Kohima, November 28 (TYO): Hornbill Festival 2017 mapang anogoshia sobaliba sentongtem atema Department of Art & Culture-i maparen ajak renemogo, ta tanü ketdangsertem osang ka ajanga metetdaktsü. Tongtibangtiba tesem nung tribe ajak nungi aser state adener tangalen nungi sobaliba sentong nung shilem agirtemi sobaliba sobutsü sobur yartsüngsanga ken atentsü. World War 2 Museum Premises nung […]
Kohima, Nobvember 28 (TYO): Nagaland Angh, PB Acharya-i November 28, 2017 nü SM, VSM, Director, Rajya Sainik Board, Brig (Retd) K.K. Roy Choudhury ajungbena asüba atema mangyimba osang lemsatep. Angh-i, asür K.K. Roy Choudhury ya sepai tajung ka aser nisung tajung ka liasü, ta ashi. “Pa ya asen state nung Ex-Servicemen Director liasü aser Rajya […]
Dimapur, November 28 (TYO): Dimapur nungi Congress Party officials- DCC Dimapur, ACCCs, DMCC, AMCC, DDYC & Minority Cell nungi lenirtemi November 27, 2017 nü Dimapur nung NPCC Tir, K. Theri ajurua taruba 2018 State General Election atema o lemtepa liasü, ta Dimapur DCC Tir, Dietho Rhakho-i sangdong ka ajanga metetdaktsü. Iba senden nung, tang NPF-i […]
Kohima, November 28 (TYO): Nagaland sorkar tenüng nung state Chief Minister, TR Zeliang-i Ngada benjungmong mapang Rengma nunger den iba benjungmong salem osang lemsatepogo. Iba benjung ya Rengma kin indang tongtibang benjung rongnung ka lir. Chief Minister-i, Ngada benjungmong ya aluyimba maparen tembanga amonger aser iba benjung ya chiyungtepba, tsüngsangba, tenüngsang agütsüba aser pelatepba mapang […]
Mokokchung, Nov 28 (TYO): Sub Divisional Education Officer, Mokokchung kübok aliba school-tem ajaki ’employees undertaking forms’ office mapang arua agizüktsü asoshi Mokokchung SDEO, Imti Tzüdir-i sangdong ka ajanga metetdaktsüogo.
Nagaland Foothill’s Road Coordination Committee (NFHRCC), Joint Coordination Committee (JCC) maneni nungiter aser temzüng 371 A nung Naga nungertemi metettsü aser teinyaktsü tongtipang onük ka Ongpangkong Senso Telongiem Dimapur-i lemsateper: Nagaland tenemtsüng lenmang dak sendakba nung Nagaland Foothill Road Coordination committee aser Nagaland Minicipal Act dak sendakba nung Joint Coordination Committee takok ngua aotsü asoshi […]
Nagaland nung kaketshirtem nem scholarship magütsüba ajanga kaketshirtem longkak aitba ya tamamangtsü mapa ka lir. Government tenzükertem nem ita sen magütsütetba aser tanga terenlok mapatem tenüng nung sen agizüka chitsübatembo shitak asütsüa akok saka sensaker chirtem meyong India government-i yokba scholarship senbo Nagaland government-ibo mechitsüka asütsü ta bilemer. Atangji, Nagaland nungbo class ter ajanger temaba […]
Dimapur, Nov.28 (TYO) : Akhoya yimtak yimsüsür tatar Wb.Alemtoshi Longkumer, anojungi iba lima nungi Mongolbar nep pilaa aoba asoshi kanga sasar aser asür kinungertem den mangyim jashi lemsateper ta Akhoya Nunger Bendanglir Reju sangdong ka ajanga metetdaktsüogo. Asür Wb.Alemtoshi Longkumer ya lanuwa nungi lokti meimba nisung ka liasü. Iba tangatetba shisatsü tajung agi pai lokti […]
Las Vegas nung taoba Miss Universe Iris Mettenaere (achiji)-i Miss Universe Demi-Leigh Nel-Peters nem korang semoktsüdang agiba noksa angur. Las Vegas, November 27 (Agencies): Deobar aonung Las Vegas nung South Africa tsür Demi-Leigh Nel-Peters-i Miss Universe korang angu. Taküm Miss Universe tetoktepba nung Miss Colombia Laura Gonzalez-i tanabuba aser Miss Jamaica Davina Bennett-i tasembuba takoktem […]
Dimapur, November 27 (TYO): Government High School, Sovima, Dimapur nung question papers auyaba ajanga Nagaland Board of School Education (NBSE) Class VIII & Class IX final tatidang anogo thinenogo aser routine melenshiogo. Class IX Final examination 2017 ji November 30 nungi December 8 tashi agitsü, ta NBSE chairman-i sangdong ka nung metetdaktsü. Iba tatidang atema […]