari (nüboyimba) ajanga Uttar Pradesh nung küm 14 sülen assembly election nung BJP-i majority agi takok anguba sülen Deobarnü Modi-i, India tasen ka yangerdar aser ibaji ajanga terenlok atema nokdaktsü, ta metetdaktsü. Modi-i twitter ajanga, “India tasen ka yangerdar, aser iba tashiji India nunger crore 125 […]
New Delhi, March 12 (Agencies): Uttar Pradesh aser Uttarakhand assembly elections nung BJP-i majority ngua takok anguba sülen iba state ana nung Chief Minister shimtsü atema Deobar nikongdang BJP Parliamentary Board senden amentsü, ta osang ka ajanga metetdaktsü. Parliamentary Board-isa Goa aser Manipur na atema-a jembitsü. Bharatiya Janata Party-i iba state ana nung majority mengutetaka […]