Kohima, August 12 (TYO): Register of Indigenous Inhabitants of Nagaland (RIIN) ajanga state nung aser talisa Dimapur district nung Inner Line Permit (ILP) maparen akangshitsü ta Nagaland Chief Secretary, Temjen Toy-i ashi. Abhishek committee-i Dimapur district nung ILP benokts atema tebilembatem agütsüba nung ajemdaker state sorkari state nung lisopurtem jangjatsü nüngdak ta ajitet aser iba […]
Dimapur, August 12 (TYO): Nagaland sorkari lateta aliba ozüngtem yanglushitsü aser ozüng tasentem latettsü mesüra state-i aginüba ama osangtem sangdongtsü temeten aser tashi lir. Iba kasa tashi amer state sorkari Registration of the Indigenous Inhabitants of Nagaland (RIIN) mapa inyaktsüba osang metetdaktsüogo. RIIN yanglutsü lemtetba sülen Nagaland sorkari July 17, 2019 nü Kohima nung political […]
Guwahati, August 12 (Agencies): Delhi nung Northeast nunger dak tenük yoka mapa tamajung inyakba ka ano atalokogo aser ibaji nisung telok kati Nagaland nungi lanur ana züka merenshiba lir. Osang ajanga ashiba agi Nagaland nungi lanur anaji Hauzkhas village nung aliba Aurum restaurant nung mapa inyaker aser Deobar aonung tena mapa nungi kidangi meyipa aodang […]
Dimapur, August 12 (TYO): August 7, 2019 nü Zunheboto nung 32 Assam Rifles sepaitemi public dak teka sangshiba khukhua aitsür ta Naga Hoho-i metetdaktsü. Assam Rifles-i tetsürtem dak-a teka sangshiba ya senso ajaki aitsütsüla. Parnok “Friends of the Hills People” ta ajar saka shitakba nungbo parnok ya Naga nunger anemertem lir, ta Communication Cell, Naga […]
Dimapur, August 12 (TYO): Nagaland Governor N Ravi aser Chief Minister Neiphiu Rio nati Hombarnü Eid al-Adha salem osang metetdaktsü. Iba benjung ajanga loktiliba nung tesentaktep tashi itdaktsütsü aser nisungtem akangshiteptsü imlar, ta Ravi-i ashi. Rio-i Eid amungertem dang salem osang lemsatepdang ‘temeim aser yimjung’ nung amungtsü moatsü. Tanü Nagaland nung Muslim nungertemi kanga dang […]
Mkg, August 12 (TYO): Kumlong Baptist Arogo Christian Education Ministry-i August 12 nü “Creating a free litter zone” omen nung Junior class purtem atema Environmental Awareness sentyong ka ayongzüka agiogo, ta osang ka ajanga metetdaktsü. Iba sentong nung shisalen sayurji Lecturer, NBC aser Clean Mokokchung Campaign Co-ordinator, Wb. Limaonen Imchen liasü. Iba awareness sentong ayongzüka […]
Kohima, Luroi/August 12 (TYO): Hombarnü Kohima Deputy Commissioner, Thejawelie Gregory Sote-i otsü kaket ‘Tefü Dzeda’ sayatsüogo, ta ketdangsertem osang ka ajanga metetdaktsü. Iba senong nung jembidang kaket publisher, Prasielie Pienyü-i, asür Rheichalie Pienyü-i mezüng 1904 küm Aesop’s Fables kaket nungi Tefü Dzeda ya Greek oshi nungi Tenyidie oshi agi meyipzük, ta metetdaktsü. “Otsü tatsü aliba […]
Dimapur, August 12 (TYO): August 15, 2019 nü DDSC Stadium nung 73buba Independence Day amongtsü aliba nung ajemdaker iba anogo nung anepdang 7:00 ako nungi anüngdang 12:00 ako tashi New Field Gate nungi Tragopan tashi gari senzünba nokdangtsü, ajisüka ambulance aser rongdak garitem dang melatsü, ta tanü Dy. Commissioner of Police, Traffic, Dimapur sangdong ajanga […]
Dimapur, Luroi/August 12 (TYO): Chumukedima Town nung stakeholders ajaki jana indokba inyakyim tasenba indang meteta alitsü atema August 12, 2019 nü Training of Trainers (TOT) program ka Chumukedima Town Council-i Chiimoukedima Town Hall nung ayongzüka agiogo, ta ketdangsertem osang ka ajanga metetdaktsü. Iba sentong nung jila nung aliba schools, shisaliok rejutem, Arogotem, CTSU, Tribal Students […]
Changtongya town, August 12 (TYO): Taruba Independence Day anogomong amongtsü aliba nung ajemdaker August 12, 2019 nü SDO (C) Changtongya-i ayongzüka Changtongya town nung nübodoka mapa inyakogo, ta ketdangsertem osang ka ajanga metetdaktsü. Nübur aika adenshia parnoki peipei ward nung ai ayipba den kilentzü aodak merüktet aser lenmang nung aliba ongken atepshiba nung shilen agiogo. […]