Alima ajunga nung tzüyimma nung yangluba apu talangtiba, Hong Kong-Zhuhai-Macao Bridge China southeast tsütsü, Guangdong Province kübok Zhuhai nung ka küma ajurutepdakja yangluba sülen tayimtsü nungi agiba apu noksa ka yangi angur. (Zhuhai, June 29, 2016). Guangzhou, June 29 (Agencies): China southeast tsütsülen Guangdong Province kübok Zhuhai, Hong Kong aser China anülulentip tsütsü densemba Macau […]
United Nations, June 29 (Agencies): Netherlands aser Italy nati aroki United Nations Security Council (UNSC) menden taruba küm 2 tashi abentsü telemtetba agiogo. UNSC nung züngsemtsü vote bendentsü sentong 5 ben tashi agia linük anapronglai vote 95 ngua kasa jenjang ajangzükba yong par linük anati Western Europe & Others Group atema lemzüktsüba UNSC mendenji aroki […]
National Socialist Council of Nagalim (NSCN) nung mendenbuba Wb.Isak Chishi Swu tasoba küm 87 tashi arshia lir külen teti asoshi asenok nungi pilaba mapang ya meimlaba mapang ka masü. Taoba mapang ka iba osangkaket yimobilem nung tazüngertem den Naga nunger yimten lenirtem aika joko taküm arshi tatembangleni aruba onük ka shisabolua lemsatepogo. Alima nung nisung […]
Jerusalem, June 29 (Agencies): Israel aser Palestine napronglai agizüktettsüsa linük ana tebentetbaren asangsang nung bener arutsütsüsa Israel Ato Kilonser, Benjamin Netanyahu-i inyaktsü tajungshiba olen ka United Nations (UN) Secretary General, Ban Ki-moon-i yashi, Mongolbar nü metetdaktsüogo. “Yihuda aser Palestine nübur napronglai pei linük aser lushi nung alitsü temeten aliba kuli tejangja lir. Anungji, iba temeten […]
Mumbai, June 29 (Agencies) : Kiralongrartemi Istanbul kübok Ataturk airport amakba jakdang ghonda ishika lia Bollywood actor Hrithik Roshan aser par jabasotem iba tayimtsü anendak liasü. Iba tatalokba nung kiralongrartemi nisung 36 tashi tepset. Hrithik aser par jabaso ana- Hrehaan o Hridhaan nunger Serengeti National park, Tanzania nung vacation amungba sülen idak nungjagi pa Istanbul […]
Thiruvananthapuram (Kerala), June 29 (Agencies): Kerala nung tetsüng ana aketba garitem (two-wheelers) anishirtem lendong kanga bulua atalokba atema khuret bena Kerala sorkari Bodhbarnü August 1 nü nungi helmet masemer dang petrol mayoktsü, ta osang metetdaktsüogo. “Helmet mesemi two-wheeler anir nem totzü ayokdak petrol mayoktsü aser iba dak sendakba osang ya oil company aser petrol pump […]
June 29, 2016: Kentener, Demi Lovato-i la taküm nungi tangar ajungmesotsü atema tamalen la dak ajangshiba otsütem lemsatepa arur. Tamalen la junga mechiyungi aliba aser temesepba mozü achiba den yi ajemba tebilemtsü indang lemsatepdang lai, la mozü achiba aser yi ajemba mapang la arishi küm 21 tashi arishia alitsü ta lai mebilemi liasü, ta ashi. […]
“Saka atangji sayuba den apet O nai jembiang.” Tita 2:1 Ano teyari asoshi tangatetba tanelaji külem temeshi pur telungjem aser Tsüngrem tenzükertem arur. Khristan shinga peisasa agi teperiba makümer. Telok ka kisüng agi tabensa mekümtetter. Asenok kati ka nüngdaker. Kodang asenok shirangdir temang ajunga agi iba mesen anema rarar. Kasaji tiyazü tesayuba mopung aser yipru […]
Medemer ‘A’ : Rapi, nür-a jala anato kechisa zünger ali? Medemer ‘B’ : Tenaprongla Graduate sür kazüdargo. Süra nür jabaso toa koda? ‘A’ : Pa taküm Bangalore nung M.Sc. renemer arua ano mapabo kecha mangu kazüdar. Rapi, ni langka asüngdangdi, parnok o parnok na mulungtepra ner jala rongnung ka agidaktsüdi arung kodo. ‘B’ : Rapi, […]
New Delhi nung NSCN-IM lenir Isak Swu mang anasa NSCN-IM lenir Th.Muivah aser Lok Sabha MP Neiphiu Rio na nokdaka angur. Dimapur, June 28 (TYO) : Naga yimten nüchiso bushir telok Nationalist Socialist Council of Nagalim (NSCN-IM) nung tir Wb. Isak Chishi Swu tanü Mongolbar nü New Delhi nung Fortis Hospital nung shiranga monga lia […]