Alima nung nisung kija alitsü majunga ta bilema Tsüngremi tebur aser tetsür yanglu aser Pai ozüng agütsüba ama, meimchirtem soyapokyaa jenti rena aotsü tenzük; idang nung jagi meimchirtem lokti nung külemi ali aser ibaji meimchirtem lokti nung alitsü tetenzüker liasü. Atangji asenok lokti shirurutem asünung, kati ka yaritepa alima nung külemi lia aor saka lia […]
~ L.Kika Pongener. 1960’s nungi tenzüka Naga lima nung General Election agiyonga arur, aser sorkar balalai melentepa yimsüsua arur. Aji oda, tejenpur yimsüsür mapang tem kar nung centre sorkar nungi state dangi terenlok atema sen aruba magimai meyipa yokba otsü jembir. Iba mapang sen aruba magimai meyipa yokbaji yimsüsürtemi ochishia inyakba agi-a ta otsüsutsüsa jembibaji […]
Dimapur, Aenjeti, 26 (TYO): 69buba Republic Day nikongtsütsü sentong Secretariat Plaza Kohima nung Aenjeti 26 nü kaogo aser iba sentong nung Chief Secretary, Pankaj Kumar, IAS tongti tesemdanger asü. Iba sentong nung KMC inter ward Tug-of-War tetoktepba nung team ajak agi 13-i shilem agi aser PWD ward (11) puri akok. Parnok sülen tanabuba jenjang nung […]
Dimapur, Aenjeti 26 (TYO): Ao Kaketshir Telongjem Dimapur (AKTD) taküm Hon Jubilee amungtsü aliba nüngtem nung küm tepiyong sentong balala agiyonga aotsü asoshi sentong lir, aser iba dak sendakba nung Aenjeti 29 nü Quarter Marathon ka ayongzüka aliba nung tejangrartemi arua shilem agitsü asoshi kaketshir lokti ajanga pelashishia jaoker, ta AKTD ketdangsertem sangdong ka ajanga […]
Kohima, Aenjeti (January) 26 (TYO): Tanü Nagaland Angh, P B Acharya-i, Naga yimtenren teloktem aser lokti tentettem longjemba aser State Assembly nung bangzüng aika renema yimtenren onük latettsü bushiba ya küm aika Naga nunger yimtenren onük latettsü atema mapang tajung ka lir, ta metetdaktsü. “Nagaland putiotsü nung tang tongtibang tensa ka nung lir, aser kobi […]
Kohima, Aenjeti (January) 26 (TYO): Yangtepnü (Brihostibar) New Delhi nung BJP National Tir, Amit Shah aser Nagaland chief minister, T R Zeliang nati taruba state election atema NPF-BJP tsüngda tezüngzüktep agiogo. Rogonü (Hokolbar) nikongdang CM, TR Zeliang-i, taruba Nagaland Assembly election atema menden lemsatsü asoshi BJP aser NPF nati inyaktsü aser party anaprongla nungi team […]
Kohima, Aenjeti (January) 26 (TYO): Tang state nung terata tensa ka aliba ya Nagaland Legislative Assembly-i lemtetba, ‘Election magidang yimtenren latettsü’ bangzüng ajanga lir, ta tanü NPCC Tir, K. Therie-i sangdong ka nung metetdaktsü. 2017 küm Luchii (December) ita 15 nü NLA-i ‘Election magidang yimtenren latettsü’ atema akhangtsü bangzünga liasü. “Tang Nagaland nung melungtet teloktem, […]
Mokokchung, Aenjeti (January) 26 (TYO): Naga yimten tebilemtsü tekaratiba nung latettsü nükjidong nung, tang Nagaland nung ‘Election masü Solution-ang’ bushitsüla ta asüba onük nung ken o lemteptsü asoshi rongdak senden ka Aenjeti (January) 29 (Tentonü) anüngdang 11:00 ako nungi tenzüka Ao Senden office nung jateper, ta Ao Senden sangdong ka ajanga metetdaktsüogo. Iba senden nung […]
Kohima, Aenjeti (January) 26 (TYO): 1948 küm London Olympics nung Indian Football Team Captain aser Naga nunger rongnungi Olyimpics nung mezüng shilem agisang, Dr. Talimeren Ao, shiba dang Dr. T. Ao ta ajar, pa küm 100 ajungba anogomong sentong Aenjeti (January) 28 nikongdang 2:00 ako nungi tenzüka Raj Bhavan, Kohima nung amongtsü, ta ketdangsertem osang […]
Kohima, Aenjeti (January) 26 (TYO): Padma Shri awards 2018 angur nisung 73 rongnung Nagaland nungia Lentina Ao Thakkar aser Piyong Temjen Jamir na densema lir. Osang angazükba agi, Gandhi tangatetba nung anidaker, Lentina-i küm aika Mokokchung district kübok Chuchuyimlang village nung aliba Gandhi Ashram nung tenzüka aruogo, aser la mapa tajung reprangteta iba sempet agütsür. […]