Itanagar, October 9 (Agencies) : Tibet nunger tamangba lennir Dalai Lama-i sangküm March ita Arunachal Pradesh semdangtsü. Deobarnü New Delhi nung Arunachal Chief Minister Pema Khandu den Assembly Speaker Tenzing Norbu Thongdok, Deputy Chief Minister Chowna Mein aser Minister Rajesh Tacho nungeri Dalai Lama den ajurutepdang, pai Arunachal semdangtsü mepishiba agizük.
Islamabad, October 9 (Agencies) : Deobarnü Pakistan Army nung tekolakba, General Raheel Sharif-i Line of Control (LoC) nung aliba sepaitem semdang aser iba mapang pai sepaitem renema aliba ngua parnok nem tenüngsang agütsü. General Sharif-i, Pakistan kübok aliba Kashmir nung Haji Pir sector semdang, ta News International osang ajanga metetdaktsü. Kasa osang ajanga, yangji aliba […]
New Delhi, October 9 (Agencies) : Indian industry nung shilem agir Pakistani artistes dang Bharatiya Janata Party (BJP)-i tekümdangtsü olen ka metetdaktsüogo. BJP-i parnok dang kiralongrartemi amakdang aitsütsü aser parnok linük nung kiralongraba maparen bulua inyakba anema ola adoktsü tayongzükba agütsü. Pakistani artist temi kiralongraba aitsüra, ibaji parnok linük atema tajung asütsü aser ibaji ajanga […]
Islamabad, October 9 (Agencies) : Iran Tir Rouahni aser Pakistan Ato Kilonser Nawaz Sharif na New York nung ajurutepa senden amendang Iran-i China-Pakistan Economic Corridor (CPEC) nung shilem agitsü mulungtetli, Iran nungi Pakistan den tongtepratepa inyaksangi Tehran-a CPEC nung shilem agitettsüsa lenmang patettsüdar. Iran nungi Pakistan Ambassador, Mehdi Honardoost aser CPEC Projects Director Zahir Shah […]
Los Angeles, October 8 (Agencies) : Arnold Schwarzenegger-i, “Ni kü sasa Republican kata ulu ulua shiteter saka ano ajak dak alia ni America nunger ka lir ta asübaji tuluba,” ta twitter ajanga lemsatep. Pai, “Ni Tir meden atema tokteper Donald Trump nem vote magütsütsü,” ta ashi. Schwarzenegger-i anogo ishika tejakdang Trump anema nüburtemi jembiba kecha […]
Baramulla/New Delhi, October 9 (Agencies) : Indian Army-i Line of Control (LoC) adena orr kiralongrar aitba tesemtem amakba sülen hopta ana majungdang, Indian army field units-i osang kar metetdaktsüogo aser iba nung parnoki Lashker-e-Taiba (LeT) nem takoksa bener arutsüba osang dena lir. Indian army field units ajanga assessment report balala agütsüba nung LeT pur takok […]
New Delhi, October 9 (Agencies) : Tir Pranab Mukherjee-i Durga Puja tenüng nung India senso ajak dangi tepela salem osang lemsatepdang, iba benjung ajanga linük yangerba mapa nung tetsürtemia kasa shilem agitsü ajungmesotsü imlar ta teimla aliba osang metetdaktsü. “Durga Puja benjung nung ni linük nung aser bendanglen aliba külem sensosanger ajak dangi salem abener” […]
Kabul, October 9 (Agencies) : Deobarnü Afghanistan Baghlan province nung army helicopter ka tsükokba lendong nung nisung 8 asü, ta ketdangsertemi ashi. Iba lendong ya onoki atalokdaktsüba lir, ta Taliban telungpuri tenüng agiogo. “Iba army helicopter ya province yimtiba Pul-e-Khumir anüdoklentip tsütsü anüolen, tenem kanga bulua aliba Qarghan Tapa tesem nung anepdang 6:00 meta atalok,” […]
Jakarta October 9 (Agencies) : Indonesia anülulen ayong ka nung rong meküpokba lendong ka nung asür parnok nisung 7 indang tasümang tzü nungi agitetogo, ta Deobarnü disaster agency ketdangser kati ashi. Iba lendong ya Indonesia Java province anüdoklen aliba Bengawan Solo ayong nung Hokolbarnü atalok. “Mongui bushitepa aliba tasümang ajak ngua agitetogo,” ta ketdangser jagi […]
Panaji, October 9 (Agencies) : Taoba Bihostibarnü Sangolda nung perfume specialist Monika Ghurde tepsetba dak sendakba nung Goa police-i Deobarnü Bengaluru nung nisung ka apu. Iba nisungji security guard Raj Kumar Singh lir aser pa ya Punjab nungi lir. Taoba mapang pa Ghurde alidak Sapana Raj Valley nung security guard ka ama inyak saka pai […]