Kechiyong tesüiba süshia, taküm süshia, kotak tenyartem süshia, yimsüsürtem süshia, tang alibatem süshia, tarutsü alibatem süshia, ain aketbatem süshia, tema nung aliba süshia, telung nung aliba süshia, tangar teyangluba oset süshia, asen Kibuba Khrista Yisu dak aliba Tsüngrem temeim nungi asenok piladaktsütsü makoktsü ta ni chichia amanger. Rom 8: 38-39. Oh! Koda tejangja. Kechaia Tsüngrem […]
ATSÜABUNG MEDEMBA – KHRISTAN TANGATETBA Aser tena prongla mangsa liasü, nisung o pa kinüngtsü na, aser maktepi liasü. Lipok 2:25. Laishiba nung iba o jakdaka dang ashiba jagi Tsüngremi atsü-abung medembaji Tsüngremi saklokba mapa ta sayur. Pai ibaji yanglu. Idakji kecha tamajung mali. Adam aser Eva mangsa liasü saka kecha maktepi liasü. Temenen malidanga, atsü-abung […]
Ni kechi koda Khrista chilu ajir, yamaji nenoki kü chilu ajiang. 1 Kor. 11:1 Yisu mapang nung tangazüker jagi mapa agi sashisashia sayua angazükdaktsü. Tesayur tulu kübok angazükba tetezü nütsüngtemji parnok tesayur den ali. Tangazükertemi masterba philosophyji dang angazük masü saka parnoki parnok master anogo shia takümji ajia ali. Nütsüngtemi parnok tesayurtem ama alitsü bushi. […]
Khristan shia nükjidongji Yisu mesüka alitsübaji asütsüla. Yisu dak aliba jakla tajung ajakji taidok agütsübaji liasü. Yisui temulungjang ajunga agi chichiba taidok agütsüba ama nisung shinga melika. Asenoki Yisu mesüka linüra Yisu ama tatok agütsüba tashiji ululoka alitsü bushitsüla. Pa alima nung taküm tembanga arudang mepelai bilemba aser tesempa nungi nüji süa liasü. Asenok meimchir […]
Mathi 5:17-20 Ni samatsütsü masü atalokdaktsütsü aru. Mathi 5:17 Yisu yimsüji tatem maka anüng nung chiyongtsü auso dang nungi tali meimchiri ajangshiba tonga aoba lir. Atangji teti tatemmaka tekümtetji pa taküm ajungmesodaktsüba tiyongtsüji lir. Aji saka, ken atema kümzükbaji Pai aria bilemtsüba nung shilem ka lir. Aji asü nung Pa tesayuba nung tanelaren merükteta taküm […]
Nenok meimchir tesangwa. Tenem nung aliba yimti memeyimtet. Mat 5: 13-16. Ernie Pyle, pa mapa tulu tatembang kati arur ta metetta, pa tembar dangi temepishiba shiti ka zülu: “Na tesangwa temdaki ta Tsüngremi metet”. Iba temepishiba tayimtenba ya kin ajak noksa lir. Mr. Pyle teyari asoshi Pa tembar dangi aoba ama, asen Kini inyaktsü akok. […]
Ne temeim yimlibilem yari ni rokasoa kümdakjangma. Angji Ne bang ozüng ni bilemtettsü. T.Ken 119:88. Kodang metsü tsüngküm indang jembir aiktati naro apungba, ozü asaprangba aser rem lanu adokba bilemer. Temesüktep sayutsüngiren nendakba arogoi, metsü mapang bilemdang, tsüngküm den peta asentenshi mapang alitsü bilemer. Asenoki küm shilem ama arogo calendar nung asentenshiba anogoji meinoki chichiba […]
Yihuda nunger yimsü nung lenir tulu kati Yihuda nunger aser khristantem kasa tekülem nung tajangzük anguba ajitetba ka yamai ashi: “Nisungi Tsüngrem indang bilema malitsü akok, saka Tsüngremi nisung atema kanga bilemtsür”. Ibai bushitettsü tatempangba lemangji tekülembaji lir kechiaser tekülembaji taküm aliba lemang ka lir. Tsüngrem tesangwa nung alimaji anguba lemang ka. Koba yimya nung […]
Anungji, adianutem, nenoki pei mang taküm tenla ka, temeshi aser Tsüngremi agizüktettsüsa tenlaang ta ni Tsüngrem yimlibilem agi nenok jungshir. Ibaji nenok tanela tekülemba lir. Rom 12:1. “Ibai kü temang. Iba nung ni kechi inyakner aji inyaktsü akok. Ni achitsü, ajemtsü, tanur raksaa endoktsü, mozü achitsü, moku achitsü!” Iba ama jembiba O nai angashia lir […]
Aser lemsatepba agi süshia, amajok asüküm agi süshia, kecha teinyak. Filipi 2:3 Nemnemba! Asenoki ajaklen angashir – kibong nung, külem mapa inyakertem rongnung, asenok tembartem nungi aser arogo nunga. Ibai asenok mapang indoktsü mapa tajung amai ka lir. Saka tenyar Pauli nemnemshishia kecha mapa teinyak ta ajungshir. Pai amajok nung kecha meinyak (Fil. 2:14). Maneni […]