Imphal, March 12 (Agencies): Manipur assembly elections nung Congress-i menden 28 aser BJP-i menden 21 nung takok anguba sülen party ka temejai sorkar mekümtettsüsa tensa ka nung lia party anapronglai sorkar akumtsü atema tanga party tem teyari bushidar. Honibarnü Manipur assembly election osang mesangdongdangyongi Congress aser BJP lenirtem napronglai sorkar akumtsü atema tanga party tila […]
Dimapur, March 12, 2017 (TYO): Alima rangben aser linük den liromedema Nagaland nunga Department of Legal Metrology & Consumer Protection-i ayongzüka March 15, 2017 nikongdang 1:00 ako nungi Nagaland College of Teacher Education, Kohima nung “Consumer Rights in the Digital Age” omen nung World Consumer Rights Day amungtsü, ta ketdangser sangdong ka ajanga metetdaktsü.
Kohima, March 12 (TYO): Holi benjungmung mapang Nagaland Angh, P.B. Acharya-i Naga nunger den Holi benjung salem lemsateper, ta tanü Raj Bhavan sengdong ka ajanga metetdaktsü. Angh Acharya-i, “Holi benjung ya tepen abongba mongpu atongba tsüngküm ka lir aser Holi indang sentsü balala aika ajanga linük nung sobaliba aser senmang balala temaitsü sayur,” ta ashi. […]
Tan India nung state pongo nung assembly election agiba rongnung, talisa, UP nung Narendra Modi’er BJP teloki takok anguba takok yabo meimlaba takok tuluka liasü. Aji oda, Modi atema takok tuluji Congress lenir Rahul Gandhi atema tamakok tuluka asütsü. India yimten nüchiso nguli nungi Jawaharlal Nehru, Indira Gandhi aser Rajiv Gandhi taküm ali tashi UP […]
March 11, 2017 nü Aier Enclave, Dimapur nung onlybafo.com website lapokba sentong nung DABA Pastor, Rev. N. Tzudir, onlybafo.com website kibur, Wati Imsong den par telok aser DABA Youth Director, Jongshimanen nunger külemi tangokba noksa ka angur. Dimapur, March 11 (TYO): Honibarnü Aier’s Enclave, Dimapur nung Nagaland nung aliba dokan ajak atema angati online payment […]
Honibarnü Damascus, Syria nung taküm bendanga agütsür bomb pokloktsürtemi Shiite temeshi aieni aortem mena aliba bus nükjidong ser lendong agütsüdang raksaba bustem noksa nung angur Damascus, March 11 (Agencies) : Shi’ite temeshi aieni aoertem akoksatsütsü mechi nung bomb ana pokloktsüba lendong nung tajemba agi Iraq nunger nisung 40 asü aser nisung 120 yiru. Item nisungtem […]
Abelen noksa nung March 11, 2017 nü Dehradun nung Uttarakhand Chief Minister, Harish Rawat-i assembly menden anaprong nung tamakok anguba sülen state Angh, K K Paul nem menden nungi anenba shidi agutsüba noksa angur. Ajichilen noksa nung tanü Lucknow nung Samajwadi Party-i assembly election nung tamakok anguba sülen Uttar Pradesh Chief Minister, Akhilesh Yadav-i state […]
March 11, 2017 nü AR ground nung tanurtem saisapong sentong akaba mapang Tongti Tesemdanger, 44 AR, Mokokchung nung Commandant Col KS Kataria den Kumlong Baptist Church, Christian Education Ministry nungi tanurtem aser Sunday school tesayurtem külemi tangokba noksa ka yangi angur. Mokokchung, March 11 (TYO) : Tanurtem nem Tsüngremi agüja aliba sempettem metettsü aser parnok […]
New Delhi, March 11 (Agencies) : Honibarnü Uttar Pradesh aser Uttarakhand nung BJP-i takok tulu nguogo aser külen Congress-ia Punjab nung kasa takok ngua liasü. Congress-isa Goa aser Manipur nunga menden teimba ngutet saka state anaprong nung sorkar akümtsüsabo parnoki menden mongutet. Otsüsütsü aketba results ajanga India yimtenren nung temelenshi tulu bener arutsü ta Bharatiya […]
Beijing, March 11 (Agencies) : China Tir, Xi Jinping-i linük nung telongjem wazüka ayutsü aser sobaliba balala kümzüka ayutsü asoshi lendong atalokba tesem, Xinjiang nung “Great Wall of Steel” yanglutsü kanga anunger. Xi-i iba o ya Hokolbarnü tang temendak National People’s Congress (NPC) senden nung Xinjiang yimsüsürtem den olemtep akaba mapang ashi, ta osangbenertemi metetdaktsü. […]