Tamangertemi Tsüngrem mapa asoshi renemtsütsü aser Kibuba arudang renema atatsü renemdaktsütsü asoshi Temeim, Khristan temeimji paitoktsü makok. Ibri shiti züluri lokti taküm nung temeim indang jembir. Iba nung tajung tsütsü aser tamajung tsütsü lir. Tajung tsütsü, tamangertem mapa tajung asoshi ajungshir (t.24). Tamajung tsütsü parnok atsüngzüka aoba nungi noktangang (t.21-29). Sayutsüngir 4:9-12 Tasen lai ochiba […]
“Item teret taküm alitsü kokdima?” (Ezek. 37:3). Ainkar Ezekiel dang Tsüngrem nübur atsünga aoba mangdang sayu. Kecha agi masü saka teret takong lenden agi parnok tia rasaa ashitsü akok. Parnok meyipa arutsü makokba jenjang tashi orr liasü. Nüburi parnok sasa ayimten, “Onok teimla samaogo!” (t.11). Tsüngremi ainkar dang asüngdang, “Item terettem taküm alitsü kokdi ma?” […]
Taküm nung timtem anguba ajanga asenoki ajemalua aser tashi anga lidaktsür. Abraham Lincoln (1809-1865) Tsüngrem metetba aser takok anguba America president rongnung ka liasü. Pa lanuwa timtema liasü. Pa schooli küm ka tesadang shidang ao. Pa 1831 business nung tamakok angu aser 1832 nung legislature tamakok angu. Business nung tanaben tamakok angu. Pa tedong 1835 […]
“Anema alirtem asoshi doctor menüngdak saka shirangertem asoshi doctor tenüngdaktsü.” (Mt. 9:12). Tsüngremi Pa nübur anema lidaktsütsü asoshi yimya aser sayatenya ajanga mapa inyaker. Laishiba nung mozü teyari menüngdakba kecha nung shia mali. Dr. Ambrose Pare-i nangzük, “Ni aleptsür, Tsüngremi aneptsür.” Hezekiai jepa sarasademba ainkar Isaia ajanga Tsüngremi nangzük. “Aser Isaiai ashi, Mungozünu amtsük ka […]
“Tekümdang aser Mita aliba” (1 Peter 5:8). Satan, pa mapang tatsüka dang lir ta meteta sayutsüngirenlen pai kanga aritepa mapa inyaker. Pai ajakleni aor aser alurubaji raksatsür. Pai mapa yimya balala ajanga sayutsüngiba mapaji raksatsütsü meranger. Khristan anema tiyazü tesayuba prokshir, temaitsü aser tesüngmangtsü sayatenya mapa inyaker. Kinü tamangertemi item mapa ajak metetnüa jangraa bushir […]
“Anungji nenoki aluruba Kibuba dang, pa pei alurudaki nübu yoktsü sarasademang.” (Mt. 9:38). Asenok ajak tanela alu ruba Tebu mapa nung atentsüla. Tangar kümzüktsü asoshi asenok kümzük. Samaa aliba Pa dangi anir arutsü Tsüngremi aginer. Samaba san nungi o entepba jembir külen Yisui ashi, “Anungji item tilatem rongnung ka danga samatsü kotak nung aliba nenok Tebui […]
“Shibai amanga baptir, pa kümzüktsü.” Mark 16:6 Tzü nung baptibaji nisung mesüra arogoi ngutetba masü. Tebu Tsüngremi ibai tentet (Yn. 1:33). Tsüngrem chiri ozüng agütsü (Mt. 28:19). Tsüngrem Tanela Temeshi ajanga tamangertem baptitsütsü sayu (T.M. 2:38). Mezüng arogoi ibai maneni amshia aru (T.M. 2:41; 8:12; 9:18; 10:47). Baptitsü menüngdakbaji Yisu dang liasü. Yohan Baptitsübai pa […]
“Au, shiri Khrista Yisu dak akhüm tsübua liner parnok ajaki rishikangshi angutsü.” (2 Tim. 3:12). Khristan shinga timatemba school nungi kümzüka mali. Ibai Tsüngrem sentong nung shilem tesadang ka lir. Yisu temang aser tekolok timatemba ama Yob timatem. Yobi timtem koda agizük iba indang bushiba ajanga asenoki tajangzük akaba lesson angazüktsü. Yobi kechisarena asoshi pa […]
“Sarasadem nung akangakanga maneni liang aser idakji tenüngsang agütsüba den saksalema liang.” (Kolosi 4:2). Sarasademi Tsüngrem raraba nok-o-nü chiradaktsür (Efesa 6:13-18). Anungji Satani asenok sarasadem nung tashi meitdaktsütsü aser asen tebilemba tezüleni odaktsütsü asoshi Pai akoktsüba mapa ajak inyaker. Sarasadem nung temang, tanela aser tebilemba ajak adener. Yisui aiben sarasademtsü asoshi anepdang züngiya aliba mapang […]
“Ni sannüker tajung, sannüker tajungi santem asoshi pei taküm yutsür” (Yn. 10:11). Yisu dang tenla aser tenzükbaji kasa liasü. Ka meteni Pai ka atema dangbo mebilem. Asenokia koda? Khristan mapaji tashiyim agi inyakdaktsüba mapa masü saka medemer süa inyakba mapa koba nung tenlaa dena lir. Yisui ashi, “Nisungi tembar asoshi pei taküm yutsütsü, iba dangi […]