Dimapur, December 20 (TYO) : Bank account aika Non-active/ Non operational/ Dormant/ Transaction limit fixed account amala khurettem aliba ajanga Direct Benefit Transfer (DBT) inyakyim ajanga scholarship meinoktsüteter ta Ministry-i osang metetdaktsüogo ta Department of School Education-i sangdong ka nung ashi. Ano, Core Banking facility maliba bank tem nung PFMS nung bank account validation makoker. […]
Dimapur, December 18 (TYO): India sorkari December 25 nü Good Governance Day amungtsü lemtetba atema Nagaland nung arogotemi anir telok aikati ashishiteper aser parnoki sangdong balala ajanga state aser Centre sorkar dang iba telemtetba meyipa reprangshitsü atema asüngdangogo. Iba onük nung ajemdaker tanü Nagaland Chief Minister-i sangdong ka nung ashiba agi, taküm küm tetenzüklen pa […]
Dimapur, Dec.18 (TYO) : Tawa Dimapur nung supply department ajanga Nagaland tesem balala nung sensakertem dangi yoktsü asoshi lemzükba jang tesem ana nung bendena yur jang asepba bag melener dokan nung ayokba osang angazüka ACAUT teloki apuba mapatemji CBI nem bushisüngdaktsütsüla ta tanü Nagaland angh (governor) nem tezüluba nung takangba ka agütsüogo. ” December 9, […]
Dimapur, December 18 (TYO): Manipur nung tenemtsünglen amenoka aliba teloktem aser nisungtemi amokmerenba sülen Imphal nung Naga nunger noklang aika pei pei yimtsüngi moudaktsüi nokdanga lir, aser Naga nunger amenba garitem aika len tom nung soter aser mi senoka rongdoktsüba osang angazüker, ta Nagaland Chief Minister, T.R Zeliang-i Manipur Chief Minister, Ibobi Singh dang shidi […]
Dimapur, December 18 (TYO) : Kin mesüra sentsü telemsa kecha melii December 13-14, 2016 anogotem signature campaign agidang aser ano December 15 nü public rally nung telok balala aser nübortemi pusema nungitba sayua aser süoki ia bilema shilem tajung agiba atema ACAUT Nagaland-i kanga pelar aser onok tali ajemalushir, ta Media Cell sangdong ka nung […]
December 17, 2016 anogo MAIETAM nung Board of Trustees züngsem-tem aser award angur shisaluyimertem külemi telongjem noksa agiba angur. Dimapur, December 18 (TYO): December 17, 2016 nü Mongsenyimti Kaketshir Telongjem-i “Martemsu And Imsutola Educational Trust Award Mongsenyimti” (MAIETAM) Trust Award agütsü. Iba award mezüngbuba agütsüba sentongji Mongsenyimti Community Hall nung takok ngua agitetogo. Mongsenyimti Kaketshirtem […]
Dimapur, December 18 (TYO) : December 6-10, 2016 tashi Hindustan Scouts & Guides indang Komalpad Training Camp takok ngua agiogo. Iba camp ya Carmel Higher Secondary School, 4th Mile, Dimapur nung ayongzüka amung aser scouts o guides 181 aden, ta Hindustan Scouts & Guides, Nagaland unit sangdong ka nung metetdaktsü. Iba camp nungsa Development Association […]
Dimapur, December 17 (TYO) : Registered school temi Class IX Final tatidang nung tamakok angur nem Transfer Certificate magütsütsüla ta Nagaland Board of School Education (NBSE)-i sangdong ka nung tetuyuba agütsüogo. School nung tezüngdak kaketshirtem readmission masübaji kaketshirtem taginüba anema inyakba mapa ka lir. Anungji, registered school temi iba mapa meinyaktsü tuyur, ta NBSE-isa metetdaktsüogo. […]
Dimapur, December 17 (TYO) : Benjungmung mapang Dimapur jila nung traffic yariteptsü asoshi Christian Higher Secondary School compound nung garitem anentsü atema lapoktsür, ta Dimapur Traffic Police-i metetdaktsü. December 19 nungi 31, 2016 tashi anepdang 9:00 ako nungi nikongtsütsü 6:00 ako tashi CHSS compound nung garitem anena ayutsü akok, ta sangdong nung shia lir. Garitem […]
Dimapur, December 17 (TYO) : December 17, 2016 nü Nagaland Angh, P.B Acharya-i Kohima nung Gorkha Public Panchayat New Office Building cum Library lapoktsü. Iba office ya GPP complex, Chandmari nung lir. Angh-i o jembidang Kohima nung Gorkha nungertem dang loktiliba nung telongjem aser temeten bener arutsü atema lennir tajungtem adokdaktsütsü merangtsüla ta tayongzükba agütsü. […]