New Delhi, October 19 (Agencies): Congress-i Himachal Pradesh Assembly election atema candidate 59 tenüng sangdongogo, aser parnok rongnung state Chief Minister, Virbhadra Singh-i Arki constituency nungi tokteptsü. State nung November 9, 2019 nü election agitsü. Congress Tir, Sonia Gandhi leniba nung Congress central election committee senden ka mena candidate tem shima liasü. Tanüngba menden 9 […]
Imphal, October 18 (Agencies): Alima nung Muslim mesüra Khristan kiralongrartem mali kechiyong kiralongraba inyaktsü mulungtetba kiralongrartemji tamangba yimsü sülen anidakertem masü, ta Tibet nunger tamangba lennir Dalai Lama-i ashi. “Kiralongrar akümdangyongi nisungbaji Muslim, Christian mesüra tanga telok toktsür” ta Dalai Lama-i Manipur kübok Imphal nung sentong ka nung jembidang ashi. Pai anogo asemnü atema Manipur […]
Dimapur, October 18 (TYO): Nagaland sorkari Nagaland Journalists’ Welfare Scheme ketdangsütsü atema Luden ka shimtetogo. Iba Luden indang mezüngbuba sendenji October 21, 2017 anüngdang 12:00 ako nung Commissioner & Secretary, Information & Public Relations indang office chamber nung amentsü. Anungji, züngsem ajak arua adentsü mepishir, ta sorkar sangdong ka nung metetdaktsü. Luden nung züngsemtem: 1. […]
Guwahati, October 18 (Agencies): Bodo nunger tetsürtem dang jeans masemtsüba asüngdanga poster campaign ka aoba ajanga Assam kübok Bodoland Territorial Council (BTC) tesemtem nung nisungtem ajak aoksadaktsüogo. Iba poster ya All Bodo Students’ Union (ABSU)-i agütsüba lir aser parnoki Bodo nunger tetsürtem dang jeans melena parnok indang sobaliba süoshi ‘dokhona’ asemtsüba atema ajungshir. Ajisüaka Absu […]
Dimapur, October 14 (TYO): Chumukedima nung Ao Baptist Arogo 1976 küm October 10 nung tenzük. Iba mapang nungi Tenla ki pezü tashi melentepa tekülem agia aruogo. Chumukedima ya kanga karaa ainba yimti ka lir aser yangi Aor küm shia nübo jenti renloka aruba agi Tenla ki tasen ka 2008 nungi yanglutsü tenzüka liasü. Iba Tenla […]
Dimapur, October 14 (TYO): Nagaland nungi Lok Sabha Member of Parliament, Neiphiu Rio-i asüng senso tajungtem adoktsü atema shisaluyimba nung tajungtiba akümtsü merangtsüla ta ayongzük. Honibarnü Hebron Higher Secondary School, Sovima indang Silver Jubilee benjung nung o jembidang Rio-i shisaluyimba inyakyim nung tila asüdang nungi yimyatsüya aser wainshin tesayubatem agütsütsüla ta ashi. “Shisaluyimba nung nursery […]
New Delhi October 14 (Agencies): October 17, 2017 nü New Delhi nung ‘Ayurveda Day’ anogomong nung Ato kilonser, Narendra Modi-i India nung tang mezüngbuba All India Institute of Ayurveda (AIIA) semzüktsütsü; iba ya AIIMS den mesüktepa yangluba lir. Ministry of AYUSH kübok amenokba AIIA ajanga Ayurveda indang sobaliba aser tanü asüng technology tsüngda sendakteptsütsü, ta […]
Bhopal October 14 (Agencies): India nung Rohingya refugees nütsüng kanga arenba onük nung Honibarnü RSS lenir, Bhaiyyaji Joshi-i, timtem madokdangyongi parnok Myanmar-i meyipa yoktsüla, ta ashi. Tanü Bhopal nung osangbenertem den jembidang RSS leniri, “Parnok ya India nung jenoka alitsü atema aruba masü saka asalentong tamajung yur yangi jenoka alitsü meranger ama reprangteter. Parnok Jammu […]
Lucknow, Oct. 14 (Agencies): Uttar Pradesh nung BJP-i aniba sorkari illegal Bangladeshi immigrants(IBIs) meyipa yoktsü atema telemtetba agiogo. Ozüng alema arurtemi kiralongraba mapa aser ozüng alema mapa inyakba nungsa shilem agir aser iba jagi Yogi Adityanath’er sorkari tasü itta parnok anema mapa inyaktsü telemtetba agi, ta BJP otongdar Shalabh Mani Tripathi-i ashi. “Uttar Pradesh nung […]
Dimapur, October 13 (TYO) : Dimapur nung Muslim nungertem mezüpelang mesüi bentetbenteta alitsü asoshi taoba ita September 17, 2017 nü to Muslim Council Dimapur ajanga Dimapur telongtet nung aliba tekülem kitem Jame Masjids (permanent) aser Pangajana Masjids(temporary) committee purtem jadena senden ka liogo aser item tenla kitem ajakji MCD-i kanga junga mita reprangtsü lemtetogo. Talisa […]